Malayalam UK

റെഡ് ഹിൽ സറേ: 2025 നവംബർ എട്ടാം തീയതി റെഡ് ഹിൽ സെയിന്റ് മാത്യൂസ് ഹോളിൽ ചേർന്ന
മലയാളി അസോസിയേഷൻ ഓഫ് റെഡ് ഹിൽ സറേയുടെ (MARS) വാർഷിക പൊതുയോഗം 2025-26 വർഷത്തേക്കുള്ള പുതിയ ഭരണസമിതിയെ തിരഞ്ഞെടുത്തു.

ഇലക്ഷൻ കമ്മീഷൻ അംഗങ്ങളായ ജോസഫ് വി ജോൺ, ജെസിൽ ജോസ്, ടിങ്കു തോമസ് എന്നിവരുടെ നേതൃത്വത്തിൽ ചേർന്ന പൊതുയോഗത്തിൽ മാർസ് സെക്രട്ടറി ശ്രീ സ്റ്റാലിൻ പ്ലാവില വാർഷിക റിപ്പോർട്ടും ട്രഷറർ ശ്രീ ജെന്നി മാത്യു വരവ് ചിലവ് കണക്കുകളും അവതരിപ്പിച്ചു . തുടർന്ന് നടന്ന പൊതുയോഗത്തിൽ ഇലക്ഷൻ കമ്മീഷൻ അംഗങ്ങൾ പുതിയ ഭരണസമിതിയെ പ്രഖ്യാപിച്ചു.

യുക്മ സൗത്ത് ഈസ്റ്റ് റീജണൽ പ്രസിഡന്റും പ്രവാസി കേരള കോൺഗ്രസ് യുകെ ജനറൽ സെക്രട്ടറിയുമായ ശ്രീ ജിപ്സൺ തോമസ് ആണ് പുതിയ പ്രസിഡൻറ് ആയി തിരഞ്ഞെടുക്കപ്പെട്ടത്. 2015-16, 2021-22 വർഷങ്ങളിൽ മാർസ് സെക്രട്ടറിയായി പ്രവർത്തിച്ചിട്ടുള്ള ശ്രീ ജിപ്സൺ, 2022-25 വർഷങ്ങളിൽ യുക്മ സൗത്ത് ഈസ്റ്റ് റീജണൽ സെക്രട്ടറിയായും പ്രവർത്തിച്ചിട്ടുണ്ട്. സെക്രട്ടറിയായി തിരഞ്ഞെടുക്കപ്പെട്ട ശ്രീ എവിൻ അവറാച്ചൻ, റെഡ് ഹിൽ വാരിയേഴ്സ് സ്പോർട്സ് ക്ലബ് സെക്രട്ടറി കൂടിയാണ്. സീറോ മലബാർ സെന്റ് ക്ലിയർ മിഷൻ കമ്മിറ്റി അംഗമായ ശ്രീ ജോസിൻ പകലോമറ്റമാണ് പുതിയ ട്രഷറർ.