ന്യൂസ് ഡെസ്ക് മലയാളം യുകെ ന്യൂസ്
മായ്യോർക്ക : സ്പാനിഷ് ദ്വീപായ മയ്യോർക്കയിൽ 17 കാരിയായ ബ്രിട്ടീഷ് പെൺകുട്ടിയെ രണ്ട് പേര് ചേര്‍ന്ന് പീഡിപ്പിച്ചു. ആൻഡ്രാറ്റ്‌ക്സിലെ ഒരു ഹോട്ടലിൽ വെച്ചാണ് ബലാത്സംഗത്തിനിരയായതെന്ന് പെൺകുട്ടി പോലീസിനോട് വെളിപ്പെടുത്തി. പ്രതികളിൽ ഒരാൾ പ്രശസ്ത വിയറ്റ്നാമീസ് നടനും സംഗീതജ്ഞനുമാണെന്ന റിപ്പോർട്ടുകൾ പുറത്ത് വന്നു. 37ഉം 42ഉം വയസ്സുള്ള കലാകാരന്മാരെ ഒരു റെസ്റ്റോറന്റിൽ വെച്ചാണ് പെൺകുട്ടി പരിചയപ്പെട്ടത്. പെൺകുട്ടിയുമായി ബന്ധം സ്ഥാപിച്ചെടുത്ത ഇവർ പീഡനത്തിന് ശേഷം തെളിവുകൾ നശിപ്പിക്കാനും ശ്രമിച്ചു.
രണ്ട് വിയറ്റ്നാമീസ് പൗരന്മാരെ ശനിയാഴ്ച രാവിലെ തന്നെ അറസ്റ്റ് ചെയ്തതായും അന്വേഷണം തുടരുകയാണെന്നും പോലീസ് പറഞ്ഞതായി പ്രാദേശിക മാധ്യമങ്ങൾ റിപ്പോർട്ട്‌ ചെയ്തു. ബ്രിട്ടീഷ് പെൺകുട്ടി പോലീസിൽ മൊഴി നൽകിയ ശേഷം കുടുംബത്തോടൊപ്പം ദ്വീപ് വിട്ടു.
പോലീസ് മൊഴി നൽകുന്നതിന് മുമ്പ് സ്റ്റാൻഡേർഡ് പ്രോട്ടോക്കോളിന്റെ ഭാഗമായി പെൺകുട്ടിയെ പാൽമയിലെ സോൺ എസ്പേസ് ഹോസ്പിറ്റലിൽ എത്തിച്ച് വൈദ്യപരിശോധനയ്ക്ക് വിധേയയാക്കി. അറസ്റ്റിലായ രണ്ടുപേരുടെയും പേര് ഇതുവരെ വെളിപ്പെടുത്തിയിട്ടില്ല. ഇപ്പോൾ ജാമ്യത്തിൽ വിട്ടെങ്കിലും സ്പെയിൻ വിട്ടുപോകാൻ ഇവർക്ക് അനുവാദമില്ല.
Leave a Reply