ന്യൂസ് ഡെസ്ക് മലയാളം യുകെ ന്യൂസ്
ലണ്ടൻ: പെക്കാമിൽ മലയാളിയുടെ കുത്തേറ്റ് മലയാളി യുവാവിന് ദാരുണാന്ത്യം. ഇന്ന് പുലർച്ചെ ഒരു മണിയോടെയാണ് സംഭവം. പെക്കാമിലെ സതാംപ്ടൺ വേയിലുള്ള വീട്ടിൽ വെച്ച് ആരംഭിച്ച സാരമായ തർക്കമാണ് ആക്രമണത്തിൽ കലാശിച്ചതെന്നാണ് പുറത്ത് വരുന്ന വിവരം.
ആക്രമണത്തിൽ കൊല്ലപ്പെട്ട എറണാകുളം പനമ്പിള്ളി നഗർ സ്വദേശിയായ യുവാവിൻെറ വിവരങ്ങൾ അടുത്ത ബന്ധുക്കളെ അറിയിക്കുന്നത് വരെ രഹസ്യമായി സൂക്ഷിച്ചിരിക്കുകയാണ്. മലയാളികളായ രണ്ട് സാക്ഷികളെ പോലീസ് ചോദ്യം ചെയ്യാൻ കൊണ്ടുപോയി. രണ്ട് പേരും മലയാളികൾ ആയതിനാൽ തിരക്കിയെത്തിയ സുഹൃത്തുക്കളോട് പോലീസ് സംസാരിക്കാൻ തയാറായിട്ടില്ല. വീട്ടിൽ താമസിക്കുന്ന അഞ്ചുപേരും മലയാളികളാണെന്നാണ് സൂചന.
മലയാളി സമൂഹത്തെ സംബന്ധിച്ചിടത്തോളം ദാരുണമായ സംഭവമാണ് റിപ്പോർട്ട്‌ ചെയ്തിരിക്കുന്നത്. നാട്ടിൽ നിന്നും പ്രവാസികളായി എത്തിയ മലയാളികൾ എല്ലാവരും ഒരു കുടുംബം പോലെ കഴിഞ്ഞു വരുന്നതിനിടയിലാണ് ഇത്തരം സംഭവങ്ങൾ റിപ്പോർട്ട്‌ ചെയ്യുന്നത്. സംഭവത്തെ കുറിച്ച് കൂടുതൽ വിവരങ്ങൾ ഒന്നും തന്നെ പുറത്ത് വന്നിട്ടില്ല. സംഭവത്തിൽ പോലീസ് അന്വേഷണം നടത്തിവരികയാണ്.
Leave a Reply