കേസും ബഹളവുമായി കാവ്യയും ദിലീപും ഓടുമ്പോള് നീണ്ട ഇടവേളയ്ക്കു ശേഷം കാവ്യയുടെ ആദ്യഭര്ത്താവ് നിശാല് ഫേസ്ബുക്കില് ഭാര്യയ്ക്ക് ഒപ്പമുള്ള ചിത്രം പങ്കുവെച്ചു.
ഭാര്യ രമ്യക്കൊപ്പം സുഹൃത്തിന്റെ വിവാഹ ചടങ്ങിൽ പങ്കെടുക്കുന്ന ചിത്രമാണ് നിശാൽ പങ്കുവച്ചിരിക്കുന്നത്. സോഷ്യൽ മീഡിയയിൽ സജീവമല്ലാത്ത നിശാൽ വിവാഹ ശേഷം അമേരിക്കയിൽ സ്ഥിരതാമസമാണ്. തിരുവനന്തപുരം കുമാരപുരം ജ്യോതിയില് ചന്ദ്രമോഹന്റെയും മണിയുടേയും മകന് നിഷാല് ചന്ദ്ര കുവൈറ്റ് നാഷണല് ബാങ്കിന്റെ ടെക്നിക്കല് അഡ്വൈസറായിരുന്നു.
സോഫ്റ്റ്വെയർ വിദഗ്ധനായ നിശാലിന് അടുത്തിടെ ഗ്രീൻ കാർഡ് ലഭിച്ചിരുന്നു. കാവ്യാ മാധവനുമായുള്ള വിവാഹ മോചനത്തിനു ശേഷമാണ് നിശാൽ കുവൈറ്റിൽ നിന്ന് അമേരിക്കയിലേക്ക് കുടിയേറിയത്. കാവ്യയുമായുള്ള ബന്ധം വേര്പിരിഞ്ഞ ശേഷം ചെങ്ങന്നൂർ ബുധനൂര് എണ്ണക്കാട് തെക്കേമഠത്തില് സുരേന്ദ്രനാഥ സ്വാമിയുടെയും അനില എസ് നാഥിന്റെയും മകള് രമ്യ എസ് നാഥിനെയാണ് നിശാല് വിവാഹം ചെയ്തത്.
അബർഡീനിൽ മലയാളി യുവാവ് മരണമടഞ്ഞു. സ്കോട്ലൻഡിലുള്ള അബർഡീനിൽ താമസിക്കുന്ന ജോമോൻ വർഗീസ് (41 വയസ്സ് ) ആണ് ഇന്ന് വെളുപ്പിന് 04.45 ന് അബർഡീൻ ആശുപത്രിയിൽ മരണത്തിന് കീഴടങ്ങിയത്. ആലുവ സ്വദേശിയായ ജോമോൻ യുകെയിൽ എത്തിയിട്ട് എട്ട് വർഷത്തോളമായി എന്നാണ് ലഭിക്കുന്ന വിവരം. ഭാര്യയായ ലിസയും പതിമൂന്നും അഞ്ചും വയസുള്ള രണ്ട് കുട്ടികളും അടങ്ങുന്നതാണ് ജോമോന്റെ കുടുംബം. ജോമോന്റെ അനുജനായ ജിജോ വർഗീസും കുടുംബവും കേബ്രിഡ്ജിൽ ആണ് താമസം. ഏറ്റവും ഇളയ സഹോദരി നാട്ടിൽ ആണ് ഉള്ളത്. മരണവിവരം അറിഞ്ഞ സിജോയും കുടുംബവും അബർഡീനിൽ എത്തിയിട്ടുണ്ട്. രോഗവിവരം അറിഞ്ഞതുമുതൽ എല്ലാ മാസവും അബർഡീനിൽ എത്തി സുഖവിവരങ്ങൾ ആരായുകയും ചെയ്തിരുന്ന അനുജനോട് തന്റെ അസുഖം മാറിയെന്നും ആരും പേടിക്കേണ്ട എന്നും ജോമോൻ പറഞ്ഞിരുന്നതായി ജിജോ സങ്കടത്തോടെ പറഞ്ഞു. രോഗത്തെ ചങ്കുറപ്പോടെ നേരിട്ട ജോമോൻ വളരെ ആത്മവിശ്വാസത്തോട് കൂടിയായിരുന്നു സംസാരിച്ചിരുന്നത് എന്ന് ജിജോ സാക്ഷ്യപ്പെടുത്തുന്നു. അബർഡീൻ മാസ്സ് സെന്ററെറിലെ വികാരിയച്ചനായ ഫാ: ജോസഫ്, അന്ത്യകൂദാശകളെല്ലാം ജോമോന് ആശുപതിയിലെത്തി നൽകിയിരുന്നു. ശവസംക്കാരം നാട്ടിൽ വച്ചാണ് നടത്തുക എന്ന് ജിജോ മലയാളംയുകെയോട് പറഞ്ഞു.
മൂന്ന് മക്കളിൽ ഏറ്റവും മൂത്ത മകനായ ജോമോൻ രണ്ട് വർഷങ്ങൾക്ക് മുൻപ് കൃത്യമായി പറഞ്ഞാൽ 2015 ജൂൺ 30 ന് ആണ് രോഗവിവരം തിരിച്ചറിയുന്നത്. അമ്മക്ക് രോഗം പിടിപെട്ട് ആശുപത്രിയിൽ ആയ വിവരം അറിഞ്ഞ ജോമോൻ നാട്ടിൽ എത്തുകയായിരുന്നു. നാട്ടിൽ വച്ച് ഫുഡ് പോയിസണുമായി ബന്ധപ്പെട്ട് ആശുപത്രിയിൽ എത്തി നടന്ന പരിശോധനയിൽ ആണ് ക്യാൻസറിന്റെ വിവരം ആദ്യം തിരിച്ചറിഞ്ഞത്. ഒരു വർഷം മുൻപ് ആണ് ജോമോന്റെ അമ്മ മരിച്ചത്. രോഗം തിരിച്ചറിഞ്ഞു ഇന്നേക്ക് രണ്ട് വർഷം പൂർത്തിയായ 30 ജൂൺ 2017 ൽ തന്നെയാണ് ജോമോനെ മരണം കീഴടക്കിയത്.
റെക്ട്രത്തിൽ ആരംഭിച്ച ക്യാൻസർ തിരിച്ചറിഞ്ഞപ്പോൾ മുതൽ കീമോതെറാപ്പിയും ഓപ്പറേഷൻ വഴിയും ഉള്ള ചികിത്സ ഫലം കാണുകയും അതോടെ കാൻസർ ഭേദമാകുകയും ചെയ്തിരുന്നു. അങ്ങനെ സന്തോഷത്തോടെ ജീവിച്ചിരുന്ന ആ കൊച്ചു കുടുംബത്തിന് തീരാ ദുഃഖം സമ്മാനിച്ച വാർത്തയെത്തിയത് ഈ വർഷം ജനുവരിയോടെ ആയിരുന്നു. ഭേദമായി എന്ന് കരുതിയിരുന്ന കാൻസർ ബ്രയിനിനെ ബാധിച്ചു എന്ന് പരിശോധനയിൽ തെളിയുകയും ചെയ്തതോടെ കുടുംബത്തെ മാത്രമല്ല കൂട്ടുകാരെ പോലും തീരാ ദുഖത്തിലേക്കു തള്ളിവിടുകയായിരുന്നു. രോഗവിവരം അറിഞ്ഞത് മുതൽ ചികിത്സകൾ നൽകി വരുകയായിരുന്നു എങ്കിലും എല്ലാവരെയും നിരാശരാക്കി ജോമോൻ ഇന്ന് രാവിലെ ഈ ലോകത്തോട് വിടപറയുകയായിരുന്നു.
കൂടുതൽ വിവരങ്ങൾ പിന്നീട്
അവിശ്വസനീയമായത് സംഭവിച്ചതിന്റെ ആവേശത്തിലായിരുന്നു അവര് ബര്മിംഗ്ഹാമില് ഞായറാഴ്ച ഒത്തു കൂടിയത്. യുകെയുടെ വിവിധ ഭാഗങ്ങളില് നിന്നായി നൂറുകണക്കിന് മലയാളികള് ആവേശപൂര്വ്വം എത്തിച്ചേര്ന്നത് തുടങ്ങും മുന്പ് തന്നെ പ്രവര്ത്തന മികവ് കാണിച്ച ഒരു ജീവകാരുണ്യ സംരഭത്തിന്റെ ഔദ്യോഗികമായ തുടക്കം കാണുവാന് വേണ്ടി ആയിരുന്നു. അവയവ ദാന സന്ദേശം ജീവിത വ്രതമാക്കിയ റവ. ഫാ. ഡേവിസ് ചിറമേലിന്റെ നേതൃത്വത്തില് ചാരിറ്റി പ്രസ്ഥാനങ്ങള്ക്ക് ആകെ തന്നെ മാതൃകയായി പ്രവര്ത്തിക്കുന്ന കിഡ്നി ഫെഡറേഷന് ഓഫ് ഇന്ത്യയുമായി സഹകരിച്ച് പ്രവര്ത്തിക്കുന്ന കിഡ്നി ഫെഡറേഷന് ഓഫ് ഇന്ത്യ ബനഫാക്റ്റേര്സ് ഫോറം യുകെയുടെ ഔദ്യോഗിക തുടക്കമായിരുന്നു ഇക്കഴിഞ്ഞ ഞായറാഴ്ച ബര്മിംഗ് ഹാമിലെ സെന്റ് ഗില്സ് ചര്ച്ച് ഹാളില് നടന്നത്.
ബര്മിംഗ് ഹാം ഹേര്ട്ട്ലാന്റ് എന്എച്ച്എസ് ഹോസ്പിറ്റലില് ഡയാലിസിസ് യൂണിറ്റ് മാനേജര് ആയി പ്രവര്ത്തിക്കുന്ന പ്രിന്സ് ജോര്ജ്ജ് എന്ന മനുഷ്യസ്നേഹിയായ യുവാവിന്റെ മനസ്സില് തോന്നിയ ആശയം സുഹൃത്തും മലയാളം യുകെ ചാരിറ്റബിള് ഫൗണ്ടേഷന് കമ്മറ്റിയംഗവുമായ ജിമ്മി മൂലംകുന്നേലുമായി ചേര്ന്ന് പ്രാവര്ത്തികമാക്കിയതിന്റെ ബാക്കിപത്രം ആയിരുന്നു ഞായറാഴ്ച നടന്ന ചാരിറ്റി കറി നൈറ്റും കലാപരിപാടികളും. ഇവരുടെ കൂട്ടായ പരിശ്രമത്തിന്റെ ഫലമായി ഇരുപത്തിയഞ്ച് ഡയാലിസിസ് മെഷീനുകള് ഇന്ത്യയിലെ വിവിധ ആശുപത്രികളിലേക്ക് സൗജന്യമായി ലഭിക്കുകയായിരുന്നു. കേരളത്തിലെ എല്ലാ ജില്ലകളിലെയും ഓരോ ആശുപത്രികള് വീതം ഇതില് ഉള്പ്പെടുന്നുണ്ട്.
ഈ ആശയം പ്രാവര്ത്തികമായതിനെ തുടര്ന്ന് നിര്ദ്ധനരായ അഞ്ച് കിഡ്നി രോഗികള്ക്ക് കിഡ്നി മാറ്റി വയ്ക്കല് ശസ്ത്രക്രിയയ്ക്ക് വേണ്ട ധനസമാഹരണം നടത്തുവാന് കൂടി ആയിരുന്നു ഇരുപത്തിയഞ്ചാം തീയതി ഈ പ്രോഗ്രാം സംഘടിപ്പിച്ചത്. നിരവധി കലാപരിപാടികളും രുചികരമായ ഭക്ഷണവും ഉള്പ്പെടെയുള്ള മനോഹരമായ ഒരു സായാഹ്നത്തിലേക്ക് യുകെ മലയാളികളെ ക്ഷണിച്ച് കൊണ്ടാണ് സംഘാടകര് ധനസമാഹാരണത്തിനുള്ള ശ്രമം നടത്തിയത്. വന് ജന പങ്കാളിത്തത്തോടെ ഈ സംരംഭം പൂര്ണ്ണ വിജയത്തില് എത്തിച്ചേര്ന്നു.
കിഡ്നി ഫെഡറേഷന് ഓഫ് ഇന്ത്യയുടെ യുകെ വിഭാഗം കോര്ഡിനേറ്ററും ഉപഹാര് ചാരിറ്റിയുടെ ട്രസ്റ്റിയും ആയ ഡോ. സോജി അലക്സിന്റെ അദ്ധ്യക്ഷതയില് ആയിരുന്നു യോഗം ആരംഭിച്ചത്. മലയാളം യുകെ ചാരിറ്റബിള് ഫൗണ്ടേഷന് കമ്മറ്റിയംഗം ജിമ്മി മൂലംകുന്നേല് യോഗത്തില് സ്വാഗതമാശംസിച്ചു. ഹണ്ടിംഗ്ടന് കൗണ്സിലര് ലീഡോ ജോര്ജ്ജ്, മുന് യുക്മ പ്രസിഡണ്ട് അഡ്വ. ഫ്രാന്സിസ് മാത്യു, പ്രിന്സ് ജോര്ജ്ജ്, മലയാളം യുകെ ചീഫ് എഡിറ്റര് ബിന്സു ജോണ് തുടങ്ങിയവര് ചടങ്ങില് ആശംസകള് അര്പ്പിച്ചു. ബര്മിംഗ്ഹാം സിറ്റി മലയാളി കമ്മ്യൂണിറ്റി പ്രസിഡണ്ട് ജോ ഐപ്പ്, വാല്സാല് മലയാളി അസോസിയേഷന് പ്രസിഡണ്ട് ടാന്സി പാലാട്ടി, കേരള കലാവേദി ഭാരവാഹി മാര്ട്ടിന് കെ ജോസ്, എര്ഡിംഗ്ടന് മലയാളി അസോസിയേഷന് ഭാരവാഹി ജോണ്സണ് മാളിയേക്കല്, സട്ടന് കോള്ഫീല്ഡ് മലയാളി അസോസിയേഷന് ഭാരവാഹികള്, കവന്ട്രി മലയാളി കമ്മ്യൂണിറ്റി ഭാരവാഹി ജോര്ജ്ജ്കുട്ടി, ബര്മിംഗ്ഹാം ഹിന്ദു സമാജം ഭാരവാഹി സജീഷ് ദാമോദരന് തുടങ്ങിയവര് ചടങ്ങിന് നേതൃത്വം നല്കി.
ബിസിഎംസി മുന് പ്രസിഡണ്ട് ജിബി ജോര്ജ്ജ്, രാജീവ് ജോണ് തുടങ്ങിയവര് ചേര്ന്നവതരിപ്പിച്ച ഫാ. ഡേവിസ് ചിറമേലിന്റെ ജീവിതത്തെ ആസ്പദമാക്കി ഒരുക്കിയ സ്കിറ്റ് ഉള്പ്പെടെയുള്ള കലാപരിപാടികള് അങ്ങേയറ്റം ആസ്വാദ്യകരമായിരുന്നു. കലാപരിപാടികളില് മനസ്സ് നിറഞ്ഞവര് രുചികരമായ ഭക്ഷണവും ആസ്വദിച്ച് ചാരിറ്റി പ്രവര്ത്തനങ്ങള്ക്ക് സംഭാവനയും നല്കി മടങ്ങിയപ്പോള് പ്രതീക്ഷയുടെ തിരി തെളിയുന്നത് കേരളത്തിലെ അഞ്ച് നിര്ധന രോഗികളുടെ കുടുംബങ്ങള്ക്കാണ്.
മലയാളം യുകെ ന്യൂസ് ടീം
ബെര്മ്മിംഗ്ഹാം : 2017 ജൂണ് 15 വ്യാഴാഴ്ച്ച… ഓരോ യുകെ മലയാളിക്കും അഭിമാനിക്കാവുന്ന സുദിനം. കാരുണ്യത്തിന്റെ ലോകത്തേയ്ക്ക് മലയാളം യുകെ ചാരിറ്റബിള് ഫൗണ്ടേഷന്റെ ആദ്യ കാല്വെയ്പ്പ്. അക്ഷരങ്ങളോട് പൊരുതി ജനങ്ങളോടൊപ്പം സഞ്ചരിച്ച ഞങ്ങള് വായനക്കാരുടെ പ്രയാസങ്ങളിലും പങ്ക് ചേരുകയാണ്. ഡേവിസ് ചിറമേലച്ചന് സ്നേഹം കൊടുക്കുന്ന കിഡ്നി ഫെഡറേഷന് ഓഫ് ഇന്ത്യാ ചാരിറ്റബിള് ട്രസ്റ്റിനാണ് മലയാളം യുകെയുടെ ആദ്യ സഹായഹസ്തം എത്തിച്ച് കൊടുക്കുന്നത്. ഇരുപത്തഞ്ച് ഡയാലിസ്സിസ് മെഷീനുകളുമായി മലയാളം യുകെയുടെ ചാരിറ്റി വഹിച്ചുകൊണ്ടുള്ള കപ്പല് ഇന്ന് ലണ്ടനില് നിന്ന് കേരളത്തിലേയ്ക്ക് യാത്ര ആരംഭിച്ചു കഴിഞ്ഞു. ഒരു മാസത്തിനുള്ളില് കേരളത്തില് എത്തുന്ന ഈ വിലപ്പെട്ട ഡയാലിസ്സിസ് മെഷീനുകളെ കാത്തിരിക്കുന്നത് ചിറമേലച്ചനും പാവപ്പെട്ട കിഡ്നി രോഗികളും. കിഡ്നി രോഗികള്ക്ക് വേണ്ടി ജീവിതം മാറ്റിവച്ച ചിറമേലച്ചന് ” ഞാന് എന്റെ ജീവിതത്തിലെ ഏറ്റവും മഹത്തായ സമ്മാനം സ്വീകരിക്കുവാന് കാത്തിരിക്കുന്നു ” എന്ന് ഞങ്ങളോട് പങ്ക് വയ്ക്കുമ്പോള് ഈ ഡയാലിസ്സിസ് മെഷീനുകള് കേരളത്തിലുള്ള പാവപ്പെട്ട ഓരോ കിഡ്നി രോഗികള്ക്കും എത്രത്തോളം പ്രധാനപ്പെട്ടതാണ് എന്ന് വ്യക്തമാവുകയാണ്.
കേരളത്തിലെ എല്ലാ ജില്ലകളിലും ഈ ഡയാലിസ്സിസ് മെഷീനുകള് എത്തിച്ച് കൊടുത്ത് പാവപ്പെട്ട കിഡ്നി രോഗികള്ക്ക് സൌജന്യമായി ഡയാലിസിസ് ചെയ്ത് കൊടുക്കുകയും, അതിലൂടെ അനേകം പാവങ്ങള്ക്ക് പുതുജീവന് നല്കുകയും ചെയ്യുക എന്ന ലക്ഷ്യമാണ് ഈ ചാരിറ്റിയിലൂടെ നിറവേറ്റപ്പെടുന്നത്. യുകെയില് മറ്റ് ആര്ക്കും കഴിയാത്ത ഈ പുണ്യപ്രവര്ത്തിയുടെ ഭാഗമാകാന് കഴിഞ്ഞതില് നിങ്ങളെപ്പോലെ ഞങ്ങളും അഭിമാനിക്കുന്നു. അര്ഹിക്കുന്നവര്ക്ക് ആശ്രയമാവുക എന്ന ലക്ഷ്യം മാത്രമാണ് ഞങ്ങള് ഇതിലൂടെ നേടിയെടുക്കുന്നത്.
ബെര്മ്മിംഗ്ഹാമിലെ ഹാര്ട്ട്ലാന്റ് ഹോസ്പിറ്റലിലെ ഡയാലിസിസ് യൂണിറ്റിന്റെ മാനേജര് ആയ പ്രിന്സ് ജോര്ജ്ജിന്റെയും സുഹൃത്തുക്കളുടെയും നേതൃത്വത്തില്, എന്എച്ച്എസ് ഹോസ്പിറ്റലുകളില് പുതിയ ഡയാലിസിസ് യൂണിറ്റുകള് സ്ഥാപിക്കപ്പെടുന്നതിനെ തുടര്ന്ന് മാറ്റപ്പെടുന്ന പഴയ ഡയാലിസിസ് മെഷീനുകള് ചിറമേലച്ചന്റെ ചാരിറ്റബിള് ട്രസ്റ്റിന് എത്തിച്ചു കൊടുക്കുകയാണ് ഞങ്ങള് ചെയ്യുന്ന ആദ്യ ഔദ്യോഗിക ചാരിറ്റി പ്രവര്ത്തനം. അച്ചനെപ്പോലെ തന്നെ ജീവന്റെ വില തിരിച്ചറിഞ്ഞതുകൊണ്ടാണ് ഈ ചാരിറ്റിക്ക് എല്ലാവിധ സഹായവുമായി ഞങ്ങള് മുന്നോട്ട് വന്നത്.
പത്ത് വര്ഷം കൂടിയെങ്കിലും സുഗമമായി പ്രവര്ത്തിക്കും എന്ന് നിര്മ്മാതാക്കള് ഉറപ്പ് നല്കുന്ന ഡയാലിസിസ് മെഷീനുകളാണ് ഇവിടെ നിന്നും ഇന്ത്യയിലേക്ക് എത്തിക്കുന്നത്. പ്രിന്സ് ജോര്ജ്ജും സംഘവും ചെയ്യുന്ന ഈ ജീവകാരുണ്യ പ്രവര്ത്തനത്തിന് എന്എച്ച്എസിന്റെ പൂര്ണ്ണ പിന്തുണയുണ്ട്. ജര്മ്മന് നിര്മ്മിതമായ ഈ മെഷീനുകള്ക്ക് 15 ലക്ഷത്തോളം രൂപ വില വരും. 25 ഡയാലിസിസ് മെഷീനുകളാണ് ഇന്ന് ഷിപ്പ് കാര്ഗോ വഴി കേരളത്തിലേയ്ക്ക് കയറ്റി അയച്ചത്. കൂടാതെ കേരളത്തില് ഡയാലിസിസ് വിഭാഗത്തില് ജോലി ചെയ്യുന്ന നഴ്സുമാരെയും, ടെക്നീഷ്യന്സ്സിനേയും യുകെയിലെത്തിച്ച് കാലോചിതമായ കൂടുതല് ട്രെയിനിംഗ് നല്കുവാനും പ്രിന്സ് ജോര്ജ്ജും സുഹൃത്തുക്കളും ശ്രമം ആരംഭിച്ചു കഴിഞ്ഞു. അതോടൊപ്പം നാലോളം കിഡ്നി രോഗികളുടെ കിഡ്നി മാറ്റിവയ്ക്കാനുള്ള തുക കണ്ടെത്തുവാനായി ഈ മാസം 25ന് ബെര്മ്മിംഗ്ഹാമിലെ സെന്റ് ഗിലസ് ചര്ച്ച് ഹാളില് ചാരിറ്റി കൂട്ടായ്മയും സംഘടിപ്പിക്കുന്നുണ്ട്.
യുകെയിലെ എന് എച്ച് എസ് ഹോസ്പിറ്റലുകള് ഇതുപോലെയുള്ള പഴയ മെഷീനുകള് ലേലത്തില് വയ്ക്കുകയും അതിലൂടെ ഹോസ്പിറ്റല് ഫണ്ടിലേയ്ക്ക് തുക സമാഹരിക്കുകയുമായിരുന്നു പതിവ്. എന്നാല് പ്രിന്സ് ജോര്ജ്ജിലൂടെ ഇങ്ങനെ ഒരു ചാരിറ്റിയെപ്പറ്റി അറിഞ്ഞ എന് എച്ച് എസ് നേതൃത്വം പ്രിന്സ് ജോര്ജ്ജിന് പൂര്ണ്ണ പിന്തുണ നല്കി ഈ ചാരിറ്റിയ്ക്ക് വേണ്ട എല്ലാ സഹായങ്ങളും ചെയ്തു കൊടുത്തു. ഈ ചാരിറ്റി ഏറ്റെടുത്തപ്പോള് മുതല് പലവിധ പ്രതിസന്ധി ഘട്ടങ്ങളിലൂടെ കടന്ന് പോയെങ്കിലും ഈ വലിയ ദൌത്യം വിജയിപ്പിച്ചെടുക്കുവാന് പ്രിന്സ് ജോര്ജ്ജ് കാണിച്ച സന്മനസ്സിനെ എത്ര അഭിനന്ദിച്ചാലും മതിയാവില്ല. ഈ അവസരത്തില് നിങ്ങള് ഓരോരുത്തര്ക്കുമൊപ്പം പ്രിന്സ് ജോര്ജ്ജിന് മലയാളം യുകെയുടെ അകമഴിഞ്ഞ നന്ദി അറിയിക്കുന്നു
മലയാളം യുകെ ഡയറക്ടര് ജിമ്മി മൂലംകുന്നേല്, പ്രിന്സ് ജോര്ജ്ജ് എന്നിവര് ട്രാന്സ്പോര്ട്ടിംഗ് ടീമിനൊപ്പം
മലയാളം യുകെ ഓണ്ലൈന് ന്യുസ് പേപ്പറിന്റെ ജീവകാരുണ്യ സംരംഭമായ മലയാളം യുകെ ചാരിറ്റബിള് ഫൗണ്ടേഷന് ആണ് ഈ മെഷീനുകള് ഷിപ്പ് കാര്ഗോയിലൂടെ നാട്ടില് എത്തിക്കാന് ആവശ്യമായ മുഴുവന് തുകയും കണ്ടെത്തിയത്. ബെര്മിംഗ്ഹാമില് നിന്നുള്ള മലയാളം യുകെ ഡയറക്ടറും, ചാരിറ്റി കോഡിനേറ്ററുമായ ജിമ്മി മൂലംകുന്നേല് ആണ് ഇതിനാവശ്യമായ ഫണ്ടും മറ്റ് സജ്ജീകരണങ്ങളും ഒരുക്കുന്നതിന് പ്രിന്സ് ജോര്ജ്ജിനൊപ്പം ആത്മാര്ത്ഥമായി പ്രവര്ത്തിച്ചത്. ആതുരസേവന രംഗത്ത് വളരെ വിപുലമായ ചിന്തകളോടെയാണ് മലയാളം യുകെ ചാരിറ്റബിള് ഫൗണ്ടേഷന് മുന്നോട്ടിറങ്ങുന്നത്. തുടര്ന്നുള്ള ഞങ്ങളുടെ ഓരോ പ്രവര്ത്തനങ്ങളിലും നിങ്ങള് ഓരോരുത്തരുടേയും നിസ്വാര്ത്ഥമായ സഹായം പ്രതീക്ഷിക്കുന്നു.
അപ്രതീക്ഷിതമായി മറ്റൊരു മരണ വാര്ത്ത കൂടി യുകെ മലയാളികളെ തേടിയെത്തിയത് വിശ്വസിക്കാനാവാതെ യുകെ മലയാളി സമൂഹം. നോര്ത്താംപ്ടനില് താമസിക്കുന്ന മലയാളിയായ ജിന്സണ് ഫിലിപ്പ് (38) ആണ് ആകസ്മികമായി നിര്യാതനായത്. ഹൃദയാഘാതം ആണ് മരണകാരണം എന്നറിയുന്നു.
കോട്ടയം കൈപ്പുഴ പാലതുരുത്ത് ഇടവകാംഗമാണ് ജിന്സന് ഫിലിപ്പ്. കിഴക്കേകാട്ടില് കുടുംബാംഗമാണ്. ജിന്സന്റെ മരണവാര്ത്ത അറിഞ്ഞ് നോര്ത്താംപ്ടന് ഹോസ്പിറ്റലിലേക്ക് നിരവധി മലയാളികള് എത്തിക്കൊണ്ടിരിക്കുകയാണ്. കൂടുതല് വിവരങ്ങള് ലഭ്യമാകുന്നതനുസരിച്ച് ഈ വാര്ത്തയില് അപ്ഡേറ്റ് ചെയ്യുന്നതായിരിക്കും.
ജിന്സണ് ഫിലിപ്പിന്റെ നിര്യാണത്തില് മലയാളംയുകെ ന്യൂസ് ടീമിന്റെ അഗാധമായ ദുഃഖം അറിയിക്കുന്നു.
ലോകത്തെമ്പാടുമുള്ള രക്ഷിതാക്കളെ ആശങ്കയുടെ മുള്മുനയില് നിര്ത്തിയ ബ്ലൂ വെയ്ല് എന്ന ഗെയിമിന്റെ സൃഷ്ടാവ് റഷ്യയില് അറസ്റ്റിലായതായി റിപ്പോര്ട്ട്. 26കാരനായ ഇല്ല്യ സിദറോവ് എന്നയാളാണ് അറസ്റ്റിലായതെന്ന് ടെലഗ്രാഫ് റിപ്പോര്ട്ട് ചെയ്യുന്നു. അമ്പത് ഘട്ടങ്ങളുളള ഗെയിമിന്റെ അവസാനഘട്ടത്തിലാണ് കൗമാരക്കാരോട് ആത്മഹത്യ ചെയ്യാന് ആവശ്യപ്പെടുന്നത്. ഇത്തരത്തില് ട്രെയിനിന് മുമ്പില് ചാടി ആത്മഹത്യ ചെയ്ത സ്കൂള് വിദ്യാര്ത്ഥിനിയെ കുറിച്ച് പൊലീസ് സംസാരിച്ചപ്പോള് സിദറോവ് പൊട്ടിക്കരഞ്ഞു.
കളിക്കുന്നയാളെ പതിയെ പതിയെ ആത്മഹത്യയിലേക്ക് നയിക്കുന്ന ഗെയിം താനാണ് വികസിപ്പിച്ചതെന്ന് ഇയാള് അന്വേഷണസംഘത്തോട് സമ്മതിച്ചിട്ടുണ്ട്. ബ്ലൂ വെയില് എന്ന ഈ ഗെയിം കാരണം റഷ്യയില് മാത്രം ഏകദേശം ഇരുന്നൂറോളം കൗമാരക്കാര് ആത്മഹത്യ ചെയ്തിട്ടുണ്ടെന്നാണ് റിപ്പോര്ട്ട്.
‘ബ്ലൂ വെയ്ല് എന്ന ഗെയിം നിങ്ങളുടെ കുട്ടികള് കളിക്കുന്നത് കണ്ടാല് തടയണമെന്നും അതിന്റെ അമ്പതാം ഘട്ടത്തില് കുട്ടിയെ ആത്മഹത്യയിലേക്കാണ് ക്ഷണിക്കുന്നതെന്നും’ നേരത്തേ അധികൃതര് മാതാപിതാക്കള്ക്ക് നിര്ദേശം നല്കിയിരുന്നു.
കൗമാരക്കാരായ ചിലരുടെ മരണത്തിന് പിന്നാലെ ബ്രിട്ടനിലെ ചില സ്കൂളുകളില് കുട്ടികള്ക്കും ഗെയിമിനെ കുറിച്ച് മുന്നറിയിപ്പ് നല്കിയിട്ടുണ്ട്. പാതിരാത്രിയില് ഹൊറര് സിനിമകള് കാണാനാണ് ആദ്യഘട്ടങ്ങളില് ഗെയിം ചലഞ്ചായി ആവശ്യപ്പെടുക. പിന്നീട് കൈയിലും ശരീരത്തിന്റെ മറ്റ് ഭാഗങ്ങളിലെ തൊലിയിലും കുത്തി മുറിവേല്പ്പിക്കാനും ആവശ്യപ്പെടുന്നു. തെളിവായി ഫോട്ടോകള് അയച്ചുകൊടുക്കാനും ഗെയിമില് നിര്ദേശിക്കുന്നുണ്ട്. ഇനി ഇത്തരത്തില് ചെയ്തില്ലെങ്കില് ഉപയോക്താവിന് ഭീഷണി സന്ദേശമാവും ലഭിക്കുക. ആകെ അമ്പത് സ്റ്റേജുകളുള്ള ഗെയിമിന്റെ അവസാന ഘട്ടത്തില് കളിക്കാരനെ ആത്മഹത്യ ചെയ്യാനാണ് വെല്ലുവിളിക്കുന്നത്.
നിങ്ങള് ഈ ഗെയിം ഒരുവട്ടം ഇന്സ്റ്റാള് ചെയ്താല് പിന്നീട് ഡിലീറ്റ് ചെയ്യാന് കഴിയില്ലെന്നതും നിങ്ങളുടെ വിവരങ്ങള് മുഴുവനും ഹാക്ക് ചെയ്യപ്പെടുന്നതും മറ്റൊരു ഗുരുതരമായ പ്രശ്നമാണ്. ഇത് ആദ്യമായല്ല അപകടകരമായ ഒരു ഗെയിം വാര്ത്തകളില് നിറയുന്നത്. 2015ല് ‘ചാര്ലി ചാര്ലി’ എന്ന ഗെയിമും ജീവന്വെച്ചാണ് കളിക്കാന് പ്രേരിപ്പിക്കുന്നത്. പ്രേതങ്ങളുമായി സംസാരിക്കാന് അവസരമൊരുക്കുന്നെന്ന അവകാശവാദത്തോടെയാണ് ഈ ഗെയിം പ്രചരിച്ചത്.
രണ്ടു പെന്സിലുകള് വെള്ളക്കടലാസിനു പുറത്തു തിരശ്ചീനമായി തുലനം ചെയ്തു നിര്ത്തും. കടലാസില് ശരി, തെറ്റ് എന്നിങ്ങനെയുള്ള ഉത്തരങ്ങള് നേരത്തേതന്നെ എഴുതും. തുടര്ന്ന് “ചാര്ലി”യെന്ന പ്രേതത്തോടു ചോദ്യങ്ങള് ചോദിക്കും. ചാര്ലിയുടെ ഉത്തരമെന്താണോ ആ ദിശയില് പെന്സില് ചലിക്കുമെന്നാണ് വിശ്വാസം. ഇത്തരം കളി ഇന്റര്നെറ്റില് വ്യാപകമായതോടെ കൊളംബിയയില് അടക്കെ ഗെയിം നിരോധിച്ചിരുന്നു.
യുകെ മലയാളികള് സ്വന്തം പ്രോഗ്രാം പോലെ ഏറ്റെടുത്ത് വിജയിപ്പിച്ച മലയാളം യുകെ എക്സല് അവാര്ഡ് നൈറ്റ് വര്ണ്ണ മനോഹരമായ പ്രോഗ്രാമുകള് കൊണ്ടും സാങ്കേതിക തികവ് കൊണ്ടും സംഘാടക ശേഷി കൊണ്ടും ഏവരെയും വിസ്മയിപ്പിച്ച അനുഭവമായിരുന്നു. അവാര്ഡ് നൈറ്റ് നേരില് കണ്ടവരുടെ മുക്തകണ്ഠം പ്രശംസ ഏറ്റുവാങ്ങിയ ഈ പ്രോഗ്രാം കാണാന് കഴിയാതിരുന്നവര്ക്ക് കൂടി കാണാനുള്ള അവസരം ഒരുക്കി യുകെ മലയാളികളുടെ ജനപ്രിയ ചാനലായ മാഗ്നാവിഷന് രംഗത്ത് വന്നിരിക്കുകയാണ്. അവാര്ഡ് നൈറ്റിന്റെ എല്ലാ ചാരുതകളും മനോഹരമായി ചിത്രീകരിച്ച മാഗ്നാവിഷന് ഇന്നും നാളെയുമായി ആണ് അവാര്ഡ് നൈറ്റിന്റെ ഒന്നാം ഭാഗം സംപ്രേഷണം ചെയ്യുന്നത്.
ഇന്ന് രാവിലെ പത്ത് മണി മുതലും വൈകുന്നേരം ആറു മണി മുതലും മാഗ്നാവിഷന് ടിവിയില് അവാര്ഡ് നൈറ്റ് ഒന്നാം ഭാഗം സംപ്രേഷണം ചെയ്യുന്നു.
Malayalam UK Excel Award Night 2017
Saturday and Sunday from 10:00 am to 1:00 pm, 6:00 pm to 9:00 pm. Malayalam UK Excel Award Night 2017 on your Magnavision TV.
Watch it FREE on your IOS, Android devices and Roku Box. You can also watch the Magnavision TV channel by visiting our website www.magnavision.co.uk.
Download the FREE applications on your iphones, ipads and android devices. To add Magnavision TV on your Rokubox, just click on the SEARCH button on your Rokubox main menu and type Magnavision. Add the Channel today and enjoy.
ജോജി തോമസ്
ഇത്തവണത്തെ ഇന്ത്യന് സിവില് സര്വ്വീസ് പരീക്ഷയില് നൂറ്റിപ്പതിനേഴാം റാങ്കോടെ ഉന്നത വിജയം നേടി തെരേസാ ജോസഫും അഞ്ഞൂറ്റി എഴുപത്തിനാലാം റാങ്കുമായി ജോസഫ് കെ മാത്യുവും നെഴ്സിംഗ് സമൂഹത്തിന് അഭിമാനമായി. ആതുരസേവനം മാത്രമാണ് തങ്ങളുടെ കര്മ്മരംഗമെന്ന് ധരിച്ചിസിവില് സര്വ്വീസില് ഉന്നത വിജയം കരസ്ഥമാക്കി മലയാളി നഴ്സുമാര്.. ത്രസിപ്പിക്കുന്ന വിജയം നേടിയത് തെരേസയും തൊട്ടു പിന്നില് ജോസഫും..രിക്കുന്ന നഴ്സിംഗ് സമൂഹത്തിന് വ്യത്യസ്ഥതയോടെ ഒരു മാര്ഗ്ഗം കാണിച്ചു കൊണ്ട് തെരേസാ ജോസഫും ജോസഫ് കെ മാത്യുവും നെഴ്സിംഗ് സമൂഹത്തിന് മൊത്തത്തില് മാതൃകയായിരിക്കുകയാണ്.
ഉന്നത വിജയം കരസ്ഥമാക്കിയ തെരേസാ ജോസഫ് മലയാളം യുകെയൊട് പ്രതികരിച്ചു.
ഇത് ആത്മനിര്വൃതിയുടെ നിമിഷങ്ങളാണ്. നെഴ്സിംഗില് BSc, MSc ബിരുദങ്ങള് ഉന്നത നിരയില് പാസ്സായതിനു ശേഷം സിവില് സര്വ്വീസ് എന്ന ലക്ഷ്യവുമായി നീങ്ങിയ തെരേസാ ജോസഫിന് തന്റെ കഠിനാധ്വാനത്തിനും സ്ഥിരോത്സാഹത്തിനും ലഭിച്ച അംഗീകാരമാണ് ഇന്ത്യന് യുവത്വത്തിന്റെ സ്വപ്നമായ സിവില് സര്വ്വീസ് വിജയം. അനുമോദനങ്ങളുടെ തിരക്കുകള്ക്കിടയിലും മലയാളം യുകെയ്ക്കനുവദിച്ച ഇന്റര്വ്യൂവില് പെയിന്റിംഗ് ഹോബിയായി കൊണ്ടു നടക്കുന്ന തെരേസാ എങ്ങനെയാണ് തന്റെ ജീവിതം മനോഹരമായ ഒരു ചിത്രം പോലെയാക്കി ജീവിതവിജയം സായത്തമാക്കിയതെന്ന് വിശദീകരിച്ചു.
ചങ്ങനാശ്ശേരിക്കടുത്ത് കുറമ്പനാടത്ത് കയ്യാലപ്പറമ്പില് കെ.എസ് ജോസഫിന്റെയും റോസമ്മ ജോസഫിന്റെയും മകളായ തെരേസാ കുട്ടിക്കാലം മുതല് പാഠ്യപാഠ്യേതര വിഷയങ്ങളില് മികവ് തെളിയിച്ചിരുന്നു. തെരേസാ ജോസഫിന്റെ പിതാവ് ജോലി ചെയ്തിരുന്നത് മഹാരാഷ്ട്രയിലെ ബാബാ ആറ്റോമിക് റിസേര്ച്ച് സെന്ററിലാണ്. അതു കൊണ്ടു തന്നെ തെരേസയുടെ ബാല്യകാലം ഇന്ത്യയുടെ ആണവ ഇന്ധനം ഉപയോഗിച്ചു പ്രവര്ത്തിക്കുന്ന ആദ്യ ഊര്ജ്ജോത്പാതന കേന്ദ്രം സ്ഥിതി ചെയ്യുന്ന താരാപ്പൂര് ആയിരുന്നു. താരാപ്പൂറിലെ സെന്ട്രല് സ്ക്കൂളിലെ മിടുക്കരായ വിദ്യാര്ത്ഥികളുടെ ഇടയില് ഒന്നാം റാങ്കോടെയാണ് തെരേസാ തന്റെ സ്ക്കൂള് വിദ്യാഭ്യാസം പൂര്ത്തിയാക്കിയത്. സ്കൂള് പഠനകാലത്ത് ദേശീയ തലത്തില് നടക്കുന്ന സയന്സ് ഒളിമ്പ്യാടില് പങ്കെടുത്ത് തെരേസാ മികവ് തെളിയിച്ചിരുന്നു.
മുബൈയിലെ S.N.D.P വിമന്സ് കോളേജിലാണ് തെരേസാ തന്റെ നെഴ്സിംഗ് പoനം പൂര്ത്തിയാക്കിയത്. BScപഠനത്തിനു ശേഷം MSc പഠിക്കുന്നതിനായി തെരേസാ തെരഞ്ഞെടുത്തത് ജന്മനാടായ കേരളത്തിലെ തിരുവനംന്തപുരം മെഡിക്കല് കോളേജായിരുന്നു. അത് തെരേസായുടെ ജീവിതത്തിലെ നിര്ണ്ണായകമായ വഴിത്തിരിവിന് കാരണമായി. തിരുവനംന്തപുരത്തെ അന്തരീക്ഷവും സിവില് സര്വ്വീസ് അക്കാദമിയുമൊക്കെ തെരേസയുടെ സിവില് സര്വ്വീസ് യാത്രയില് ഒത്തിരിയേറെ സഹായിക്കുകയുണ്ടായി. ബിരുദാനന്തര പഠനത്തിനു ശേഷം ഇന്ത്യന് നേഴ്സിംഗ് കൗണ്സിലിന്റെ GFATM പ്രൊജക്ടില് പ്രൊജക്ട് ട്രെയിനിംന് കോര്ഡിനേറ്ററായി ജോലി ചെയ്യുമ്പോള് മുതിര്ന്ന IAS ഉദ്യോഗസ്ഥ ഉഷാ റ്റൈറ്റസ്സിനെ കാണുവാന് ഇടയായത് ജീവിതത്തിന് വഴിത്തിരിവായി. സിവില് സര്വ്വീസ് എത്രമാത്രം പൊതുജനത്തിന് ഉപകാരപ്രദമാകുമെന്നും, തെരേസയെപ്പൊലെ കഴിവുറ്റവര് സിവില് സര്വ്വീസില് കടന്നു വരണമെന്നും പറഞ്ഞത് പ്രചോദനമായി. സിവില് സര്വ്വീസിന് ശ്രമിക്കുന്ന വിദ്യാര്ത്ഥികളുടെ സംഗമസ്ഥാനമാണ് തിരുവനംന്തപുരം എന്നതും ഗുണകരമായി.
തന്റെ മൂന്നാമത്തെ ശ്രമത്തിലാണ് തെരേസാ ജോസഫിന് സിവില് സര്വ്വീസില് ഉന്നത വിജയം ലഭിച്ചത്. ആദ്യശ്രമത്തില് പ്രിലിമിനറി പാസ്സായി മെയിന് പരീക്ഷ എഴുതിയെങ്കിലും വിജയിച്ചില്ല. സ്ഥിരോത്സാഹിയായ തെരേസാ, പക്ഷേ തോറ്റ് പിന്മാറാന് തയ്യാറല്ലായിരുന്നു. തന്റെ രണ്ടാമത്തെ ശ്രമത്തില് സിവില് സര്വ്വീസ് പരീക്ഷ പാസ്സായെങ്കിലും ഉന്നത വിജയം ലഭിക്കാത്തതു കൊണ്ട് ഇന്ത്യന് പോസ്റ്റല് സര്വ്വീസിലേ നിയമനം ലഭിച്ചുള്ളൂ. പക്ഷേ, തെരേസാ അടങ്ങിയിയിരിക്കാന് തയ്യാറല്ലായിരുന്നു. തുടര്ച്ചയായ തന്റെ മൂന്നാംശ്രമത്തില് തെരേസാ ഉന്നത വിജയം കരസ്ഥമാക്കി. പബ്ലിക് അഡ്മിനിസ്ട്രേഷനാണ് തെരേസാ സിവില് സര്വ്വീസില് തന്റെ വിഷയമായി തെരെഞ്ഞെടുത്തിരുന്നത്.
തന്റെ വിജയത്തില് എന്നും പ്രോത്സാഹനമായി നില്ക്കുന്ന അമ്മയുടെ സഹോദരിയും തിരുവനംന്തപുരം സെന്റ് ആന്സ് പേട്ട സ്കൂളിലെ മുന് അദ്ധ്യാപികയുമായ മേരിക്കുട്ടി ജോസഫിനെ തെരേസാ പ്രത്യേകം അനുസ്മരിച്ചു. മെരിക്കുട്ടി ജോസഫിന്റെ ഭര്ത്താവ് ജോണ്സന് ജോസഫ് തിരുവനംന്തപുരം നഗരസഭ കൗണ്സിലറാണ്. തെരേസയുടെ സഹോദരന് ബാസ്റ്റ്യന് ജോസഫ് SBl യിലാണ് ജോലി ചെയ്യുന്നത്.
നേഴ്സുമാരുടെ കഠിനാധ്വാനത്തിനും അര്പ്പണ മനോഭാവത്തിനും അര്ഹിക്കുന്ന അംഗീകാരം ലഭിക്കുന്നില്ലെന്ന് തെരേസാ ജോസഫ് പറഞ്ഞു. തന്റെ ആശയങ്ങളും സ്വപ്നങ്ങളും സഫലീകരിക്കാന് ഏറ്റവും അനുയോജ്യമാണ് സിവില് സര്വ്വീസ് മേഖലയെന്ന് തെരേസാ ജോസഫ് മലയാളം യുകെയോട് പറഞ്ഞു.
കരുണയുടെ മാലാഖമാര് ഭരണചക്രം തിരിക്കാനൊരുങ്ങുമ്പോള് മലയാളം യുകെയുടെ ഹൃദയം നിറഞ്ഞ ആശംസകള്….
ലണ്ടനില് നിന്നും വരുന്ന വഴി കൊച്ചിയില് കാത്തുനിന്ന ബന്ധുക്കളെ കബളിപ്പിച്ച് കാമുകനൊപ്പം പോയ പാലാ സ്വദേശിനിയായ 19 കാരി പെണ്കുട്ടിയ്ക്ക് കാമുകന് കൊടുത്തത് എട്ടിന്റെ പണി. ഫേസ്ബുക്ക് സുഹൃത്തിനൊപ്പം ആണ് പെണ്കുട്ടി വിമാനത്താവളത്തില് നിന്നും കടന്നത്. സംഭവം ഇങ്ങനെ:
ലണ്ടനില് നിന്ന് നാട്ടിലേക്ക് വന്ന പെണ്കുട്ടി നെടുമ്പാശേരി എയര്പോര്ട്ടില് വന്നിറങ്ങി. ആറു വര്ഷത്തിന് ശേഷമാണ് നാട്ടിലേക്ക് പെണ്കുട്ടി വരുന്നത്.പെണ്കുട്ടിയുടെ മാതാപിതാക്കള് അറിയിച്ചത് പ്രകാരം നാട്ടിലുള്ളവരും കാത്തിരുന്നു.താന് നാട്ടിലേക്ക് വരുന്നുവെന്ന് പെണ്കുട്ടി അച്ഛന്റെ അനുജനെ വിളിച്ച് അറിയിക്കുകയായിരുന്നു. കുട്ടിയുടെ മാതാപിതാക്കള് ലണ്ടനില് തന്നെയാണ്.
എന്നാല് ഫേസ്ബുക്കില് പരിചയപ്പെട്ട സുഹൃത്ത് വിമാനത്താവളത്തില് കാത്തുനിന്നതോടെ പെണ്കുട്ടി ബന്ധുക്കളുടെ കണ്ണുവെട്ടിച്ച് ഇയാള്ക്കൊപ്പം കടന്നു. പെണ്കുട്ടിയെ വിമാനത്താവളത്തില് കാണാതായതോടെ ബന്ധുക്കള് ലണ്ടനിലുള്ള അച്ഛനേയും അമ്മയേയും വിളിച്ചു. എന്നാല് കുട്ടി ഇതേ വിമാനത്തില് തന്നെയാണ് കയറിയതെന്നു അവര് അറിയിച്ചതോടെ ബന്ധുക്കള് നെടുമ്പാശേരി പോലീസില് പരാതി നല്കി.പക്ഷെ സുഹൃത്തിനൊപ്പം പോയ പെണ്കുട്ടി കൈയ്യിലുണ്ടായിരുന്ന മൊബൈല് ഫോണുകള് സ്വിച്ച് ഓഫ് ചെയ്തു. ഇതോടെ ആശങ്കയേറി. ഒടുവില് സൈബര് സെല് വിദഗ്ധര് പെണ്കുട്ടി കൊച്ചിയിലുണ്ടെന്നറിയിച്ചു.
പക്ഷെ കുട്ടി സുഹൃത്തിനൊപ്പം ലുലുമാളിലെത്തിയ ശേഷമാണ് കഥയുടെ ട്വിസ്റ്റ് .ഇയാള് പെണ്കുട്ടിയേയും കബളിപ്പിച്ച് ഇവിടെ നിന്ന് മുങ്ങി.പോലീസ് ലുലുമാളില് നടത്തിയ തിരിച്ചിലിനിടെയാണ് സുഹൃത്തിനെ അന്വേഷിച്ച് നടക്കുന്ന പെണ്കുട്ടിയെ കണ്ടെത്തിയത്. തുടര്ന്ന് പെണ്കുട്ടിയെ കൗണ്സിലിങിന് ശേഷം മജിസ്ട്രേറ്റിന്റെ വീട്ടില് ഹാജരാക്കി. പരാതിയില്ലാത്തതിനാല് ബന്ധുക്കള്ക്കൊപ്പം വിട്ടയച്ചു.
ബിനോയി ജോസഫ്
നന്മയുടെ പുസ്തകത്തിൽ ഇവരുടെ പേരുകൾ എഴുതിച്ചേർക്കപ്പെടും.. കാരുണ്യത്തിന്റെ നീരുറവ വറ്റാത്ത യുവതലമുറയുടെ പ്രതീകങ്ങളായി, ജനമനസുകളുടെ സ്നേഹസാന്ത്വനമായി അവർ മാറുകയാണ്.. ജീവകാരുണ്യ പ്രവർത്തങ്ങളിൽ ഏവർക്കും മാതൃകയാവുകയാണ് യുകെയിലെ മലയാളി ദമ്പതികളായ ബിജു ചാക്കോയും ലീനുമോളും. പൂർണ പിന്തുണയുമായി ബിജുവിൻറെ അമ്മയും സഹോദരൻ ബിജോയിയും സഹോദരിമാരുമുണ്ട്. ഓർമ്മകളിൽ മാത്രം ജീവിക്കുന്ന പ്രിയപ്പെട്ട അച്ചാച്ചൻറെ സ്മരണയിൽ ലിങ്കൺ ഷയറിലെ ഗ്രിംസ്ബിയിൽ താമസിക്കുന്ന ബിജു ചാക്കോയും പത്നി ലീനു മോളുമാണ് പാവപ്പെട്ടവർക്കായി ഭവനങ്ങൾ ഒരുക്കുന്നത്. കോട്ടയം മാഞ്ഞൂരിലാണ് നാടിൻറെ ഉത്സവമായി മാറുന്ന ഈ ജീവകാരുണ്യ സംരംഭം ഫലപ്രാപ്തിയിലെത്തുന്നത്. ലോകത്തിനു മുഴുവൻ മാതൃകയാവുന്ന ഈ സുമനസുകളെ അനുഗ്രഹാശിസുകൾ കൊണ്ട് മൂടുകയാണ് സുഹൃത്തുക്കൾ.
ഭവനരഹിതരായ അഞ്ചു കുടുംബങ്ങൾക്ക് സുരക്ഷിതമായുറങ്ങാൻ ഒരു കൊച്ചു ഭവനം സമ്മാനമായി നല്കാൻ കഴിഞ്ഞതിൽ ദൈവത്തോടു നന്ദി പറയുകയാണ് ബിജു ചാക്കോയും ലീനുമോളും. ബിജുവിൻറെ പിതാവ് എം.കെ ചാക്കോ മൂശാരിപറമ്പിലിൻറെ ഓർമ്മയ്ക്കായി, അദ്ദേഹത്തിൻറെ പത്താം ചരമവാർഷികത്തോട് അനുബന്ധിച്ചാണ് കോട്ടയം മാഞ്ഞൂർ പഞ്ചായത്തിൽ ഈ സ്നേഹഭവനങ്ങൾ ഒരുങ്ങുന്നത്. മക്കൾ ചെയ്യുന്ന സൽപ്രവൃത്തികൾക്ക് നേതൃത്വം കൊടുക്കാൻ ബിജുവിൻറെ അമ്മ മറിയാമ്മ ചാക്കോ സന്തോഷത്തോടെ മുന്നിൽ തന്നെയുണ്ട്. ഭവന നിർമ്മാണ കമ്മിറ്റിയുടെ രക്ഷാധികാരിയാണ് മറിയാമ്മ ചാക്കോ.
പതിനാറ് വർഷങ്ങൾക്കു മുൻപാണ് ബിജുവും ലീനുമോളും യുകെയിലേയ്ക്ക് കുടിയേറിയത്. 2001 ൽ യുകെയിൽ എത്തിയ ഇരുവരും ബി എസ് സി നഴ്സുമാരാണ്. ഇവർക്ക് നാല് ആൺകുട്ടികൾ ഉണ്ട്. ഇയർ 7 ൽ പഠിക്കുന്ന ജെയ്ക്ക്, ഇയർ 5 ൽ പഠിക്കുന്ന ജൂഡ്, ഇയർ 3 ൽ പഠിക്കുന്ന എറിക് പിന്നെ നഴ്സറി വിദ്യാർത്ഥിയായ ഏബൽ. നഴ്സിംഗ് ജോലിയോടൊപ്പം യു കെയിൽ ചെറിയ ബിസിനസ് സംരംഭങ്ങൾക്ക് തുടക്കമിട്ട ഇവർ പടിപടിയായി വിവിധ ബിസിനസ് മേഖലകളിൽ വിജയക്കൊടി പാറിച്ചു കഴിഞ്ഞു. ഡുറം വിൻഗേറ്റിലുള്ള ഡിവൈൻ കെയർ സെന്റർ ഇവരുടെ ഉടമസ്ഥതയിലുള്ള എൽബാ ഹെൽത്ത് കെയറിൻറെ ഭാഗമാണ്. യുകെയിൽ റീറ്റെയിൽ ബിസിനസ് ആരംഭിച്ച ധാരാളം മലയാളികൾക്ക് വേണ്ട സഹായങ്ങളും നിർദ്ദേശങ്ങളും നൽകാറുണ്ട്. യുകെയിലെ ക്നാനായ സഭയുടെ പ്രവർത്തനങ്ങളിൽ എന്നും മുൻപന്തിയിലാണ് ബിജുവും കുടുംബവും. സാമൂഹിക സംസ്കാരിക രംഗങ്ങളിലും വ്യക്തിമുദ്ര പതിപ്പിച്ച ഇവർക്ക് യുകെയിലും പുറത്തും വളരെ വലിയ ഒരു സുഹൃദ് വലയവുമുണ്ട്. കവിതയെയും സംഗീതത്തെയും സ്നേഹിക്കുന്ന ബിജുവും ലീനുമോളും യുകെയിലെ മിക്ക ഇവന്റുകളിലും നിറസാന്നിധ്യമാണ്.
പാവപ്പെട്ടവരോട് എന്നും അനുകമ്പയോടെ സാമൂഹിക രംഗത്ത് പ്രവർത്തിച്ചിരുന്ന തൻറെ പിതാവിൻറെ പ്രവർത്തന മാതൃകയാണ്, പാവപ്പെട്ടവർക്ക് സൗജന്യ ഭവനപദ്ധതി എന്ന ആശയത്തിലേക്ക് തന്നെ നയിച്ചത് എന്ന് ബിജു ചാക്കോ പറഞ്ഞു. മാഞ്ഞൂർ മണ്ഡലം കോൺഗ്രസ് പ്രസിഡൻറ്, ക്ഷീര വ്യവസായ സഹകരണ സംഘം പ്രസിഡൻറ്, ചാമക്കാല സെന്റ് ജോൺസ് കത്തോലിക്കാ കോൺഗ്രസ് പ്രസിഡന്റ് എന്നീ നിലകളിൽ സ്തുത്യർഹമായ സേവനം പരേതനായ എം.കെ ചാക്കോ മൂശാരിപറമ്പിൽ കാഴ്ച വച്ചിട്ടുണ്ട്. ബിജുവിൻറെ സഹോദരൻ ബിജോയി ചാക്കോയും കുടുംബവും അമേരിക്കയിലാണ്. സഹോദരിമാരായ മിനിയും മേഴ്സിയും യുകെയിൽ ജോലി ചെയ്യുന്നു. മറ്റൊരു സഹോദരി സിസ്റ്റർ ഫ്രാൻസി മോനിപ്പള്ളി എം.യു. എം ഹോസ്പിറ്റലിൻറെ അഡ്മിനിസ്ട്രേറ്റർ ആണ്.
ജൂൺ 11 ന് എം.കെ ചാക്കോ അനുസ്മരണവും ഹോം ഫോർ ഹോംലെസ് പദ്ധതിയുടെ ഭാഗമായി നിർമ്മിച്ച അഞ്ചു വീടുകളുടെ താക്കോൽ ദാനവും നടക്കും. രാവിലെ 10 മണിക്ക് ചാമക്കാല സെന്റ് ജോൺസ് പള്ളിയിൽ കോട്ടയം അതിരൂപതാ മെത്രാപ്പോലീത്ത മാർ മാത്യു മൂലക്കാട്ടിൻറെ മുഖ്യ കാർമ്മികത്വത്തിൽ ദിവ്യബലി അർപ്പിക്കും. തുടർന്ന് നടക്കുന്ന അനുസ്മരണ സമ്മേളനത്തിൽ വച്ച് മുൻ കേരളാ മുഖ്യമന്ത്രി ഉമ്മൻ ചാണ്ടി വീടുകളുടെ താക്കോൽ ദാന കർമ്മം നിർവ്വഹിക്കും. ചാമക്കാല ഇടവക വികാരി ഫാ. ജോസ് കടവിൽച്ചിറ സമ്മേളനത്തിൽ സ്വാഗതമാശംസിക്കും. മോൻസ് ജോസഫ് എം.എൽ.എ, പി.കെ ബിജു എം.പി, മാഞ്ഞൂർ പഞ്ചായത്ത് പ്രസിഡന്റ് ജോൺ നീലംപറമ്പിൽ, കോൺഗ്രസ് മണ്ഡലം പ്രസിഡന്റ് ലൂക്കോസ് മാക്കിൽ എന്നിവർ പ്രസംഗിക്കും. ബിജു ചാക്കോ നന്ദി പ്രകാശനം നടത്തും.
യുകെ മലയാളികൾക്കെല്ലാം മാതൃകയായി മാറുന്ന ഈ ജീവകാരുണ്യ പ്രവർത്തനത്തിന് നേതൃത്വം നല്കുന്ന ബിജു ചാക്കോയ്ക്കും ലീനുമോൾക്കും മലയാളം യുകെ ന്യൂസ് ടീമിൻറെ അഭിനന്ദനങ്ങൾ.
