കൊച്ചി: തമിഴ് റോക്ക്സ്റ്റാര്‍ അനിരുദ്ധ് രവിചന്ദര്‍, സന്തോഷ് നാരായന്‍ തുടങ്ങിയ സംഗീത സംവിധായകര്‍ രജനികാന്ത്, ധനുഷ് എന്നിവര്‍ക്കായി ഒരുക്കുന്ന തമിഴ് റാപ്പ് ഗാനങ്ങള്‍ കേട്ട് കയ്യടിച്ചവരാണ് നമ്മള്‍ മലയാളികള്‍. തമിഴ് ഭാഷയില്‍ റാപ്പ് പാട്ടുകള്‍ ഇറക്കി ശ്രദ്ധ നേടിയ ഹിപ്പ് ഹോപ്പ് തമിഴക്കും കേരളത്തില്‍ ഒരുപാട് ആരാധകര്‍ ഉണ്ട്. എന്നാല്‍ മലയാള സിനിമയില്‍ ഇത് നടക്കുമോ? ഇവിടെ റാപ്പ് ഗാനങ്ങള്‍ ഒരുക്കാനാവുമോ?
മലയാളത്തില്‍ റാപ്പ് ഗാനങ്ങള്‍ ഒരുക്കുക എന്നത് ശ്രമകരമാണ്. നമ്മുടെ ഭാഷാപരമായ ബുദ്ധിമുട്ടുകള്‍ തന്നെ ആണ് കാരണം. എന്നാല്‍ ഈ വെല്ലുവിളി ഏറ്റുഎടുത്ത് സംഗീത സംവിധായകന്‍ സുഷിന്‍ ശ്യാം ഒരുക്കിയ പുതിയ മലയാളം റാപ്പ് ഗാനം ‘അപരാധ പങ്കാ’ സാമൂഹ്യ മാധ്യമങ്ങളില്‍ ശ്രദ്ധ നേടുന്നു. ടൊവിനോ തോമസിനെ നായകനാക്കി നവാഗത സംവിധായകന്‍ വിഷ്ണു നാരായണന്‍ ഒരുക്കുന്ന മറഡോണയിലെ ഈ ഗാനത്തിനു വരികള്‍ എഴുതി ആലപിച്ചിരിക്കുന്നത് യൂട്യുബില്‍ മലയാളം റാപ്പ് ഗാനങ്ങള്‍ ഒരുക്കി ശ്രദ്ധ നേടിയ ഫെജോയാണ്.
ഗ്രേറ്റ് ഫാദര്‍, എസ്രാ എന്നീ ചിത്രങ്ങള്‍ പോലെ ഇതും സുഷിന്‍ ശ്യാമിന്റെ മറ്റൊരു മാസ്റ്റര്‍പീസ് ആയി മാറും എന്നു ഉറപ്പാണ്. ക്ലാസും മാസ്സും ഒരുമിച്ചു ചേരുന്ന ഈ ഗാനത്തിന്റെ ഏറ്റവും വലിയ പ്രത്യേകത അതിലെ രസം നിറഞ്ഞ ഫെജോയുടെ വരികള്‍ ആണ്.
മലയാളത്തിലെ ആദ്യത്തെ ലക്ഷണമൊത്ത മലയാളം റാപ്പ് എന്ന വിശേഷണം നേടുന്ന ഗാനം കേള്‍ക്കാം.
Leave a Reply