ഷെഫീൽഡ് സ്ട്രൈക്കേഴ്സ് വോളിബോൾ ക്ലബ്ബിന്റെ നേതൃത്വത്തിൽ സംഘടിപ്പിക്കുന്ന ഓൾ യൂറോപ്പ് വോളിബോൾ ടൂർണമെന്റ് ജൂൺ 27-ന് ശനിയാഴ്ച ഷെഫീൽഡിലെ ഇംഗ്ലീഷ് ഇൻസ്റ്റിറ്റ്യൂട്ട് ഓഫ് സ്പോർട്സ് (EIS) വേദിയിൽ നടക്കും.
യൂറോപ്പിന്റെ വിവിധ ഭാഗങ്ങളിൽ നിന്നുള്ള 10 ടീമുകൾ പങ്കെടുക്കുന്ന ഈ ടൂർണമെന്റിൽ ചാമ്പ്യൻ പട്ടത്തിനായുള്ള ആവേശകരമായ മത്സരങ്ങളാണ് അരങ്ങേറുക. വിജയികളാകുന്ന ടീമിന് ട്രോഫിയും ക്യാഷ് പ്രൈസും സമ്മാനമായി നൽകും.
കേരളത്തിന്റെ കായിക സംസ്കാരവുമായി ഏറെ ഇഴചേർന്നിരിക്കുന്ന ഒരു കായിക ഇനമാണ് വോളിബോൾ. ഗ്രാമങ്ങളിലെയും നഗരങ്ങളിലെയും മൈതാനങ്ങളിൽ ഒരുകാലത്ത് സജീവമായിരുന്ന വോളിബോൾ ഇന്നും മലയാളികളുടെ പ്രിയപ്പെട്ട കായിക ഇനങ്ങളിൽ ഒന്നാണ്. ദേശീയ-അന്തർദേശീയ തലങ്ങളിൽ നിരവധി മികച്ച വോളിബോൾ താരങ്ങളെ കേരളം സംഭാവന ചെയ്തിട്ടുണ്ട്. വിദേശ രാജ്യങ്ങളിൽ താമസിക്കുന്ന മലയാളികൾക്കിടയിലും വോളിബോളിനോടുള്ള ആവേശം ശക്തമായി നിലനിൽക്കുന്നു.
വോളിബോൾ കായികരംഗത്തെ മികച്ച താരങ്ങൾ അണിനിരക്കുന്ന ഈ മത്സരങ്ങൾ കായികപ്രേമികൾക്ക് മികച്ച അനുഭവമാകുമെന്ന് സംഘാടകർ അറിയിച്ചു.
ടൂർണമെന്റ് വീക്ഷിക്കുന്നതിനായി എല്ലാ കായികാസ്വാദകരെയും പൊതുജനങ്ങളെയും ഹാർദ്ദവമായി സ്വാഗതം ചെയ്യുന്നതായി ഷെഫീൽഡ് സ്ട്രൈക്കേഴ്സ് വോളിബോൾ ക്ലബ് ഭാരവാഹികൾ അറിയിച്ചു.
Leave a Reply