കോണ്‍ഗ്രസുമായുള്ള അഭിപ്രായ വ്യത്യാസത്തെത്തുടര്‍ന്ന് രാജസ്ഥാനിൽ കോൺഗ്രസ് സർക്കാരിനുള്ള പിന്തുണ പിൻവലിക്കാൻ ഒരുങ്ങി ബിഎസ്പി. ബിഎസ്പിയുടെ ആറ് എംഎൽഎമാർ ഉടൻ ഗവർണറെ കാണുമെന്നാണ് വിവരം. 200 അംഗ നിയമസഭയിൽ കോൺഗ്രസിന് 112അംഗങ്ങളുടെ പിന്തുണയുണ്ട്. അതിനാൽ ബിഎസ്പി യുടെ പിന്മാറ്റം സർക്കാരിന്റെ നിലനിൽപ്പിന് ഭീഷണിയാകില്ല.

എന്നാൽ സമാന നിലപാട് മധ്യപ്രദേശിലേക്കും വ്യാപിപ്പിക്കാൻ ബിഎസ്പി തീരുമാനിക്കുമോ എന്ന ആശങ്കയിലാണ് കോൺഗ്രസ്സ്. ബിഎസ്പിയുടെ രണ്ട് അംഗങ്ങളുടെ പിന്തുണയുടെ ബലത്തിലാണ് മധ്യപ്രദേശിൽ കോൺഗ്രസ്സ് സര്‍ക്കാര്‍ നിലനിൽക്കുന്നത്.