ന്യൂസ് ഡെസ്ക്, മലയാളം യുകെ
വെസ്റ്റ് യോർക്ക് ഷെയറിൽ അണക്കെട്ടിൽ വീണ പെൺകുട്ടിയുടെ മൃതദേഹം റിസർവയറിൽ നിന്ന് കണ്ടെത്തിയതായി പോലീസ് അറിയിച്ചു. വെള്ളത്തിൽ ഒരു മൃതദേഹം കണ്ടെന്ന സംശയത്തെ തുടർന്ന് അണക്കെട്ടിലേയ്ക്ക് അടിയന്തിര സംഘത്തെ വിളിച്ചു വരുത്തുകയായിരുന്നു. തുടർന്ന് മുങ്ങൽ വിദഗ്ധരുടെ സംഘമാണ് മൃതദേഹം കരയ്ക്കെത്തിച്ചത്. സംശയാസ്പദമായി മറ്റ് സാഹചര്യങ്ങൾ ഒന്നും കണ്ടെത്തിയിട്ടില്ലെന്ന് പോലീസ് പറഞ്ഞു.
മൃതദേഹത്തിന്റെ ഔപചാരികമായ തിരിച്ചറിയൽ ഇതുവരെ നടത്തിയിട്ടില്ലെങ്കിലും പെൺകുട്ടിയുടെ കുടുംബത്തെ വിവരം അറിയിച്ചിട്ടുണ്ട്. പ്രത്യേക പരിശീലനം ലഭിച്ച ഉദ്യോഗസ്ഥരുടെ പിന്തുണ അവർക്കുണ്ടെന്ന് കാൽഡെർഡെയ്‌ലിന്റെ സുരക്ഷാ സംഘത്തിലെ ഡിറ്റക്റ്റീവ് ഇൻസ്‌പെക്ടർ ലോറ ഹാൾ പറഞ്ഞു. പെൺകുട്ടിയുടെ മരണത്തെ കുറിച്ച് കൂടുതൽ അന്വേഷണം നടത്തുകയാണെന്നും ഏതെങ്കിലും സംശയകരമായ കാര്യങ്ങൾ ഉണ്ടെന്ന് വിശ്വസിക്കുന്നില്ലെന്നും പോലീസ് പറഞ്ഞു.
Leave a Reply