ബാബു ജോസഫ്

മാഞ്ചസ്റ്റര്‍: അഭിഷേകാഗ്നി കാത്തലിക് മിനിസ്ട്രീസ് നയിക്കുന്ന ഹോളിസ്പിരിറ്റ് ഈവനിംങും രോഗശാന്തി ശുശ്രൂഷയും 14 വ്യാഴാഴ്ച്ച മാഞ്ചസ്റ്ററില്‍ നടക്കും. കാലഘട്ടത്തിന്റെ പ്രതിബന്ധങ്ങളെ യേശുവില്‍ അതിജീവിച്ചുകൊണ്ട് ലോക സുവിശേഷ വത്ക്കരണ രംഗത്ത് വിവിധങ്ങളായ മിനിസ്ട്രികള്‍ക്ക് പ്രവര്‍ത്തന നേതൃത്വം നല്‍കുന്ന റവ.ഫാ.സോജി ഓലിക്കല്‍ ഇത്തവണ ശുശ്രൂഷകള്‍ നയിക്കും. വ്യാഴാഴ്ച സാല്‍ഫോര്‍ഡ് സെന്റ് പീറ്റര്‍ & സെന്റ് പോള്‍ പള്ളിയില്‍ വൈകിട്ട് 5.30മുതല്‍ രാത്രി 8.30 വരെയാണ് ധ്യാനം നടക്കുക.

വി. കുര്‍ബാന, ദിവ്യകാരുണ്യ ആരാധന, വചന പ്രഘോഷണം, രോഗശാന്തി ശുശ്രൂഷ തുടങ്ങിയവ ധ്യാനത്തിന്റെ ഭാഗമാകും.
പരിശുദ്ധാത്മ അഭിഷേകത്താല്‍ പ്രകടമായ അത്ഭുതങ്ങളും അടയാളങ്ങളും രോഗശാന്തിയും സാധ്യമാകുന്ന ഈ ആത്മീയ ശുശ്രൂഷയിലേക്ക് സംഘാടകര്‍ യേശുനാമത്തില്‍ ഏവരെയും ക്ഷണിക്കുന്നു.

അഡ്രസ്സ്
ST. PETER & ST. PAUL CATHOLIC CHURCH
M6 8JR
SALFORD
MANCHESTER.

കൂടുതല്‍ വിവരങ്ങള്‍ക്ക്
രാജു ചെറിയാന്‍
07443 630066.

അപ്പച്ചന്‍ കണ്ണഞ്ചിറ

സ്റ്റീവനേജില്‍ തിരുപ്പിറവിയുടെ തിരുക്കര്‍മ്മങ്ങള്‍ ഡിസംബര്‍ 24 ഞായറാഴ്ച സെന്റ് ഹില്‍ഡാ ദേവാലയത്തില്‍ വെച്ച് നടത്തപ്പെടും. ഉച്ചക്ക് രണ്ടു മണിക്ക് ആരംഭിക്കുന്ന തിരുപ്പിറവിയുടെ ശുശ്രൂഷകള്‍ക്കു വെസ്റ്റ്മിന്‍സ്റ്റര്‍ സീറോ മലബാര്‍ ചാപ്ലയിന്‍ ഫാ.സെബാസ്റ്റ്യന്‍ ചാമക്കാല കാര്‍മ്മികത്വം വഹിക്കുന്നതായിരിക്കും. തിരുപ്പിറവി ശുശ്രൂഷകള്‍, പ്രദക്ഷിണം, ആഘോഷമായ പാട്ട് കുര്‍ബ്ബാന, ക്രിസ്തുമസ് സന്ദേശം തുടര്‍ന്ന് ക്രിസ്തുമസ് കേക്ക് മുറിച്ചു വിതരണവും കരോള്‍ ഗാനാലാപനവും നടത്തപ്പെടും.

പ്രാര്‍ത്ഥനയിലൂടെയും അനുരഞ്ജനത്തിലൂടെയും മാനസികമായും ആത്മീയമായും ഒരുങ്ങി വിശുദ്ധിയോടെ തിരുക്കര്‍മ്മങ്ങളില്‍ പങ്കു ചേര്‍ന്ന് ലോകരക്ഷകനായി ഭൂജാതനായ ദിവ്യ ഉണ്ണിയുടെ അനുഗ്രഹ സ്പര്‍ശങ്ങളും, സാന്നിദ്ധ്യവും സമൂഹത്തിലും ഭവനങ്ങളിലും അനുഭവവേദ്യമാകുവാനും, കുടുംബ സമാധാനവും കൃപയും ലഭിക്കുവാനും ഏവരെയും ക്രിസ്തുമസ് കുര്‍ബ്ബാനയിലേക്കും ശുശ്രൂഷകളിലേക്കും സെബാസ്റ്റ്യന്‍ അച്ചനും, പള്ളി കമ്മിറ്റി ഭാരവാഹികളും സസ്നേഹം ക്ഷണിച്ചു കൊള്ളുന്നു.

കൂടുതല്‍ വിവരങ്ങള്‍ക്ക് ട്രസ്റ്റികളുമായി ബന്ധപ്പെടുക.
അപ്പച്ചന്‍ കണ്ണഞ്ചിറ-07737956977, ജിമ്മി ജോര്‍ജ്ജ്-07533896656

പള്ളിയുടെ വിലാസം:
9 Breakspear, Stevenage, Herts SG2 9SQ.

ഫാ. ഹാപ്പി ജേക്കബ്

സര്‍വ്വ ജനത്തിനും ഉണ്ടാകുവാനുള്ളോരു മഹാ സന്തോഷം ഇന്ന് നിങ്ങളോട് അറിയിക്കുന്നു. കര്‍ത്താവ് നിങ്ങള്‍ക്കായി ജനിച്ചിരിക്കുന്നു. ഈ മഹാ സന്തോഷം ദര്‍ശിക്കുവാനായി നാം ഒരുങ്ങുകയാണല്ലോ, തലമുറ തലമുറയായി കാത്തിരുന്ന ദൈവ പുത്രന്റെ ജനനം. ഈ ജനനത്തിന്റെ മുന്‍കുറിയായി ഈ ആഴ്ച നാം ഓര്‍ക്കുന്നത് യോഹന്നാന്‍ സ്‌നാപകന്റെ ജനനമാണ്. ദൈവപുത്രന് വഴിയൊരുക്കുവാന്‍ മരുഭൂമിയില്‍ മാനസാന്തരം പ്രസംഗിച്ച യോഹന്നാന്റെ ജനനം.

അരുളപ്പാട് ലഭിച്ച ഉടന്‍ മൗനിയായിരുന്ന സഖറിയ പുരോഹിതന്‍ നാവെടുത്ത് സംസാരിക്കുന്നു. ആത്മീയ അനുഗ്രഹം പ്രാപിച്ച ദൈവാത്മാവില്‍ നിന്ന് ദൈവത്തെ മഹത്വപ്പെടുത്തുന്ന സഖറിയയുടെ വാക്കുകള്‍ ശ്രദ്ധേയമാണ്. നീയോ പൈതലേ, അത്യുന്നന്റെ പ്രവാചകന്‍ എന്ന് വിളിക്കപ്പെടും. കര്‍ത്താവിന്റെ വഴി ഒരുക്കുവാനും നമ്മുടെ ദൈവത്തിന്റെ അതേ കരുണയാല്‍ അവന്റെ ജനത്തിന് പാപമോചനത്തില്‍ രക്ഷാപരിജ്ഞാനം കൊടുക്കുവാനുമായി നീ അവന് മുമ്പായി നടക്കും.

ഏതൊരു ക്രിസ്ത്യാനിയുടേയും ജീവിത ലക്ഷ്യമാണ് പ്രത്യാശയോടെ ദൈവ സന്നിധിയില്‍ ആയിത്തീരുക എന്നത്. ഇന്ന് അന്ധകാരം നയിക്കപ്പെടുവാന്‍ അത് നമ്മുടെ മുന്‍പില്‍ ഉണ്ട്. ഒരു യഥാര്‍ത്ഥ ഗുരു, നമ്മുടെ കൈ പിടിച്ച് നടത്തുവാന്‍ ഒരു നായകന്‍ ആയി നാം വളര്‍ന്ന് വരേണ്ടതാണ്. എപ്രകാരം ജീവിച്ച് ഒരു മാതൃക കാട്ടിക്കൊടുക്കുവാന്‍ നമുക്ക് കഴിയും. പ്രസംഗകരും ഉപദേശകരും ധാരാളം നമുക്കുണ്ട്. എന്നാല്‍ അതനുസരിച്ച് ജീവിത മാതൃക തരുവാന്‍, കൊടുക്കുവാന്‍ ആരുണ്ട്, അധരം കൊണ്ട് മഹത്വപ്പെടുത്തുകയും അന്തരംഗം കൊണ്ട് ത്യജിക്കുകയും ചെയ്യുന്നവരായ നാം യഥാര്‍ത്ഥ ജീവിത ലക്ഷ്യത്തിന് പാത്രമായി ഭവിക്കേണ്ടതാണ്.

മൂന്ന് ഘടകങ്ങള്‍ ഈ വിശുദ്ധ ദിവസങ്ങളില്‍ നാം പാലിക്കേണ്ടതുണ്ട്. ഒന്നാമതായി പരിജ്ഞാനത്തില്‍ വളരുക. അറിവും ജ്ഞാനവും വ്യത്യസ്തമാണ്. ബിരുദങ്ങളുടെ പട്ടിക നിരത്തുമ്പോഴും മനുഷ്യനായി ജീവിക്കുവാന്‍ മറക്കുന്ന നാം ഇന്ന് മനസിലാക്കി ജീവിത മാര്‍ഗ്ഗം പരിശീലിക്കുക.

രണ്ടാമതായി നമ്മുടെ ഇടയില്‍ തന്നെ സൂക്ഷിക്കുക. ഈ വായനാ ഭാഗങ്ങളെല്ലാം കുടുംബ പശ്ചാത്തലത്തിലാണ് നാം മനസിലാക്കുന്നത്. ഏറ്റവും അടുത്ത ഗുണഭോക്താക്കളാണ് നമ്മുടെ കുടുംബാംഗങ്ങള്‍. അവരുടെ മുന്‍പില്‍ ദൈവ ജീവിതം സാക്ഷിക്കുവാന്‍ നമുക്ക് കഴിയണം.

മൂന്നാമതായി വഴികാട്ടുക. നാം പരിശീലിച്ച, സാക്ഷിച്ച ദൈവീകത അനേകര്‍ക്ക് ദൈവത്തെ കാട്ടിക്കൊടുക്കുവാന്‍ ഉതകുന്നതായിരിക്കണം. യോഹന്നാനെ പോലെ തന്റെ പിന്നാലെ വരുന്നവന്റെ രക്ഷാദൗത്യം കാട്ടി കൊടുക്കുവാന്‍ ദൈവ സമൂഹത്തെ ഒരുക്കുന്ന ശുശ്രൂശഷകരായി നാം രൂപാന്തരപ്പെടുക. യേശുക്രിസ്തുവിന്റെ ജനനത്തില്‍ അനേകം ദൃഷ്ടാന്തങ്ങള്‍ ഈ വഴികാട്ടലുമായി ബന്ധപ്പെട്ട് നാം ധ്യാനിക്കാറുണ്ട്. യോഹന്നാന്‍ സ്ഥാപകന്റെ ജനനത്തില്‍ ദൈവത്തെ മഹത്വപ്പെടുത്തുന്ന സഖറിയാവിനോടും ആ വെളിപാട് ശ്രവിക്കുന്ന അവന്റെ കുടുംബത്തോടും നമുക്ക് അനുരൂപപ്പെടാം. ദൈവം അനുഗ്രഹിക്കട്ടെ.

ഹാപ്പി ജേക്കബ് അച്ചന്‍

ഫാ. ബിജു കുന്നയ്ക്കാട്ട് പി.ആര്‍.ഒ

പ്രസ്റ്റണ്‍/ബ്രിസ്റ്റോള്‍: ഗ്രേറ്റ് ബ്രിട്ടണ്‍ സീറോ മലബാര്‍ രൂപതയില്‍ ഔദ്യോഗികമായി ഉദ്ഘാടനം ചെയ്യപ്പെട്ട എപ്പാര്‍ക്കിയല്‍ വിമന്‍സ് ഫോറത്തിന്റെ റീജിയണല്‍ ആലോചനാ യോഗങ്ങള്‍ക്ക് തുടക്കമാകുന്നു. പ്രസ്റ്റണ്‍ റീജിയണിന്റെ ആലോചനാ സമ്മേളനം ഡിസംബര്‍ 29 വെള്ളിയാഴ്ച വൈകിട്ട് 5 മണി മുതല്‍ 9.30 Sacred Heart Church, 41, Thrisk Road, North Allerton, DL 61 PJല്‍ വച്ച് കൂടുന്നതാണ്. റവ. ഫാ. ആന്റണി ചുണ്ടെലിക്കാട്ടും റവ. ഫാ. സജി തോട്ടത്തിലും തിരുക്കര്‍മ്മങ്ങള്‍ക്കും ആമുഖ വിചിന്തനങ്ങള്‍ക്കും നേതൃത്വം നല്‍കും.

ബ്രിസ്റ്റോള്‍ റീജിയണില്‍ ആലോചനായോഗം ചേരുന്നത് 2018 ജനുവരി 5 വെള്ളിയാഴ്ച വൈകിട്ട് 5 മണി മുതലാണ്. എക്‌സിറ്റര്‍ Blessed Sacrament RC Church, Heavitree, Exeter, EX1 2QssJല്‍ വച്ചു നടക്കുന്ന സമ്മേളനത്തിന്റെ ആരംഭത്തില്‍ റവ. ഫാ. സണ്ണി പോള്‍ MSFS ദിവ്യബലിയര്‍പ്പിച്ച് വചനസന്ദേശം നല്‍കും. അതാതു റീജിയണിലെ ഭാരവാഹികളുടെ നേതൃത്വത്തില്‍ സമ്മേളനത്തിനുള്ള ഒരുക്കങ്ങള്‍ നടന്നുവരുന്നതായി വിമന്‍സ് ഫോറം രൂപതാ പ്രസിഡന്റ് ജോളി മാത്യു അറിയിച്ചു.

ഗ്രേറ്റ് ബ്രിട്ടണ്‍ രൂപതയുടെ അജപാലന പ്രവര്‍ത്തനങ്ങളില്‍ സ്ത്രീ പങ്കാളിത്തം ഉറപ്പുവരുത്താനും രൂപതയുടെ ബഹുമുഖ പ്രവര്‍ത്തനങ്ങള്‍ക്ക് ശക്തമായ പ്രാര്‍ത്ഥനാ പിന്തുണ നല്‍കാനുമായാണ് വിമന്‍സ് ഫോറം രൂപീകൃതമായിരിക്കുന്നത്. ക്രിസ്തീയ കുടുംബം രൂപീകരിക്കപ്പെടുന്നതില്‍ അമ്മമാരുടെ പങ്ക് സുപ്രധാനമാണെന്ന തിരിച്ചറിവില്‍ നിന്നാണ് ഗ്രേറ്റ് ബ്രിട്ടണ്‍ രൂപതയിലെ വനിതകള്‍ക്കായി ഫോറം രൂപീകരിച്ചിരിക്കുന്നത്. പരി. മാതാവിനെ സ്വര്‍ഗ്ഗീയ മധ്യസ്ഥയായി സ്വീകരിച്ചിരിക്കുന്ന വിമന്‍സ് ഫോറത്തില്‍ 18 വയസിനു മുകളിലുള്ള സ്ത്രീകളാണ് അംഗങ്ങളാകുന്നത്. രൂപതയിലെ മിക്ക കുര്‍ബാന സെന്ററുകളിലും യൂണിറ്റും പ്രാരംഭ പ്രവര്‍ത്തനങ്ങളും തുടങ്ങിക്കഴിഞ്ഞു.

ബാബു ജോസഫ്

ബ്രിസ്റ്റോള്‍: ദേശഭാഷാ വ്യത്യാസമില്ലാതെ വിശ്വാസികള്‍ക്ക് ആത്മീയ അഭിഷേകം ചൊരിഞ്ഞുകൊണ്ട് ബ്രിസ്റ്റോള്‍ കേന്ദ്രീകരിച്ച് സെഹിയോന്‍ യൂറോപ്പ് അഭിഷേകാഗ്‌നി മിനിസ്ട്രീസിന്റെ നേതൃത്വത്തില്‍ നടന്നുവരുന്ന ‘എറൈസ് ബ്രിസ്റ്റോള്‍’ നാളെ (10/12/17) ഞായറാഴ്ച നടക്കും. സെഹിയോന്‍ യൂറോപ്പ് ഡയറക്ടര്‍ റവ. ഫാ. സോജി ഓലിക്കല്‍ ശുശ്രൂഷകള്‍ നയിക്കും. ലോക സുവിശേഷവത്ക്കരണരംഗത്ത് ദൈവിക സ്‌നേഹത്തില്‍ അധിഷ്ഠിതമായി നിലനിന്നുകൊണ്ട് കാലഘട്ടത്തിന്റെ പ്രതിബന്ധങ്ങളെ യേശുവില്‍ തരണംചെയ്ത് വിവിധ ലോകരാജ്യങ്ങളില്‍ പ്രവര്‍ത്തിക്കുന്ന അഭിഷേകാഗ്‌നി മിനിസ്ട്രീസ് നവസുവിശേഷവത്കരണം ലക്ഷ്യമാക്കി പ്രായഭേദമന്യേ നിരവധിയായ ശുശ്രൂഷകള്‍ ദേശഭാഷാ വ്യത്യാസമില്ലാതെ നടത്തിവരുന്നു.

എറൈസ് ബ്രിസ്റ്റോള്‍ എന്ന പൂര്‍ണ്ണമായും ഇംഗ്ലീഷിലുള്ള ധ്യാനവും രോഗശാന്തി ശുശ്രൂഷയും നാളെ സെന്റ് വിന്‍സെന്റ് ഡി പോള്‍ ചര്‍ച്ചില്‍ ഉച്ചകഴിഞ്ഞ് 2 മുതല്‍ ആരംഭിക്കും. ജപമാലയോടെ ആരംഭിക്കുന്ന ധ്യാനവും രോഗശാന്തി ശുശ്രൂഷയും വി. കുര്‍ബാന, വചന പ്രഘോഷണം, ദിവ്യകാരുണ്യ ആരാധന എന്നിവയോടെ രാത്രി 7ന് സമാപിക്കും. സ്പിരിച്വല്‍ ഷെയറിങിനും കുമ്പസാരത്തിനും സൗകര്യമുണ്ടായിരിക്കും. പരിശുദ്ധാത്മ അഭിഷേകത്താല്‍ ശക്തമായ വിടുതലും, രോഗശാന്തിയും, ജീവിതനവീകരണവും സാധ്യമാകുന്ന ഈ അനുഗ്രഹീത ശുശ്രൂഷയിലേക്കു അഭിഷേകാഗ്‌നി കാത്തലിക് മിനിസ്ട്രീസ് ഏവരെയും യേശുനാമത്തില്‍ സ്വാഗതം ചെയ്യുന്നു.

അഡ്രസ്സ്
ST. VINCENT DE PAUL RC CHURCH
EMBLETON ROAD
SOUTHMEAD
BRISTOL
BS10 6DS.

കൂടുതല്‍ വിവരങ്ങള്‍ക്ക്
Deacon JOSEPH PHILIP 07912413445
GEORGE THARAKAN 07811197278.

ബാബു ജോസഫ്

ബര്‍മിങ്ഹാം: യേശുനാഥന്റെ തിരുപ്പിറവിയുടെ മഹത് സന്ദേശം വിളിച്ചറിയിക്കുന്ന ഡിസംബര്‍ മാസ രണ്ടാം ശനിയാഴ്ച്ച കണ്‍വെന്‍ഷനായി ബെഥേലില്‍ ഒരുക്കങ്ങള്‍ പൂര്‍ത്തിയായി. സെഹിയോന്‍ യൂറോപ്പ് ഡയറക്ടര്‍ റവ.ഫാ.സോജി ഓലിക്കല്‍ നയിക്കുന്ന കണ്‍വെന്‍ഷന്‍ നാളെ രാവിലെ 8ന് മരിയന്‍ റാലിയോടെ ആരംഭിക്കും. യേശുനാഥന്റെ തിരുപ്പിറവിയെ വരവേല്‍ക്കാന്‍ നാമോരോരുത്തരുടെയും ഹൃദയങ്ങളില്‍ സ്‌നേഹത്തിന്റെ പുല്‍ക്കൂടൊരുക്കുവാന്‍ ശക്തമായ വചന സന്ദേശവുമായി ലങ്കാസ്റ്റര്‍ രൂപത ബിഷപ്പ്പ് മൈക്കിള്‍ ഗ്രിഗറി കാംബെല്‍, ഗ്രേറ്റ് ബ്രിട്ടന്‍ സീറോ മലബാര്‍ ബിഷപ്പ് മാര്‍ ജോസഫ് സ്രാമ്പിക്കല്‍, സെഹിയോന്‍ യൂറോപ്പിലെ പ്രമുഖ ആത്മീയ ശുശ്രൂഷകന്‍ ബ്രദര്‍ ജോസ് കുര്യാക്കോസ് എന്നിവരും ഇത്തവണ സോജിയച്ചനോടൊപ്പം വിവിധ ശുശ്രൂഷകള്‍ നയിക്കും.

മള്‍ട്ടികള്‍ച്ചറല്‍ ഉപഭോഗ സംസ്‌കാരത്തിന്റെ പിടിയിലമര്‍ന്ന യുകെയുടെയും യൂറോപ്പിന്റെയും ആത്മീയ ഉയിര്‍ത്തെഴുന്നേല്‍പ്പിന് ആയിരങ്ങളുടെ പ്രാര്‍ത്ഥനയുടെയും പരിത്യാഗത്തിന്റെയും പിന്തുണയാല്‍ പ്രകടമായ അത്ഭുതങ്ങളും അടയാളങ്ങളും രോഗശാന്തിയും സാധ്യമാക്കിക്കൊണ്ട് ഈ കണ്‍വെന്‍ഷന്‍ ദൈവം ഉപയോഗിക്കുന്നു എന്നതിന് അസാധ്യങ്ങള്‍ സാധ്യമാകുന്ന, വരദാനഫലങ്ങള്‍ വര്‍ഷിക്കപ്പെടുന്ന ഓരോതവണത്തേയും നിരവധിയായ അനുഭവ സാക്ഷ്യങ്ങള്‍ തെളിവാകുന്നു. ശക്തമായ വിടുതലുകളും അതുവഴി അനേകര്‍ക്ക് ജീവിത നവീകരണവും പകര്‍ന്നുകൊണ്ടിരിക്കുന്ന ഈ കണ്‍വെന്‍ഷനില്‍ ഏതൊരാള്‍ക്കും കുമ്പസാരിക്കുന്നതിനും സ്പിരിച്വല്‍ ഷെയറിംങിനും സൗകര്യമുണ്ടായിരിക്കും. വിവിധ ഭാഷകളിലുള്ള കുമ്പസാരത്തിന് കണ്‍വെന്‍ഷനില്‍ മുഴുവന്‍ സമയവും സൗകര്യമുണ്ടായിരിക്കും.

കഴിഞ്ഞ അനേക വര്‍ഷങ്ങളായി കുട്ടികള്‍ക്കും യുവജനങ്ങള്‍ക്കും വിശ്വാസജീവിതത്തില്‍ വളരാനുതകുന്ന ക്രിസ്തീയ ജീവിതമൂല്യങ്ങള്‍ വിവിധ ശുശ്രൂഷകളിലൂടെ പകര്‍ന്നു നല്‍കാന്‍ സാധിക്കുന്നത് കണ്‍വെന്‍ഷന്റെ പ്രധാന സവിശേഷതയാണ്. കുട്ടികള്‍ക്കായി ഓരോതവണയും ഇംഗ്ലീഷില്‍ പ്രത്യേക കണ്‍വെന്‍ഷന്‍തന്നെ നടക്കുന്നു. അനേകം കുട്ടികളും കൗമാരപ്രായക്കാരുമാണ് ഓരോ രണ്ടാം ശനിയാഴ്ച കണ്‍വെന്‍ഷനിലും മാതാപിതാക്കളോടോ മറ്റ് മുതിര്‍ന്നവര്‍ക്കൊപ്പമോ യുകെയുടെ വിവിധ പ്രദേശങ്ങളില്‍ നിന്നായി എത്തിക്കൊണ്ടിരിക്കുന്നത്. കിംങ്ഡം റവലേറ്റര്‍ എന്ന കുട്ടികള്‍ക്കായുള്ള മാസിക ഓരോരുത്തര്‍ക്കും സൌജന്യമായി നല്‍കിവരുന്നു.

രണ്ടു വേദികളിലായി ഒരേസമയം ഇംഗ്ലീഷിലും മലയാളത്തിലും ശുശ്രൂഷകള്‍ നടക്കും. ഇംഗ്ലീഷിലും മലയാളത്തിലും മറ്റുഭാഷകളിലുമുള്ള ബൈബിള്‍, പ്രാര്‍ത്ഥനാ പുസ്തകങ്ങള്‍, മറ്റ് പ്രസിദ്ധീകരണങ്ങള്‍ എന്നിവ കണ്‍വെന്‍ഷന്‍ സെന്ററില്‍ ലഭ്യമാണ്.
കണ്‍വെന്‍ഷന്‍ വൈകിട്ട് 4 ന് ദിവ്യകാരുണ്യ പ്രദക്ഷിണത്തോടെ സമാപിക്കും. കണ്‍വെന്‍ഷനായുള്ള പ്രാര്‍ത്ഥനാ ഒരുക്ക ശുശ്രൂഷ ബര്‍മിംങ്ഹാമില്‍ നടന്നു. കണ്‍വെന്‍ഷന്റെ ആത്മീയവിജയത്തിനായി പ്രാര്‍ത്ഥനാസഹായം അപേക്ഷിക്കുന്ന സെഹിയോന്‍ യൂറോപ്പിന്റെ ആത്മീയ നേതൃത്വങ്ങളായ ഫാ.സോജി ഓലിക്കല്‍, ഫാ.ഷൈജു നടുവത്താനി, സിസ്റ്റര്‍. ഡോ.മീന എന്നിവരും സെഹിയോന്‍ കുടുംബവും യേശുനാമത്തില്‍ മുഴുവനാളുകളെയും നാളെ രണ്ടാം ശനിയാഴ്ച ബര്‍മിംങ്ഹാം ബഥേല്‍ സെന്ററിലേക്ക് വീണ്ടും ക്ഷണിക്കുന്നു.

അഡ്രസ്സ് :
ബഥേല്‍ കണ്‍വെന്‍ഷന്‍ സെന്റര്‍
കെല്‍വിന്‍ വേ
വെസ്റ്റ് ബ്രോംവിച്ച്
ബര്‍മിംങ്ഹാം. (Near J1 of the M5)
B70 7JW.

കൂടുതല്‍ വിവരങ്ങള്‍ക്ക് ;

ഷാജി 07878149670.
അനീഷ്.07760254700
ബിജുമോന്‍ മാത്യു.07515 368239

Sandwell and Dudley ട്രെയിന്‍ സ്റ്റേഷന്റെ തൊട്ടടുത്തായിട്ടുള്ള കണ്‍വെന്‍ഷന്‍ സെന്ററിലേക്ക് യു കെ യുടെ വിവിധ പ്രദേശങ്ങളില്‍നിന്നും ഏര്‍പ്പെടുത്തിയിട്ടുള്ള കോച്ചുകളെയും മറ്റ് വാഹനങ്ങളെയുംപറ്റിയുള്ള പൊതുവിവരങ്ങള്‍ക്ക്,
ടോമി ചെമ്പോട്ടിക്കല്‍ 07737935424.
ബിജു ഏബ്രഹാം 07859 890267

പ്രശസ്ത വചന പ്രഘോഷകനും തപസ് ധ്യാനഗുരുവും കോട്ടയം പാമ്പാടി ഗുഡ് ന്യൂസ് ധ്യാനകേന്ദ്രം ഡയറക്ടറുമായ റവ.ജോസഫ് കണ്ടത്തിപ്പറമ്പില്‍ നയിക്കുന്ന തപസ് ധ്യാനം ഏപ്രില്‍ 6,7,8 (വെള്ളി , ശനി, ഞായര്‍) തീയതികളില്‍ കേംബ്രിഡ്ജില്‍ നടക്കും. താമസിച്ചുള്ള ഈ ധ്യാനത്തിലേക്ക് സീറ്റുകള്‍ മുന്‍കൂട്ടി ബുക്ക് ചെയ്യേണ്ടതാണ്. ഏറെ അനുഗ്രഹദായകമായ ഈ ധ്യാനത്തിലേക്കു സംഘാടകര്‍ ഏവരെയും സ്വാഗതം ചെയ്യുന്നു.

Address
BUCKDEN TOWERS
HUNTINGTON
CAMBRIDGESHIRE.

കൂടുതല്‍ വിവരങ്ങള്‍ക്ക്

റോസ്മിന്‍ ജോണി 07482258494
സാല്‍മിനി 07799330637.

മാത്യു ജോസഫ്

സന്ദര്‍ലാന്‍ഡ്: ക്രിസ്തുമസ്സിനെ വരവേല്‍ക്കാന്‍ സന്ദര്‍ലാന്‍ഡ് മലയാളികള്‍ ഒരുങ്ങിക്കഴിഞ്ഞു. കരോള്‍ സംഗീതവും ഉണ്ണി യേശുവുമായുള്ള ഭവനസന്ദര്‍ശനം ഡിസംബര്‍ 8, 9 (വെള്ളി, ശനി) ദിവസങ്ങളില്‍ നടക്കും. ക്രിസ്തുമസ് സംഗമത്തിന് ഒരുങ്ങുന്ന സന്ദര്‍ ലാന്‍ഡ് സീറോ മലബാര്‍ കത്തോലിക്കാ സമൂഹം ഡിസംബര്‍ 16 ശനിയാഴ്ച നടക്കുന്ന മലയാളം കുര്‍ബാനയും പുതുവര്‍ഷത്തെ പ്രാത്ഥനകളോടെ വരവേല്‍ക്കാന്‍ ഡിസംബര്‍ 31 ശനിയാഴ്ച വൈകുന്നേരം 7.30ന് തുടങ്ങുന്ന ആരാധനകള്‍ പാതിരാ കുര്‍ബാനയോടെയും സമാപിക്കുന്നു. പ്രാര്‍ത്ഥന നിര്‍ഭരമായ ശുശ്രൂക്ഷകളിലേക്ക് ഏവരെയും യേശു നാമത്തില്‍ സ്വാഗതം ചെയ്യുന്നു.

ജനുവരി 2 ചൊവാഴ്ച നടക്കുന്ന ക്രിസ്തുമസ് സംഗമത്തില്‍ സീറോ മലബാര്‍ ചാപ്ലയിന്‍ ബഹു. ഫാ. സജി തോട്ടത്തില്‍ ക്രിസ്തുമസ് സന്ദേശം നല്‍കും. സെ. ജോസഫ്സ് ചര്‍ച്ച് വികാരി ബഹു. ഫാ. മൈക്കില്‍ മക്കോയ് മുഖ്യാതിഥിയായിരിക്കും. ക്രിസ്തുമസ് സംഗീതവും ആശസകളും കൊണ്ട് മുഖരിതമാകുന്ന സന്ധ്യയില്‍ ക്രിസ്തുമസ് ഡിന്നറോടെ പരിപാടികള്‍ക്ക് പരിസമാപ്തി കുറിക്കും. ഈ സ്നേഹസംഗമത്തിലേക്ക് എല്ലാ അംഗങ്ങളെയും സ്വാഗതം ചെയ്യുന്നു.
മലയാളം കുര്‍ബാന : ഡിസംബര്‍ 16 ശനി , 10.30 am @ സെ.ജോസഫ്സ് ചര്‍ച്ച്, സന്ദര്‍ലാന്‍ഡ് : SR4 6HP
പുതുവര്‍ഷ ദിവ്യബലി – ഡിസംബര്‍ 31 ഞായര്‍ , 11.45 pm @ സെ. ജോസഫ്സ് ചര്‍ച്ച്, സന്ദര്‍ലാന്‍ഡ് : SR4 6HP
ക്രിസ്തുമസ് സംഗമം : ജനുവരി 2 , ചൊവാഴ്ച , 5.30 pm മുതല്‍ @ സെ. ജോസഫ്സ് പാരിഷ് സെന്റര്‍, സന്ദര്‍ലാന്‍ഡ് : SR4 6HP

ഡഗന്‍ഹാം: പ്രശസ്ത ക്രിസ്തീയ സംഗീത സംവിധായകന്‍ പീറ്റര്‍ ചേരാനല്ലൂരും, ചിന്ന… ചിന്ന … ആസൈ എന്ന എക്കാലത്തേയും മികച്ച സൂപ്പര്‍ ഹിറ്റ് ഹാനം ആലപിച്ച മിന്‍മിനിയും ഡിസംബര്‍ 26-ാം തീയതി വൈകുന്നേരം 6.00 മണിക്ക് ലണ്ടനിലെ ഡഗന്‍ഹാമിലുള്ള ഫാന്‍ഷോവ് കമ്മ്യൂണിറ്റി ഹാളില്‍ (Fashawe) ”സ്‌നേഹ സങ്കീര്‍ത്തനം” എന്ന സംഗീത സന്ധ്യ നടത്തുന്നു. ഈ സന്ധ്യയില്‍ ഇവരോടൊപ്പം കെ ജെ നിക്‌സന്‍, സുനില്‍ കൈതാരം, ബൈജു കൈതാരം, നൈഡന്‍ പീറ്റര്‍ തുടങ്ങിയവരും പങ്കെുക്കുന്നതായിരിക്കും. അനുഭവങ്ങളും അനുഭവ സാക്ഷ്യങ്ങളും അത്ഭുതങ്ങളും പങ്കുവെയ്ക്കുന്ന ഈ സന്ധ്യ യുകെ മലയാളികള്‍ക്ക് തികച്ചും വേറിട്ട ഒരു അനുഭവമായിരിക്കും.

2500ഓളം ക്രിസ്തീയ ഭക്തിഗാനങ്ങള്‍ക്ക് ഈണിട്ട പ്രശസ്ത സംഗീത സംവിധായകനാണ് പീറ്റര്‍ ചേരാനല്ലൂര്‍. ആത്മീയ ഗാനാലാപനങ്ങളും വചന പ്രഘോഷണങ്ങളും കൊണ്ട് സമ്പന്നമായ ഒരു സന്ധ്യ ആയിരിക്കും സ്‌നേഹസങ്കീര്‍ത്തനം. അതിവിപുലമായ കാര്‍ പാര്‍ക്കിങ്ങ് സംഘാടകര്‍ ഒരുക്കിയിട്ടുണ്ട്. ആസ്വാദനത്തിന്റെ വേറിട്ട അനുഭവം ആത്മീയതയിലൂടെ ഒരുക്കുന്ന ഈ വേദിയിലേക്ക് ഏവരെയും ക്ഷണിച്ചുകൊള്ളുന്നു.

കൂടുതല്‍ വിവരങ്ങള്‍ക്ക്

പ്രകാശ് ഉമ്മന്‍ – 07786282497, സോണി – 07886973751

വേദിയുടെ അഡ്രസ്
Fanshawe Community Centre
73, Bernmead Road
Dagenham
London
RM9 5 AR

ട്യൂബ് സ്റ്റേഷന്‍ – Dagenham Heathway (District Line)

ജെഗി ജോസഫ്

ഗ്രേറ്റ് ബ്രിട്ടന്‍ സീറോ മലബാര്‍ രൂപതാധ്യക്ഷന്‍ മാര്‍ ജോസഫ് സ്രാമ്പിക്കല്‍ രൂപതാംഗങ്ങളുടെ വിശ്വാസോജ്ജ്വലനം ലക്ഷ്യമാക്കി രൂപം നല്‍കിയ പഞ്ചവത്സര അജപാലന പദ്ധതിയുടെ ആദ്യ വര്‍ഷമായ കുട്ടികളുടെ വര്‍ഷത്തിന്റെ ബ്രിസ്റ്റോള്‍ ഇടവകാതല ഉദ്ഘാടനം ഫിഷ്പോണ്ട്‌സ് സെന്റ് ജോസഫ് ദേവാലയത്തില്‍ വച്ച് ഗ്രേറ്റ് ബ്രിട്ടന്‍ രൂപതയുടെ ചാന്‍സലര്‍ ഫാ. മാത്യു പിണക്കാട്ട് നിര്‍വഹിച്ചു. യുകെയില്‍ നാനൂറിലധികം കുട്ടികള്‍ വിശ്വാസ പരിശീലനം നേടുന്ന സെന്റ്. തോമസ് സീറോ മലബാര്‍ കാത്തലിക് ചര്‍ച്ചിലെ വേദപാഠ ക്ലാസുകള്‍ക്ക് മുന്നോടിയായി നടന്ന സ്‌കൂള്‍ അസംബ്ലിയില്‍ വച്ചാണ് കുട്ടികളുടെ ആദ്യ വര്‍ഷത്തിന്റെ ഔദ്യോഗിക ഉദ്ഘാടനം നടന്നത്.

മാര്‍ സ്രാമ്പിക്കല്‍ പിതാവ് പരിശുദ്ധാത്മാവിന്റെ ജീവിക്കുന്ന ശിലകളായി മാറുവാന്‍ കുട്ടികളോട് ആഹ്വാനം ചെയ്തത് ഓര്‍മ്മപ്പെടുത്തിയ ഫാ. മാത്യു പിണക്കാട്ട് കുട്ടികളില്‍ നിന്നുമാണ് സഭയും സമൂഹവും വളരേണ്ടതെന്നും അതിനാല്‍ കുട്ടികളില്‍ നിന്ന് തന്നെ രൂപതയുടെ തുടക്കം ആരംഭിക്കണമെന്നും പറഞ്ഞു. നവംബര്‍ 20 മുതല്‍ 22 വരെ മിഡ്വെയില്‍സിലെ കെഫെന്‍ലി പാര്‍ക്കില്‍ വച്ച് നടന്ന രൂപതാ പ്രതിനിധി സമ്മേളനത്തിലും ഉരുത്തിരിഞ്ഞ തീരുമാനങ്ങളുടെ അടിസ്ഥാനത്തിലാണ് ഈ ക്രമീകരണങ്ങള്‍ നടത്തിയിരിക്കുന്നത്.

തുടര്‍ന്ന് വിദ്യാര്‍ത്ഥികളുടെ പ്രതിനിധികളും വികാരി ഫാ. പോള്‍ വെട്ടിക്കാട്ട്, ഫാ. ബിപിന്‍ ചിറയില്‍, ഡീക്കന്‍ ജോസഫ് ഫിലിപ്പ്, വേദപാഠ ഹെഡ്മാസ്റ്റര്‍ ജെയിംസ് ഫിലിപ്പ്, അസിസ്റ്റന്റ് ഹെഡ്മിസ്ട്രസ് സിനി ജോമി, ട്രസ്റ്റിമാരായ ലിജോ പടയാട്ടില്‍, പ്രസാദ് ജോണ്‍ എന്നിവര്‍ സന്നിഹിതരായിരുന്ന വേദിയില്‍ വച്ച് നിലവിളക്കിന്റെ തിരി തെളിച്ചു ഗ്രേറ്റ് ബ്രിട്ടന്‍ രൂപതയുടെ ചാന്‍സലര്‍ ഫാ. മാത്യു പിണക്കാട്ട് ഉത്ഘാടനം ചെയ്തു. അസിസ്റ്റന്റ്‌റ് ഹെഡ് മിസ്ട്രസ് സിനി ജോമി കുട്ടികള്‍ക്ക് പ്രതിജ്ഞാ വാചകം ചൊല്ലിക്കൊടുത്തു.

അതിനു ശേഷം നടന്ന വി. കുര്‍ബാനയ്ക്ക് ഫാ. മാത്യു പിണക്കാട്ട് നേതൃത്വം നല്‍കി. സെന്റ് സേവ്യഴ്‌സ് ഫാമിലി യൂണിറ്റ് ഒരുക്കിയ സ്‌നേഹവിരുന്നോട് കൂടി പരിപാടികള്‍ക്ക് സമാപനമായി.