ജിയോ ജോസഫ്
വേൾഡ് മലയാളി യു കെ പ്രൊവിൻസെന്റെ ആഭിമുഖ്യത്തിൽ സൂം പ്ലാറ്റ്ഫോംമിലൂടെ വരുന്ന ശനിയാഴ്ച 20/3/2021, 6പിഎംമിന് സ്റ്റോക്ക് ഓൺ ട്രെന്റിൽ നിന്നും മാസ്റ്റർ ഷെഫ് ബാബു തോട്ടാപ്പിള്ളി നേതൃത്വം കൊടുക്കുന്ന കുക്കറി ഷോയിലെക്ക് ഏവർക്കും സ്വാഗതം.
കഴിഞ്ഞ മാസം നടത്തിയ ലൈഫ് സ്റ്റൈൽ മെഡിസിൻ സെമിനാർ വൻ വിജയം ആയിരുന്നു. പ്രസിഡന്റ് മിസ്റ്റർ സൈബിൻ പാലാട്ടി എല്ലാവർക്കും സ്വാഗതം ആശംസിക്കുകയും, സ്കർബ്രൗയിൽ നിന്നുള്ള ഡോ. പോൾ ഈനാശു, “ലൈഫ് സ്റ്റൈൽ മെഡിസിൻ” എന്ന വിഷയത്തെ ആസ്പദമാക്കി നടത്തിയ സെമിനാർ വിജ്ഞഞാനപ്രദവുമായിരുന്നു. ഡബ്ലി യു എം സി ജനറൽ സെക്രട്ടറി മിസ്റ്റർ ജിമ്മി ഡേവിഡ് സെമിനാർ കോ ഓർഡിനേറ്റ് ചെയ്യുകയും, ഡബ്ലി യു എം സി ചെയർമാൻ ഡോ. ജിമ്മി ലോനപ്പൻ മൊയ്‌ലാൻ എല്ലാവർക്കും നന്ദി പറഞ്ഞു.
ഈ കൂട്ടായ്മയിലേക്ക് ജാതി, മത, കക്ഷി രാഷ്ട്രീയ ഭേദ വ്യത്യാസമില്ലാതേ ഏവർക്കും സ്വാഗതം. കൂടുതൽ വിവരങ്ങൾക്കു www.wmcuk.org അല്ലെങ്കിൽ ഭാരവാഹികളുമായി ബന്ധപ്പെടുക.
ഡോ ജിമ്മി ലോനപ്പൻ മൊയ്‌ലൻ (ചെയർമാൻ ) 07470605755
മിസ്റ്റർ സൈബിൻ പാലാട്ടി (പ്രസിഡന്റ് ) 07411615189
മിസ്റ്റർ ജിമ്മി ഡേവിഡ് (ജനറൽ സെക്രട്ടറി ) 07886308162.
കുക്കറി ഷോയുടെ ലിങ്ക് താഴെ കൊടുത്തിരിക്കുന്നു.
Topic: WMCC Cookery Show
Time: Mar 20, 2021 06:00 PM London
Join Zoom Meeting
https://us02web.zoom.us/j/87861528712?pwd=elBqRFhvQmFkcElqSTE3WmRHZVZIQT09
Meeting ID: 878 6152 8712
Passcode: 876936
ഇബ്രാഹിം വാക്കുളങ്ങര
യു കെയിലെ സോഷ്യലിസത്തിൻ്റെയും ഇടതുപക്ഷ ചിന്താഗതിയുടെയും വക്താക്കളായ സമീക്ഷ യു കെ യുടെ വനിത വിഭാഗമായ സ്ത്രീ സമീക്ഷ, യു കെയിലെ യുവ തലമുറയിലെ വനിതകളുടെ നേതൃത്വത്തിൽ വനിതാ ദിനാഘോഷത്തിലേക്ക് നീങ്ങുന്നു. യു കെയിലെ ഉജ്ജ്വല സമര പോരാട്ടങ്ങൾക്ക് നേതൃത്വം നൽകുന്ന സംഘടന എന്ന നിലയിൽ സ്ത്രീ സമീക്ഷ, യു കെയിലെ മലയാളി സ്ത്രീകളുടെ മനസിൽ നേരത്തേ തന്നെ ചിരപ്രതിഷ്O നേടിയിരുന്നു. കേരളത്തിലെ സ്ത്രീകൾ അനുഭവിച്ചുകൊണ്ടിരുന്ന അവഗണനകളിൽ നിന്നും മോചനം നേടുന്നതിനു വേണ്ടി നവോത്ഥാന പ്രസ്ഥാനം വഹിച്ച പങ്ക് സുപ്രധാനമായിരുന്നു എന്ന തിരിച്ചറിവ് ഉൾക്കൊണ്ട്, നവോത്ഥാന മൂല്യങ്ങൾ സംരക്ഷിക്കുന്നതിനായി കേരളത്തോടൊപ്പം ചേർന്ന്, ലണ്ടനിൽ സ്ത്രീ സമീക്ഷ സംഘടിപ്പിച്ച വനിതാ മതിൽ ഏറെ ശ്രദ്ധിക്കപ്പെട്ടിരുന്നു.
സ്ത്രീ ശാക്തീകരണത്തിനായി ലോകത്ത് എന്നും നിലകൊണ്ടത് സോഷ്യലിസ്റ്റ് ചേരിയായിരുന്നു എന്നതിനാൽ തന്നെ യുകെയിലെ മലയാളി പുതുതലമുറയെ മുന്നിൽ കണ്ട് പ്രവർത്തിക്കുന്ന സ്ത്രീ സമീക്ഷക്ക് വളരെയേറെ സംഭാവനകൾ നൽകാൻ കഴിയുമെന്ന് ഉറക്കെ പ്രഖ്യാപിച്ച് സ്ത്രീ സമീക്ഷ നടത്തുന്ന വനിതാ ദിന ആലോഷ പരിപാടിയിലേക്ക് എല്ലാവരേയും ഹാർദ്ദവമായി സ്വാഗതം ചെയ്യുന്നു. കമ്യൂണിസ്റ്റ് പാർട്ടി ഓഫ് ബ്രിട്ടൻ്റെ വിമൻസ് വിംഗ് ലീഡറായ സഖാവ് ആൻ പാപ്പ ജോർജിയോ അതിഥിയായി പങ്കെടുക്കുന്ന മീറ്റിംഗിൽ, ദൃശ്യം 2 ഫെയിം സിനിമാതാരം ശ്രീമതി. രജ്ഞിനിജോർജ്, കേരളത്തിൽ സ്ത്രീ ശാക്തീകരണത്തിനായി പ്രവർത്തിക്കുന്ന ‘വിംഗ്സ് കേരള’യുടെ എക്സിക്യൂട്ടീവ് അംഗം അഡ്വ. സുധ ഹരിദ്വാർ, ഗ്രേറ്റ് ഇന്ത്യൻ കിച്ചൻ ഡയറക്ടർ ശ്രീ. ജിയോ ബേബി എന്നിവർ അതിഥികളായെത്തി സംസാരിക്കുന്നു. അവരോടൊപ്പം യു കെയിലെ സ്ത്രീ സമീക്ഷ പ്രതീക്ഷയോടെ നോക്കിക്കാണുന്ന, യു കെ യിലെ സ്ത്രീ സമീക്ഷയുടെ ജ്വലിക്കുന്ന നക്ഷത്രങ്ങളായ, ഭാവി വാഗ്ദാനങ്ങൾ ആര്യ ജോഷി, സാന്ദ്ര സുഗതൻ, ആര്യശ്രീ ഭാസ്കർ , സ്നേഹ മറിയ ഏബ്രഹാം എന്നിവരും അവരുടെ പുത്തൻ ആശയങ്ങളുമായെത്തുന്നു.
മരിയ രാജുവിന്റെ നൃത്തത്തോടു കൂടി പരിപാടികൾ ആരംഭിക്കും. കൂടാതെ ഈ ലോക് ഡൗൺ കാലത്ത് മലയാളിയുടെ സർഗവസനയെ പരിപോഷിപ്പിക്കുന്നതിനായി അനവരതം പ്രവർത്തിച്ചു കൊണ്ടിരിക്കുന്ന സമീക്ഷ സർഗവേദി, മുതിർന്നവർക്കായി നടത്തിയ നാടൻ പാട്ട് മത്സരത്തിലെ വിജയികളായ സ്നേഹ ഷിനു, ദിവ്യ പ്രിയൻ എന്നിവർ തങ്ങളുടെ നാടൻ പാട്ടുമായി സമ്മേളനത്തിന് കൊഴുപ്പേകുന്നു. സമീക്ഷ സർഗ്ഗവേദി മത്സരവിജയിയായ മരിയ രാജുവിന്റെ നൃത്തത്തോടെ തുടങ്ങുന്ന ആഘോഷങ്ങൾക്ക് നേതൃത്വം കൊടുക്കുന്നത്, സ്വപ്ന പ്രവീൺ, സീമ സൈമൺ, ജൂലി ജോഷി, ധന്യ സുഗതൻ, രാജി ഷാജി, പ്രതിഭ കേശവൻ, ചിഞ്ചു സണ്ണി എന്നിവരാണ്. ഈ ഞായറാഴ്ച ( മാർച്ച് മാസം 14) യു കെ സമയം 12.30 പിഎം മുതൽ 2.30 പിഎം വരെ നടക്കുന്ന വനിതാ സമീക്ഷയുടെ ആ മഹത് സമ്മേളനത്തിൽ ഭാഗഭാക്കാവുന്നതിന് സ്ത്രീ സമീക്ഷ എല്ലാവരെയും ഹാർദ്ദവമായി സ്വാഗതം ചെയ്യുന്നു.
സമ്മേളനം തത്സമയം കാണുന്നതിനായി ഈ ഞായറാഴ്ച 12.30ന് താഴെ കൊടുത്തിരിക്കുന്ന സൂം ലിങ്കിലോ അല്ലെങ്കിൽ സമീക്ഷയുടെ ഓഫീഷ്യൽ ഫേസ് ബുക്ക് പേജിന്റെ ലിങ്കിലോ, ഗ്ലോബൽ മല്ലു കോമാരെഡ്‌സ് (GMC) എന്ന ഫേസ്ബുക് പേജിന്റെ ലിങ്കിലോ കയറണമെന്ന് സ്ത്രീ സമീക്ഷയ്ക്ക് വേണ്ടി, സമീക്ഷ യുകെ നാഷണൽ പ്രസിഡന്റ് ശ്രീമതി. സ്വപ്ന പ്രവീൺ അഭ്യർത്ഥിച്ചു.
സമീക്ഷ സർഗ്ഗവേദി ലോക്ക്ഡൗൺ കാലത്ത് യുകെയിലെ പതിനെട്ടു വയസ്സിനു മേൽ പ്രായമുള്ളവർക്കായി സംഘടിപ്പിച്ച നാടൻപാട്ട് മത്സരത്തിലെ വിജയികളെ പ്രഖ്യാപിച്ചു . സമീക്ഷ സാംസ്കാരിക സദസ്സിന്റെ ഉദ്‌ഘാടന ചടങ്ങിൽ സ്വാമി സന്ദീപാനന്ദ ഗിരി ആണ് വിജയികളെ പ്രഖ്യാപിച്ചത് . നൂറോളം കലാകാരൻമാർ പങ്കെടുത്ത വാശിയേറിയ മത്സരത്തിൽ ഒന്നാം സമ്മാനം എക്സിറ്ററിന്റെ യുവഗായകൻ ബെൽവിൻ ബാബു, രണ്ടാം സമ്മാനം ന്യൂകാസിൽ നിന്നും ശ്രീമതി സ്നേഹ ഷിനുവും, മൂന്നാം സമ്മാനം എക്സിറ്ററിൽ നിന്നും ശ്രീമതി ദിവ്യ പ്രിയനും കരസ്ഥമാക്കി.
നാട്ടിൽ നിന്നും പ്രഗത്ഭരായ മൂന്നു വിധി കർത്താക്കളാണ് വിജയികളെ കണ്ടെത്തിയത്. ശ്രീ രാജേഷ് പുതുമന, ശ്രീ തുമ്പുർ സുബ്ര്യമണ്യം, ശ്രീമതി സിജി മുരളീധരൻ ചേർത്തല.
ശ്രീ രാജേഷ് പുതുമന
നാടൻ പാട്ടിനെ കുറിച്ച് ആധികാരിക പഠനം നടത്തുന്ന കലാകാരൻ. സ്കൂൾ , സർവകലാശാല മത്സര വേദികളിലെ വിധി കർത്താവു.മൂന്നു തവണ യൂണിവേഴ്സിറ്റി കലാപ്രതിഭാ പട്ടം. അദ്ധ്യാപന രംഗത്തും ഏതാനും അംഗീകാരങ്ങൾ (അദ്ധ്യാപക കലാവേദി സംസ്ഥാന അവാർഡ്, റോട്ടറി വൊക്കേഷണൽ എക്സലൻസ് അവാർഡ് etc..) വിദ്യാർത്ഥികൾക്കായി 5 പുസ്തകം പുറത്തിറക്കി (ഡിസി ബുക്സ് ആൻഡ് എൻ ബി എസ് ) മനോരമ പഠിപ്പുരയിൽ 2005 മുതൽ എഴുതുന്നു, ചാനലുകളിൽ കമന്റേറ്റർ ആണ്. ഡിസി ബുക്സ്-സ്റ്റോറിടെൽ വോയ്‌സ് ആർട്ടിസ്റ്റ് ആണ്,30 ലധികം പുസ്തകങ്ങൾക്ക് ശബ്ദം കൊടുത്തു കഴിഞ്ഞു. 25 വർഷമായി അദ്ധ്യാപകൻ, പരിശീലകൻ, ടെക്സ്റ്റ് ബുക്ക് വർക്ക്‌ഷോപ്പുകളിൽ പങ്കാളി, കേന്ദ്ര ഗവൺമെൻറിന് കീഴിലുള്ള ദക്ഷിണ ഭാരത ഹിന്ദി പ്രചാര സഭ, മദ്രാസ്സിൽ പിഎച്ച്ഡി ചെയ്യുന്നു.
സിജി മുരളീധരൻ ചേർത്തല
തെക്കൻ കേരളത്തിലെ ശാസ്ത്രീയ സംഗീത വേദികളിലെ നിറ സാന്നിധ്യം സ്കൂൾ കലോൽത്സവ വേദികളിലെ സ്ഥിരം വിധികർത്താവ് . സൗപർണ്ണിക സംഗീത ഗുരുകുലം എന്ന സ്‌ഥാപനത്തിലൂടെ 100 കണക്കിന് കുട്ടികൾക്ക് സംഗീതം പകർന്നു നൽകുന്ന സംഗീത അദ്ധ്യാപിക.
തുമ്പൂർ സുബ്രമണ്യം
നാടൻ പാട്ടു കലാകാരൻ, സിനിമ പിന്നണിഗായകരോടൊപ്പം നിരവധി വേദികൾ പങ്കുവെച്ച കലാകാരൻ. ഫ്ലവേർസ് അടക്കമുള്ള മലയാളം ചാനലുകളിൽ സ്ഥിരം സാനിധ്യം. സ്കൂൾ കലോത്സവ വേദികളിലെ വിധികർത്താവ് . 100 കണക്കിന് കുട്ടികൾക്ക് സംഗീതം പകർന്നു നൽകുന്ന സംഗീത അദ്ധ്യാപകൻ.
വിധിനിർണ്ണയം നടത്തിയ ഈ കലാകാരന്മാരോടുള്ള നന്ദിയും കടപ്പാടും സമീക്ഷ സർഗ്ഗവേദി അറിയിക്കുന്നു. വിജയികൾക്ക് സമീക്ഷ സർഗ്ഗവേദിയുടെ പ്രേത്യേക അഭിനന്ദനങ്ങൾ. ഒപ്പം മത്സരത്തിൽ പങ്കെടുത്ത എല്ലാ കലാകാരന്മാർക്കും അതോടൊപ്പം സർഗ്ഗവേദിയുടെ കഴിഞ്ഞകാല മത്സരങ്ങളെ നെഞ്ചിലേറ്റിയ യുകെയിലെ എല്ലാ സുമനസുകളോടും സമീക്ഷ യുകെയുടെ ഹാർദ്ദവമേറിയ നന്ദി അറിയിക്കുന്നു.
കർശനമായ കോവിഡ് നിയന്ത്രണങ്ങൾ നിലനിന്നിരുന്ന സിറ്റിയിൽ മലയാളി കുടുബങ്ങൾക്ക് ഒത്തു ചേരാൻ പറ്റിയ രീതിയിൽ ആഘോഷങ്ങൾ സംഘടിപ്പിക്കാൻ കഴിഞ്ഞ ഒരു വർഷക്കാലം എൽകെസിക്ക് സാധിച്ചില്ലെങ്കിലും കമ്മ്യുണിറ്റിക്ക് വേണ്ടി നിരവധി ജീവകാരുണ്യപ്രവർത്തനങ്ങൾ സംഘടിപ്പിക്കാൻ സാധിച്ചതിൽ അഭിമാനിക്കുന്നതായി ഭാരവാഹികള്‍ പറഞ്ഞു.
ആശങ്കകൾ നിറഞ്ഞ ഒരു കാലത്തുകൂടെയാണ് ഇപ്പോൾ നമ്മൾ കടന്നുപോകുന്നെങ്കിലും, തീർച്ചയായും ഇതെല്ലാം കടന്നു പോകുമെന്നും, സ്വന്തം നാട് വിട്ട് പ്രവാസഭൂമിയിൽ ഒരൊറ്റ സമൂഹമെന്നനിലയിൽ നിലയിൽ പരസ്പരം സഹകരണത്തിന്റെയും സാഹോദര്യത്തിന്റെയും മാതൃകകളാണ് നമ്മളെന്നതിന്റെ അഭിമാനവും യോഗം പങ്കുവച്ചു.
‘ലെസ്റ്റർ കേരള കമ്മ്യുണിറ്റിയുടെ എല്ലാ കുടുബാംഗങ്ങളെയും കൂടാതെ ഈ സ്‌നേഹകൂടാരത്തിലേക്ക് പുതിയതായി കടന്നുവന്നവരെയും സവിനയം പുതിയ വർഷത്തിലേക്ക് സ്വാഗതം ചെയ്യുന്നു . പരിചയസമ്പന്നരും പുതിയ മുഖങ്ങളും ഉൾപ്പെടുന്ന ലെസ്റ്റർ കേരളാ കമ്മ്യുണിറ്റിയുടെ 2021 – 2022 വർഷത്തെ സാരഥികളെ നിങ്ങളുടെ മുൻപിൽ അവതരിപ്പിക്കുന്നു. നിങ്ങളുടെ അംഗീകാരവും ലെസ്റ്റർ കേരളാ കമ്മ്യുണിറ്റിയുടെ തുടർന്നുള്ള ഭാവി പരിപാടികളിലും നിങ്ങളുടെ സഹകരണവും സാന്നിധ്യവും ഞങ്ങൾ അഭ്യർത്ഥിക്കുന്നു .’- ലെസ്റ്റർ കേരളാ കമ്മ്യുണിറ്റി പത്രക്കുറിപ്പിൽ അറിയിച്ചു.
2021-2022 ഭാരവാഹികളും കമ്മിറ്റി അംഗങ്ങളും:
പ്രസിഡന്റ്- ലൂയിസ് കെന്നഡി
വൈസ് പ്രസിഡന്റ്- ബിജു ചാണ്ടി
സെക്രട്ടറി- സുബിൻ സുഗുണൻ
ജോയിന്റ് സെക്രട്ടറി- ബിജു മാത്യു
ട്രഷറർ – ജെയിൻ ജോസഫ്
ജോയിന്റ് ട്രഷറർ – അലക്സ് ആൻഡ്രൂസ്
കമ്മിറ്റി അംഗങ്ങൾ
അനിൽ മർക്കോസ്
ബിനു ശ്രീധരൻ
അനു അമ്പി
മനു പി ഷൈൻ
ഷിബു തോമസ്
ജിതിൻ കെ.വി.
സനിഷ് വി എസ്
രമ്യ ലിനേഷ്
ലിജോ ജോൺ
അജീഷ് കൃഷ്ണൻ
തോംസൺ ലാസർ
റ്റിന്റോ പോൾ
ജോർജ്ജ് ജോസഫ്
അനീഷ് ജോൺ
ബെന്നി പോൾ
അബി പള്ളിക്കര
നമ്മുടെ കേരളത്തിൽ നിയമസഭാ തിരഞ്ഞെടുപ്പിനു തിരശ്ശീല ഉയർന്നിരിക്കുകയാണല്ലോ നാട്ടിലെ ഒരോ ചലനങ്ങളും വളരെ ശ്രദ്ധയോടെ നോക്കി കാണുകയും പഠിച്ചു മനസ്സിലാക്കി നാടിനു ഏറ്റവും ഗുണകരമായ രീതിയിൽ ഇടപെടുകയും ചെയ്യുന്നവരാണ് പ്രവാസികളായ മലയാളികളിൽ മഹാഭൂരിപക്ഷവും അതിനുള്ള കാരണം നാട്ടിലുണ്ടാകുന്ന നല്ലതും നല്ലതല്ലാത്തതുമായ ഓരോ മാറ്റങ്ങളുടേയും ഫലങ്ങൾ ഏറ്റവും കൂടുതൽ അനുഭവിക്കേണ്ടി വരുന്നത് പ്രവാസികളാണ് എന്നതുകൊണ്ടു തന്നെയാണത്.
ആ നിലയിൽ കേരളത്തിൽ നടക്കാൻ പോകുന്ന നിയമസഭാ തിരഞ്ഞെടുപ്പും പ്രവാസികളായ മലയാളികളെ സംബന്ധിച്ചു വളരെ പ്രാധാന്യമർഹിക്കുന്നതും ഗൗരവത്തോടെ ഇടപെടേണ്ടതുമാണെന്ന തിരിച്ചറിവാണ് യുകെയിൽ മലയാളികൾക്കിടയിൽ പ്രവർത്തിക്കുന്ന ഏറ്റവും വലിയ സാംസ്കാരിക സംഘടനയായ സമീക്ഷ യുകെ ഇതുപോലെയുള്ള സാസ്കാരിക സദസ്സുകൾ സംഘടിപ്പിക്കുവാനായി മുന്നോട്ടുവന്നതിൻ്റെ പ്രധാനകാരണം .ഈ തിരഞ്ഞെടുപ്പിൽ പ്രവാസി മലയാളികളായ നമ്മൾ ഏതു നിലപാടുകൾ സ്വീകരക്കണമെന്നുള്ള വ്യക്തത നൽകികൊണ്ട് പ്രവാസി സമൂഹത്തെ ഉത്ഭുതരാക്കുക കൂടിയാണ് ഈ സാംസ്കാരിക സദസ്സുകളിലൂടെ സമീക്ഷ പറഞ്ഞു വെക്കുന്നത്
നാലാഴ്ചകൾ ( എല്ലാ വീക്കെൻ്റുകളും) തുടർച്ചയായി നീണ്ടു നിൽക്കുന്ന ഈ സാംസ്കാരിക സദസ്സും സംവാദങ്ങളും ഇന്ന് ഞായറാഴ്ച യുകെ സമയം 1 PM ന് ബഹുമാനപ്പെട്ട സിപിഐഎം കേന്ദ്ര കമ്മറ്റിഅംഗം സഖാവ് ശ്രീ ഇപി ജയരാജൻ ഉത്ഘാടനം നിർവ്വഹിക്കുന്നു. തുടർന്നുള്ള സംവാദങ്ങളിൽ സാംസ്കാരിക രംഗത്തെ നിറസാന്നിധ്യങ്ങളായ ശ്രീ ഡോ: രാജാ ഹരിപ്രസാദ്, സ്വാമി ശ്രീ സന്ദീപാനന്ദഗിരി എന്നിവരും പങ്കെടുത്തു സംസാരിക്കുന്നു.
ഇവരെ ശ്രവിക്കുവാനും നമുക്കു പറയാനും ചോദിക്കാനുമുള്ളത് പങ്കുവെക്കുവാനും നാടിൻ്റെ നന്മയാഗ്രഹിക്കുന്ന യുകെ യിലെ മലയാളി സമൂഹത്തെയാകെയും മറ്റു പ്രവാസി മലയാളി സമൂഹത്തേയും സമീക്ഷ യുകെ യുടെ ഈ സംവാദസദസ്സിലേക്ക് ക്ഷണിക്കുകയാണ് സഹർഷംസ്വാഗതം ചെയ്യുകയാണ് പങ്കാളികളാവുക നാടിൻ്റെ വളർച്ച ഉറപ്പാക്കുക…
12.30pm ന് തുറക്കുന്ന സൂം ലിങ്കിൽ കൃത്യസമയത്ത് പങ്കെടുക്കുന്ന ആദ്യത്തെ നൂറുപേർക്കു സൂമിലൂടെയും ബാക്കി എല്ലാവർക്കും സമീക്ഷ യുകെ യുടെ ഫെയ്‌സ്ബുക്ക് പേജിലൂടെയും ഈ സദസ്സിൽ പങ്കെടുക്കാവുന്നതാണ്
ലിവർപൂൾ മലയാളി അസോസിയേഷൻ (ലിമ ) യുടെ നേതൃത്വത്തിൽ കഴിഞ്ഞ ചൊവ്വാഴ്ചയും വ്യാഴാഴ്ചയുമായി നടന്ന കരിയർ ഗൈഡൻസ് ക്ലാസുകൾ എല്ലാവർക്കും പുതിയ അറിവുകൾ നൽകുന്നതും ഭാവി ചിന്തകളെ ഉദ്യവിപ്പിക്കുന്നതും ആയിരുന്നുവെന്ന് പങ്കെടുത്ത എല്ലാവരും അഭിപ്രായപ്പെട്ടു. യുകെയുടെ വിവിധമേഖലയിൽനിന്നും 98 കുടുംബംങ്ങൾ പരിപാടിയിൽ പങ്കെടുത്തു. കോവിഡ് ബാധിച്ച് ആളുകൾ വീടുകളിൽ തളക്കപ്പെട്ടപ്പോഴും ഇത്രയേറെ ആളുകളെ സൂം മീറ്റിങ്ങിലൂടെ പങ്കെടുപ്പിച്ച് ഇത്തരം ഒരു പരിപാടി വിജയിപ്പിക്കാൻ കഴിഞ്ഞതിൽ ലിമ പ്രസിഡന്റ് സെബാസ്റ്റ്യൻ ജോസഫ്, സെക്രട്ടറി സോജൻ തോമസ് എന്നിവർ സംതൃപ്തി രേഖപ്പെടുത്തി. പരിപാടികൾക്ക് ക്രിസ്റ്റി ബിനോയ് സ്വാഗതവും മരിയ സോജൻ നന്ദിയും പറഞ്ഞു.
കുട്ടികളുടെ ഭാവി തിരഞ്ഞെടുക്കുന്നതുനുള്ള ഒരു മാർഗ്ഗനിർദ്ദേശം നൽകുക എന്ന ഉദ്ദേശത്തിലാണ് കരിയർ ഗൈഡൻസ് ക്ലാസ്സുകൾ നടത്തപ്പെട്ടത്. തുടർന്നും ഇത്തരം ക്ലാസുകൾ ലിമ നടത്തുമെന്ന് ലിമ നേതൃത്വം അറിയിച്ചു. ലിവർപൂൾ ഹോപ്പ് യൂണിവേഴ്സിറ്റി ഡോക്ടറൽ റിസേർച്ചറായി പ്രവർത്തിച്ചുകൊണ്ടിരിക്കുന്നു ലിൻസ്‌ ഐനാട്ടാണ് ക്ലാസുകൾ നയിച്ചത്.
പരിപാടികൾക്കു ശേഷം പങ്കെടുത്ത എല്ലാവരുടെയും സംശയനിവാരണവും അദ്ദേഹം നിർവ്വഹിച്ചു. ലിമ നടത്തിയ ഈ പരിപാടിയിൽ പങ്കെടുത്തു വിജയിപ്പിച്ച എല്ലാവർക്കും ക്ലാസ് നയിച്ച ലിൻസിനും ലിമ നേതൃത്വ൦ നന്ദി അറിയിച്ചു. ഭാവിയിലും ലിമ നടത്തുന്ന പരിപാടികളിൽ എല്ലാവരും പങ്കെടുത്തു വിജയിപ്പിക്കണമെന്നും ലിമ നേതൃത്വ൦ അഭ്യർത്ഥിച്ചു.
We Shall Overcome എന്ന പ്ലാറ്റ്ഫോമിലൂടെ കഴിഞ്ഞ ഒരു വർഷത്തിനുള്ളിൽ ശ്രദ്ധേയമായ നിരവധി കലാ സാംസ്കാരിക പരിപാടികളിലൂടെ ജന ഹൃദയങ്ങളിൽ സ്ഥാനം പിടിച്ച കൊച്ചിൻ കലാഭവൻ ലണ്ടൻ അവതരിപ്പിക്കുന്ന വേറിട്ടൊരു സംഗീത മത്സര മാമാങ്കം . പതിനെട്ടു വയസ്സിൽ താഴെയുള്ള ലോകത്തിലെ ഏറ്റവും മികച്ച നൂറു മലയാള ഗായകരെ കണ്ടെത്തുന്നതിനു വേണ്ടി കൊച്ചിൻ കലാഭവൻ ലണ്ടൻ സംഘടിപ്പിക്കുന്ന ഓൺലൈൻ ലൈവ് റിയാലിറ്റി ഷോ യാണ് ” സൂപ്പർ സിംഗർ ഇന്റർനാഷണൽ”
സൂപ്പർ സിംഗർ ഇന്റർനാഷണൽ നിബന്ധനകൾ
മത്സരാത്ഥികൾ 18 വയസ്സിൽ താഴെയുള്ളവർ ആയിരിക്കണം . ലോകത്തിന്റെ ഏതു കോണിൽ ഉള്ളവർക്കും ഓൺലൈൻ ആയി ഈ മത്സരത്തിൽ പങ്കെടുക്കാം. മുഖ്യമായും മലയാളഗാനങ്ങൾ ആലപിക്കാൻ കഴിവുള്ളവർ ആയിരിക്കണം മത്സരാർത്ഥികൾ, തമിഴ്, ഹിന്ദി, ഇംഗ്ലീഷ് ഗാനങ്ങളും മത്സരത്തിന്റെ വിവിധ റൗണ്ടുകളിൽ ഉണ്ടായിരിക്കും. മത്സരങ്ങൾ കലാഭവൻ ലണ്ടന്റെ ഫേസ്ബുക്ക്, യൂട്യൂബ്, ഇൻസ്റ്റഗ്രാം തുടങ്ങിയ സോഷ്യൽ മീഡിയകളിലൂടെയും കലാഭവൻ ലണ്ടൻ വെബ് സൈറ്റിലൂടെയും ലൈവ് ആയി പ്രക്ഷേപണം ചെയ്യുന്നതായിരിക്കും.
മലയാള ചലച്ചിത്ര ഗാന രംഗത്തെ സംഗീത സംവിധായകരും ഗായകരും, സെലിബ്രിറ്റി ജഡ്ജസ്സും ഉൾപ്പെടുന്ന വിധികർത്താക്കൾ ആയിരിക്കും മത്സരങ്ങളുടെ വിധി നിർണ്ണയം നടത്തുന്നത്. വിവിധ റൗണ്ടുകളിലേക്ക് തിരഞ്ഞെടുക്കപ്പെടുന്നവർക്ക് വേണ്ട നിർദ്ദേശങ്ങളും ആവശ്യമായ പരിശീലനവും പ്രഗൽഭരായ സംഗീതജ്ഞർ നൽകുന്നതായിരിക്കും. അവസാന റൗണ്ടിൽ തിരഞ്ഞെടുക്കപ്പെടുന്ന നൂറ് ഗായകരെ മലയാള സംഗീത ലോകത്തിനു പരിചയപ്പെടുത്തും. അവർക്ക് പ്രത്യേക സമ്മാനങ്ങളും സർട്ടിഫിക്കറ്റുകളും. അവസാന റൗണ്ടിലെ നൂറു ഗായകരിൽ നിന്ന് തിരഞ്ഞെടുക്കപ്പെടുന്ന പത്ത് ഗായകർക്ക് സ്പെഷ്യൽ ടൈറ്റിൽ അവാർഡുകളും സമ്മാനങ്ങളും.
ഗ്രാൻഡ് ഫിനാലെയിൽ ഒന്നാം സ്ഥാനം നേടുന്ന ഗായകൻ / ഗായികയ്ക്ക് അഞ്ചു ലക്ഷം രൂപ (അയ്യായിരം പൗണ്ട് ) ക്യാഷ് അവാർഡും മറ്റു സ്പോൺസർ സമ്മാനങ്ങളും. രണ്ടാം സ്ഥാനം നേടുന്നവർക്ക് മൂന്നു ലക്ഷം രൂപയും(മൂവായിരം പൗണ്ട്) മറ്റു സമ്മാനങ്ങളും . മൂന്നാം സ്ഥാനം കരസ്ഥമാക്കുന്നവർക്ക് ഒരു ലക്ഷം (ആയിരം പൗണ്ട്) ക്യാഷ് അവാർഡും മറ്റു സമ്മാനങ്ങളും . മത്സരത്തിൽ പങ്കെടുക്കുന്നവർക്കെല്ലാം കലാഭവൻ ലണ്ടൻ നൽകുന്ന സർട്ടിഫിക്കറ്റുകൾ. വളർന്നു വരുന്ന കഴിവുറ്റ നാളെയുടെ ഗായകരെ വിവിധ മലയാള സംഗീത മേഖലകളിലേക്കും, ചലച്ചിത്ര ഗാന രംഗത്തേക്കും മറ്റു ടെലിവിഷൻ സംഗീത പരിപാടികളിലേക്കും കൈപിടിച്ചു ഉയർത്തുന്നതിനും മലയാള സംഗീത ലോകത്തിനു പരിചയപ്പെടുത്തുന്നതിനും ഉതകുന്ന രീതിയിലാണ് ഈ ഓൺലൈൻ ലൈവ് സംഗീത മത്സര റിയാലിറ്റി ഷോ അണിയിച്ചൊരുക്കുന്നത്. മത്സരാർത്ഥികൾക്കുള്ള രജിസ്‌ട്രേഷനും ഓൺലൈൻ ഒഡിഷനും മാർച്ച് അവസാന വാരം ആരംഭിക്കുന്നതും ലൈവ് മത്സരങ്ങൾ ഏപ്രിൽ മാസത്തിലും ആരംഭിക്കുന്ന രീതിയിലാണ് ഈ മെഗാ സംഗീത റിയാലിറ്റി ഷോ ക്രമീകരിച്ചിരിക്കുന്നത്
“സൂപ്പർ സിംഗർ ഇന്റർനാഷണൽ” മലയാളം റിയാലിറ്റി ഷോ സംഗീത മത്സരത്തിന്റെ ഓർഗനൈസിംഗിൽ ഭാഗമാകാൻ വിവിധ മലയാളി അസോസിയേഷനുകൾക്കും , സംഗീത ബാൻഡുകൾക്കും, ഗായകർക്കും സംഗീത അദ്ധ്യാപകർക്കും, വ്യക്തികൾക്കും അവസരം. യുകെയിൽ മാത്രമല്ല യൂറോപ്പിലെ വിവിധ രാജ്യങ്ങൾ, അമേരിക്ക, ക്യാനഡ, ഗൾഫ് രാജ്യങ്ങൾ, ഇന്ത്യയിലെ വിവിധ സിറ്റികൾ, ഓസ്ട്രേലിയ, ന്യൂസിലാൻഡ്, സിംഗപ്പൂർ, മലേഷ്യ തുടങ്ങി മലയാളി സ്പർശം ഉള്ള സ്ഥലങ്ങളിൽ എല്ലാം ഓർഗനൈസേഴ്സിനെ ക്ഷണിക്കുന്നു, താല്പര്യം ഉള്ളവർ ദയവായി കൊച്ചിൻ കലാഭവൻ ലണ്ടൻ ടീം അംഗങ്ങളുമായി ബന്ധപ്പെടുക. മത്സരത്തിൽ പങ്കെടുക്കുന്നതിനുള്ള രജിസ്‌ട്രേഷനും കൂടുതൽ വിവരങ്ങൾക്കും [email protected] -ൽ ബന്ധപ്പെടുക
ഏബ്രഹാം കുര്യൻ
പ്രശസ്ത കവിയും മലയാളം മിഷൻ ഭരണ സമിതി അംഗവുമായിരുന്ന സുഗതകുമാരി ടീച്ചറിന് ആദരവർപ്പിച്ച് ആഗോള തലത്തിൽ സംഘടിപ്പിക്കുന്ന കാവ്യാലാപന മത്സരത്തിൽ പങ്കെടുക്കുന്നതിനായി മലയാളം മിഷൻ യുകെ ചാപ്റ്ററിന്റെ കീഴിലുള്ള പഠന കേന്ദ്രങ്ങളിലെ വിദ്യാർഥികൾക്കായി നടത്തിയ “സുഗതാഞ്ജലി”കാവ്യാലാപന മത്സര വിജയികളെ പ്രഖ്യാപിച്ചു. ജൂനിയർ- സീനിയർ വിഭാഗങ്ങളിലായി യുകെയിലെ ആറ് മേഖലകളിലെ പഠന കേന്ദ്രങ്ങളിൽ നിന്നും നിരവധി കുട്ടികളാണ് പങ്കെടുത്തത് .ജൂനിയർ വിഭാഗത്തിൽ സൗത്ത് ഈസ്റ് റീജിയണിലെ ബേസിംഗ്‌സ്‌റ്റോക്ക് മലയാളം സ്കൂളിൽനിന്നുമുള്ള ആൻ എലിസബത്ത് ജോബിയും, ആരോൺ തോമസും യഥാക്രമം ഒന്നും രണ്ടും സ്ഥാനങ്ങൾ നേടി. മിഡ്‌ലാൻഡ്‌സ് റീജിയണിലെ കേരള സ്കൂൾ കവൻട്രിയിൽ നിന്നുള്ള മാളവിക ഹരീഷിനാണ് മൂന്നാം സ്ഥാനം ലഭിച്ചത്.
സീനിയർ വിഭാഗത്തിൽ യോർക്ക്ഷെയർ ആൻഡ് ഹംബർ റീജിയണിലെ സമീക്ഷ മലയാളം സ്കൂൾ ന്യൂകാസിലിൽ നിന്നുമുള്ള ഭാവന ഉഷ ബിനൂജിനാണ് ഒന്നാം സ്ഥാനം ലഭിച്ചത് . നോർത്ത് മേഖലയിൽ നിന്നുള്ള മാഞ്ചെസ്റ്റെർ മലയാളം സ്കൂളിലെ കൃഷ് മിലാൻ രണ്ടാം സ്ഥാനവും സൗത്ത് ഈസ്റ്റ് റീജിയണിലെ വെസ്റ്റ് സസെക്സ് ഹിന്ദു സമാജം മലയാളം സ്കൂളിലെ ശാരദ പിള്ള മൂന്നാം സ്ഥാനവും കരസ്ഥമാക്കി.
ഓരോ വിഭാഗത്തിലും ഒന്നും രണ്ടും സ്ഥാനങ്ങൾ ലഭിച്ചവർക്കാണ് മാർച്ച് 6 , 7 തീയതികളിലായി നടത്തുന്ന ആഗോളതല മത്സരത്തിൽ മലയാളം മിഷൻ യുകെ ചാപ്റ്ററിനെ പ്രതിനിധീകരിച്ച് പങ്കെടുക്കുന്നതിനുള്ള അർഹത നേടിയത് . ആഗോളതല മത്സരത്തിൽ പങ്കെടുക്കുന്നതിനുള്ള വിശദാംശങ്ങൾ യു കെ യിൽ നിന്ന് തെരഞ്ഞെടുക്കപ്പെട്ട വിജയികളെ യുകെ ചാപ്റ്റർ ഭാരവാഹികൾ അറിയിച്ചു.
യുകെ ചാപ്റ്റർ വിജയകരമായി സംഘടിപ്പിച്ച “സുഗതാഞ്ജലി” കാവ്യാലാപന മത്സരത്തിന് നേതൃത്വം നൽകിയ ചാപ്റ്റർ പ്രസിഡൻറ് സി എ ജോസഫ് , സെക്രട്ടറി ഏബ്രഹാം കുര്യൻ റീജിയണൽ കോർഡിനേറ്റർമാരായ ബേസിൽ ജോൺ, ആഷിക് മുഹമ്മദ് , ജനേഷ് നായർ, ജയപ്രകാശ് എസ് എസ് , റെഞ്ചുപിള്ള, ജിമ്മി ജോസഫ് എന്നിവരെയും കുട്ടികളെ പരിശീലിപ്പിച്ച അദ്ധ്യാപകരേയും മാതാപിതാക്കളേയും കൃത്യമായി വിധി നിർണ്ണയം നടത്തി ഫലപ്രഖ്യാപനം നടത്തുവാൻ സഹായിച്ച വിധികർത്താക്കളെയും മലയാളം മിഷൻ യുകെ ചാപ്റ്റർ പ്രവർത്തകസമിതി അഭിനന്ദിച്ചു.
മത്സരത്തിൽ പങ്കെടുത്ത കുട്ടികൾ എല്ലാവരും ഉന്നത നിലവാരം പുലർത്തിയെന്നും യുകെയിൽ ജീവിക്കുന്ന കുട്ടികളാണെങ്കിലും സുഗതകുമാരി ടീച്ചറുടെ മലയാളകവിതകൾ അക്ഷരസ് ഫുടതയോടെ അനായാസം ആലപിച്ചിരുന്നുവെന്നും വിധികർത്താക്കൾ അഭിപ്രായപ്പെട്ടു.
‘എവിടെയെല്ലാം മലയാളി അവിടെ എല്ലാം മലയാളം’ എന്ന മുദ്രാവാക്യവുമായി മുന്നേറുന്ന മലയാളം മിഷൻ്റെ ഭരണ സമിതി അംഗമായിരുന്ന സുഗതകുമാരി ടീച്ചറിൻ്റെ കവിതകൾ ആലപിക്കുന്ന മത്സരമായ സുഗതാഞ്ജലിയെ ലോകത്തിന്റെ എല്ലാ ഭാഗത്തു നിന്നുമുള്ള മലയാളികൾ നെഞ്ചേറ്റിയതിൻ്റെ തെളിവാണ് ഭൂരിഭാഗം ചാപ്റ്ററുകളും പങ്കെടുക്കുന്ന മാർച്ച് 6, 7 തിയതികളിലെ ഫൈനൽ മത്സരമെന്ന് മലയാളം മിഷൻ ഡയറക്ടർ പ്രൊഫസർ സുജ സൂസൻ ജോർജ് അഭിപ്രായപ്പെട്ടു. തന്റെ കവിതകൾ നിരാലംബരായ മനുഷ്യരുടെ ഹൃദയ നൊമ്പരങ്ങൾക്കുള്ള ലേപനമായും പ്രകൃതിയിലെ ജീവജാലങ്ങൾക്കും വൃക്ഷലതാദികൾക്കും കൈത്താങ്ങായും മലയാളത്തിന് സമർപ്പിച്ച സ്നേഹത്തിന്റെ അമ്മയായ സുഗതകുമാരി ടീച്ചറിനോടുള്ള ലോകമെമ്പാടുമുള്ള കുട്ടികളുടെ സ്നേഹാദരവാണ് “സുഗതാഞ്ജലി” കാവ്യാലാപന മത്സരത്തിന്റെ അഭൂതപൂർവ്വമായ വിജയത്തിന് കാരണമെന്നും പ്രൊഫ. സുജ സൂസൻ ജോർജ് അനുസ്മരിച്ചു.
“സുഗതാഞ്ജലി”അന്തര്‍ ചാപ്റ്റര്‍ കാവ്യാലാപന മത്സരത്തില്‍ വിജയികളായവരെയും പങ്കെടുത്ത എല്ലാവരെയും മലയാളം മിഷൻ ഡയറക്ടർ അഭിനന്ദിക്കുകയും കൃത്യമായി മത്സരങ്ങള്‍ നടത്തി നിർദ്ദേശിച്ച സമയത്തിനുള്ളില്‍ത്തന്നെ മത്സരഫലം അറിയിക്കുകയും ചെയ്ത സംഘാടകരെയും എല്ലാ ചാപ്റ്റർ ഭാരവാഹികളെയും പ്രത്യേകമായി അനുമോദനം അറിയിക്കുകയും ചെയ്തു.
യു കെ ചാപ്റ്ററിന്റെ കീഴിലുള്ള പഠന കേന്ദ്രങ്ങളിലെ കുട്ടികൾക്കായി നടത്തിയ “സുഗതാഞ്ജലി” കാവ്യാലാപന മത്സരത്തിലെ വിജയികൾക്കുള്ള ക്വാഷ് അവാർഡും സാക്ഷ്യ പത്രവും മലയാളം മിഷനിൽ നിന്ന് ലഭിക്കുന്നനതനുസരിച്ച് വിതരണം ചെയ്യുമെന്ന് യു കെ ചാപ്റ്റർ പ്രസിഡന്റ് ശ്രീ സി.എ ജോസഫും സെക്രട്ടറി ശ്രീ ഏബ്രഹാം കുര്യനും അറിയിച്ചു. ആഗോളതല തല മത്സരത്തിൽ പങ്കെടുക്കുന്ന കുട്ടികൾക്ക് വിജയാശംസകളും നേർന്നു.
യു.കെയിൽ എക്കാലത്തെയും വേറിട്ട മലയാളി കൂട്ടായ്മയായ സഹൃദയ – ദി വെസ്റ്റ് കെന്റ് കേരളൈറ്റ്സിന്റെ വാർഷിക പൊതുയോഗം പ്രസിഡൻ്റ് ശ്രീ മജോ തോമസിൻ്റെ അദ്ധ്യക്ഷതയിൽ 27/2/2021 ശനിയാഴ്ച വിർച്വൽ പ്ലാറ്റ്ഫോമിൽ നടന്നു. കഴിഞ്ഞ ഒരു വർഷ കാലത്തെ പ്രവർത്തനങ്ങളെ വിലയിരുത്തിയ പ്രസ്തുത യോഗത്തിൽ വച്ച് 2021-22 ലേക്കുള്ള ഭരണസമിതിയെ ഐക്യകണ്ഠേന തെരഞ്ഞെടുത്തു.
പതിനാലാം വർഷത്തിലേക്ക് കടന്ന സഹൃദയയുടെ നേതൃത്വത്തിലേക്ക് ശ്രീ. ടോമി വർക്കി പ്രസിഡന്റായി തിരഞ്ഞെടുക്കപ്പെട്ടു. ശ്രീമതി സിനിയ ജേക്കബ് (വൈസ് പ്രസിഡൻ്റ്), ശ്രീ. ബേസിൽ ജോൺ (സെക്രട്ടറി), ശ്രീ. ലാബു ബാഹുലേയൻ (ജോ. സെക്രട്ടറി), ശ്രീ മോസു ബാബു (ട്രഷറർ), ശ്രീ ധനേഷ് ബാലചന്ദ്രൻ (പ്രോഗ്രാം കോർഡിനേറ്റർ) എന്നിവരാണ് ഈ ഭരണസമിതിയിലെ മറ്റു ഭാരവാഹികൾ. കൂടാതെ ഈ വർഷത്തെ സഹൃദയയുടെ സുഗമമായ പ്രവർത്തനങ്ങൾക്കായി പതിമൂന്നംഗങ്ങൾ അടങ്ങുന്ന എക്സിക്യൂട്ടീവ് കമ്മിറ്റിയെയും തിരഞ്ഞെടുത്തു. (ബ്ലെസ്സൻ സാബു, ബിന്റോ ബാബു, മിത്ര മിഥുൻ, ബിനു മാത്യു, അജിത് വെൺമണി, ബിബിൻ എബ്രഹാം, സജിമോൻ ജോസ്, ആൽബർട്ട് ജോർജ്, ജോഷി സിറിയക്, ജയ്സൻ ജോർജ്, വിജു വർഗ്ഗീസ്, ജേക്കബ് കോയിപ്പളളി, മജോ തോമസ്).
ഓഡിറ്റേഴ്സ് ആയി ബിജു ചെറിയാൻ, സതീഷ് കമ്പറത്ത്, നാരായൺ പഞ്ചപകേശൻ എന്നിവരേയും തിരഞ്ഞെടുത്തു.
മലയാള നാടിൻ്റെ സംസ്കാരവും പൈതൃകവും ഉൾക്കൊണ്ട്, പരസ്പര സ്നേഹവും സഹകരണവും മുഖമുദ്രയാക്കി, സഹൃദയ അനുദിനം വളരുകയാണെന്നും, ലോകത്തെയാകെ പ്രതിസന്ധിയിലാക്കിയ ഈ മഹാമാരിക്കാലത്തും, സഹൃദയയക്ക് മികച്ച പ്രവർത്തനം കാഴ്ചവയ്ക്കാൻ കഴിഞ്ഞത് അഭിമാനകരമാണെന്ന് അംഗങ്ങൾ ഒന്നടങ്കം അഭിപ്രായപ്പെട്ടു.
മഹാമാരിക്ക് തൊട്ടു മുൻപായി അന്തർദേശീയ മാതൃഭാഷാ ദിനത്തോടനുബന്ധിച്ച് ‘കട്ടനും കപ്പയും പിന്നെ കവിതയും’ എന്ന കൂട്ടായ്മയോട് കൂടി ആരംഭിച്ച കഴിഞ്ഞ ഭരണസമിതിയുടെ മറ്റു പ്രവർത്തനങ്ങൾ ഇപ്രകാരമാണ്. വിമൺസ് & മദേഴ്സ് ഡേയോടനുബന്ധിച്ച് പുറത്തിറക്കിയ തണലും താരാട്ടും എന്ന ഇ-മാഗസിൻ, ലോക പുസ്തകദിനത്തോടനുബന്ധിച്ച് പുസ്തക ഡൊണേഷൻ, കോവിഡ് മഹാമാരിയാൽ ഇരുട്ടിലായ ലോകത്ത് വെളിച്ചം ആശംസിച്ച് സഹൃദയ കുടുംബം ഒരുക്കിയ സംഗീതവിരുന്ന്, സഹജീവികളിൽ ആത്മധൈര്യം വളർത്തിയ കോവിഡ് റെസ്പോൺസ് ടീം, വനിതകൾക്കായി വെർച്വൽ യോഗ ക്ലാസ്സുകൾ, വീട്ടിൽ ഇരുന്നുള്ള മാസ്ക് നിർമ്മാണം, 350 ലധികം ഓണസദ്യ തയ്യാറാക്കി എല്ലാ അംഗങ്ങളുടേയും വീടുകളിൽ എത്തിച്ചതും, ഓണപ്പാട്ട് മൽസരവും, സ്വാതന്ത്ര്യദിന ആഘോഷവും, കായികദിനവും മുടക്കം കൂടാതെ നടത്തിയതും അങ്ങേയറ്റം ശ്ലാഖനീയമായിരുന്നു. കൂടാതെ ഇംഗ്ലണ്ട് & വെയിൽസ് ക്രിക്കറ്റ് ബോർഡിൽ അഫിലിയേറ്റ് ചെയ്തു കൊണ്ടുള്ള ‘സഹൃദയ റോയൽസ് ക്രിക്കറ്റ് ക്ലബ്ബിനു തുടക്കം കുറിച്ചതും, അതിനു വെബ്‌സൈറ്റ് നിർമ്മിച്ചതും (www.sahrudayaroyalscc.co.uk) സാമൂഹ്യ അകലം പാലിച്ചുകൊണ്ടാണെങ്കിലും ആവേശം തെല്ലും ചോരാതെ നടത്തിയ ക്രിക്കറ്റ് ടൂർണമെന്റും, ക്രിസ്തുമസിനോടനുബന്ധിച്ച് എല്ലാ അംഗങ്ങൾക്കും വീടുകളിൽ എത്തിച്ചു നൽകിയ ക്രിസ്തുമസ് ഗിഫ്റ്റ് ഹാമ്പർ, കുട്ടികൾക്കുള്ള മലയാളം ക്ലാസ്സുകൾ മുടക്കം വരാതെ ഓൺലൈനിൽ നടത്താനായതും, ഫണ്ട് റെയ്സിംഗ് പ്രോഗ്രാമുകൾ, ജീവകാരുണ്യ പ്രവർത്തനങ്ങൾ, “സഹൃദയ ജ്വാല” എന്ന ഇ-മാഗസിൻ എന്നിവയും സഹൃദയയുടെ കഴിഞ്ഞ വർഷത്തെ പ്രധാന നേട്ടങ്ങളായിരുന്നു.
പ്രസ്തുത യോഗത്തിൽ സെക്രട്ടറി ശ്രീ. ബേസിൽ ജോൺ പ്രവർത്തന റിപ്പോർട്ടും, ട്രഷറർ ശ്രീ. ടോമി വർക്കി വരവു ചിലവു കണക്കുകളും അവതരിപ്പിച്ചു. പുതിയ ഭരണസമിതി അംഗങ്ങൾക്ക് അനുമോദനങ്ങൾ അർപ്പിച്ചും മുൻ സമിതിയംഗങ്ങൾക്ക് നന്ദി രേഖപ്പെടുത്തിക്കൊണ്ടും, ദേശീയഗാനത്തോടെ യോഗം അവസാനിച്ചു.
സഹൃദയ അഭിമാനപുരസരം പുറത്തിറക്കിയ സഹൃദയ ജ്വാല
ഇ-മാഗസിൻ വായിക്കുവാൻ താഴെ കൊടുത്തിരിക്കുന്ന ലിങ്ക് സന്ദർശിക്കുക.
ലിവർപൂൾ മലയാളി അസോസിയേഷൻ (ലിമ ) യുടെ നേതൃത്വത്തിൽ ലിവർപൂളിൽ വളർന്നു വരുന്ന തലമുറയ്ക്ക് പഠനങ്ങളും തൊഴിൽ അവസരങ്ങളും തിരഞ്ഞെടുക്കുന്നതിനു സഹായകമാകുന്ന കരിയർ ഗൈഡൻസ് ക്ലാസ് ഇന്നാരംഭിക്കുന്നു.
ലിവർപൂൾ മലയാളി സമൂഹത്തിലെ അംഗവും ലിവർപൂൾ ഹോപ്പ് യൂണിവേഴ്സിറ്റി ഡോക്ടറൽ റിസേർച്ചറുമായ ലിൻസ്‌ അനിയറ്റാണ് ക്ലാസിനു നേതൃത്വം കൊടുക്കുന്നത് . മാർച്ച് 2 തീയതി വൈകുന്നേരം 7 മണിക്ക് ക്ലാസിനു തുടക്കംകുറിക്കും. ഈ ക്ലാസ് മാതാപിതാക്കളെ ഉദ്ദേശിച്ചാണ് നടക്കുന്നത് പിന്നീട് വരുന്ന 4 തീയതി നടക്കുന്ന ക്ലാസ് ഏഴാം ക്ലാസ് മുതൽ മുകളിലേയ്ക്ക് പഠിക്കുന്ന കുട്ടികൾക്കും വേണ്ടിയാണ് നടക്കുന്നത്.
മലയാളി സമൂഹത്തിൽ പൊതുവെ കുട്ടികൾക്ക് അവരുടെ ഭാവി തിരഞ്ഞെടുക്കാൻ വേണ്ടത്ര വിവരങ്ങൾ ലഭിക്കാറില്ല എന്ന വസ്തുത തിരിച്ചറിഞ്ഞാണ് ലിമ ഇത്തരം ഒരു പരിപാടി സംഘടിപ്പിക്കുന്നത്. ഇത്തരം ക്ലാസുകൾ പലപ്പോഴും നമ്മുടെ കുട്ടികൾക്കും മാതാപിതാക്കൾക്കും കുട്ടികളുടെ പഠന വിഷയം തിരഞ്ഞെടുക്കുന്നതിനും ഭാവി കരുപ്പിടിപ്പിക്കുന്നതിനും ഉപകരിക്കുമെന്നതിൽ സംശയമില്ല. സാധിക്കുന്ന എല്ലാ മാതാപിതാക്കളും കുട്ടികളും ഈ പരിപാടിയിൽ പങ്കെടുക്കണമെന്ന് അഭ്യർത്ഥിക്കുന്നു .
വിവരങ്ങൾ അറിയുന്നതിന് ലിമ പ്രസിഡന്റ് സെബാസ്റ്റ്യൻ ജോസഫ് 07788254892, സെക്രട്ടറി സോജൻ തോമസ് എന്നിവരുമായി ബന്ധപ്പെടുക ഫോൺ 07736352874
