ന്യൂസ് ഡെസ്ക്, മലയാളം യുകെ
കെന്റിലെ ഒരു ആശുപത്രിയിൽ നിന്ന് പുറത്തേയ്ക്ക് നടന്ന നാല് വയസ്സുള്ള ആൺകുട്ടി ബസ് ഇടിച്ച് ദാരുണമായി കൊല്ലപ്പെട്ടു. വ്യാഴാഴ്ച ഏകദേശം 4 മണിക്കാണ് ദുരന്തം സംഭവിച്ചത്. മാർഗേറ്റിലെ ക്വീൻ എലിസബത്ത് ദി ക്വീൻ മദർ ആശുപത്രിക്ക് പുറത്ത് ഒരു അപകടം നടന്നതായുള്ള റിപ്പോർട്ടിനെ തുടർന്ന് പോലീസിനെ വിവരം അറിയിക്കുകയായിരുന്നു.
സാഹിർ ജാൻ എന്നാണ് മരിച്ച ആൺകുട്ടിയുടെ പേര്. കുട്ടിയെ ആശുപത്രിയിലേയ്ക്ക് കൊണ്ടുപോയെങ്കിലും അൽപ സമയത്തിനുശേഷം മരിച്ചതായി സ്ഥിരീകരിച്ചു. അടുത്ത ബന്ധുക്കളെ അറിയിച്ചിട്ടുണ്ട്. വെള്ള നിറത്തിലുള്ള സിംഗിൾ ഡെക്കർ വാഹനമായ ബസ് എ & ഇ വകുപ്പിന്റെ പ്രവേശന കവാടത്തിനടുത്താണ് സഞ്ചരിച്ചിരുന്നതെന്ന് പോലീസ് അറിയിച്ചു. ഇന്നലത്തെ ദാരുണമായ സംഭവത്തിൽ ഞങ്ങൾ വളരെ ദുഃഖിതരാണെന്നും കുടുംബത്തിനെ ഞങ്ങളുടെ ആത്മാർത്ഥ അനുശോചനം അറിയിക്കുന്നുവെന്നും ഈസ്റ്റ് കെന്റ് ഹോസ്പിറ്റൽസ് എൻഎച്ച്എസ് ട്രസ്റ്റിന്റെ ചീഫ് എക്സിക്യൂട്ടീവ് ട്രേസി ഫ്ലെച്ചർ പറഞ്ഞു. അപകടത്തിന് സാക്ഷിയായ ആരെങ്കിലും അല്ലെങ്കിൽ സംഭവത്തിന്റെ സിസിടിവി, ഡാഷ്‌ക്യാം ദൃശ്യങ്ങൾ കൈവശമുള്ള ആരെങ്കിലും ഉണ്ടെങ്കിൽ പോലീസുമായി ബന്ധപ്പെടാൻ അഭ്യർത്ഥിച്ചിട്ടുണ്ട് .
Leave a Reply