ഫാ. ബിജു കുന്നയ്ക്കാട്ട് പി.ആര്‍.ഒ

സൗത്താംപ്റ്റണ്‍: ദൈവം തന്റെ ജനത്തെ ഒരുമിച്ച് കൂട്ടിയപ്പോള്‍ സംഘാടകര്‍ പോലും പ്രതീക്ഷിച്ചതിനേക്കാളേറെ വിശ്വാസികള്‍ ഒഴുകിയെത്തിയ സൗത്താംപ്ടണ്‍ റീജിയണ്‍ അഭിഷേകാഗ്‌നി ഭക്തിസാന്ദ്രമായി. ബോണ്‍മൗത്ത് ലൈഫ് സെന്ററിലേയ്ക്ക് വിശ്വാസികള്‍ ആയിരങ്ങളായി ഒഴുകിയെത്തിയപ്പോള്‍ സൗത്താംപ്റ്റണില്‍ മലയാളി വിശ്വാസികളുടെ ചരിത്രത്തിലെ ഏറ്റവും വലിയ കൂട്ടായ്മയായി മാറി. രാവിലെ 9 മണിക്ക് ജപമാലയോടെ ആരംഭിച്ച കണ്‍വെന്‍ഷന് റീജിയണല്‍ കോ ഓര്‍ഡിനേറ്റര്‍ റവ. ഫാ. ടോമി ചിറയ്ക്കല്‍ മണവാളന്‍ സ്വാഗതം ആശംസിച്ചു. തുടര്‍ന്നു നടന്ന ആരാധനാസ്തുതി സ്തോത്രങ്ങള്‍ക്ക് ശേഷം സെഹിയോന്‍ മിനിസ്ട്രീസ് ഡയറക്ടര്‍ റവ. ഫാ. സേവ്യര്‍ഖാന്‍ വട്ടായിലും സെഹിയോന്‍ യുകെയുടെ സാരഥി സോജി ഓലിക്കലും പ്രസംഗിച്ചു.

വിശ്വാസത്തോടെ പ്രാര്‍ത്ഥിക്കുന്ന ഏതുകാര്യവും നമുക്ക് സാധിച്ചുകിട്ടുമെന്ന് റവ. ഫാ. സേവ്യര്‍ഖാന്‍ വട്ടായില്‍ സുവിശേഷ സന്ദേശത്തില്‍ ഓര്‍മ്മിച്ചു. വിശ്വസിച്ച് പ്രാര്‍ത്ഥിച്ച് അത്ഭുതകരമായ സൗഖ്യങ്ങളും അനുഗ്രഹങ്ങളും നേടിയവരുടെ അനുഭവ സാക്ഷ്യങ്ങളും വേദിയില്‍ പങ്കുവെച്ചു. വിശ്വാസിച്ച് അനുഗ്രഹം നേടിയവരുടെ കഥകളാണ് സുവിശേഷത്തില്‍ ഉടനീളം കാണുന്നതെന്നും ഫാ. വട്ടായില്‍ പറഞ്ഞു.

കണ്‍വെന്‍ഷന്‍ സമാപിച്ചത് രൂപതാധ്യക്ഷന്‍ മാര്‍ ജോസഫ് സ്രാമ്പിക്കല്‍ അര്‍പ്പിച്ച ദിവ്യബലിയോടെയായിരുന്നു. പത്രോസിനെ സഭയുടെ അടിസ്ഥാനമായി ഈശോ സ്ഥാപിക്കുന്ന തിരുവചനഭാഗമാണ് സുവിശേഷ ഭാഗമായി വായിക്കപ്പെട്ടത്. ഈശോയുടെ മുമ്പില്‍ തടസ്സമായി പാറയായല്ല, ഈശോയ്ക്കുവേണ്ടി മരിക്കാന്‍ പോലും തയ്യാറായ വിശ്വാസത്തിന്റെ ഉറപ്പുള്ള പാറയായി വി. പത്രോസ് മാറിയെന്ന് സന്ദേശത്തില്‍ അദ്ദേഹം ചൂണ്ടിക്കാട്ടി. വി. കുര്‍ബാനയില്‍ മാര്‍ സ്രാമ്പിക്കലിനോടൊപ്പം നിരവധി വൈദികരും വി. ബലിയില്‍ സഹകാര്‍മ്മികരായി കോ ഓര്‍ഡിനേറ്റര്‍ റവ. ഫാ. ടോമി ചിറയ്ക്കല്‍ മണവാളന്റെയും കമ്മിറ്റിയംഗങ്ങളുടെയും നേതൃത്വത്തിലാണ് കണ്‍വെന്‍ഷന്‍ ക്രമീകരണങ്ങള്‍ നടത്തിയത്.

ഇന്ന് ബ്രിസ്റ്റോള്‍ കാര്‍ഡിഫ് റീജിയണില്‍ ഏകദിന അഭിഷേകാഗ്‌നി കണ്‍വെന്‍ഷന്‍ നടക്കും. Corpus Christ RC High School – TY Draw Road, Lisvane, Cardiff, CF 23 6 XL ല്‍ രാവിലെ 9 മണിക്ക് ശുശ്രൂഷകള്‍ ആരംഭിക്കും. റവ. ഫാ. പോള്‍ വെട്ടിക്കാട്ടിന്റെയും കമ്മിറ്റിയംഗങ്ങളുടെയും നേതൃത്വത്തിലാണ് കണ്‍വെന്‍ഷന്‍ ഒരുക്കുന്നത്.

കണ്‍വെന്‍ഷന്റെ സമാപന ദിവസമായ നാളെ ഞായറാഴ്ച ലണ്ടന്‍ റീജിയണല്‍ അഭിഷേകാഗ്‌നി പെയ്തിറങ്ങും. Allianz Park, Greenlands Lanes, Hendon, London, NW 4 IRLല്‍ രാവിലെ 9 മുതല്‍ ശുശ്രൂഷകള്‍ ആരംഭിക്കും. റവ. ഫാ. ജോസ് അന്ത്യാംകുളത്തിന്റെ നേതൃത്വത്തിലുള്ള കമ്മിറ്റിയംഗങ്ങളാണ് കണ്‍വെന്‍ഷന്റെ ഒരുക്കങ്ങള്‍ നടത്തുന്നത്. രൂപതാധ്യക്ഷന്‍ മാര്‍ ജോസഫ് സ്രാമ്പിക്കലിന്റെയും സെഹിയോന്‍ ശുശ്രൂഷകളുടെ ഡയറക്ടര്‍ റവ. ഫാ. സേവ്യര്‍ഖാന്‍ വട്ടിയിലിന്റേയും നേതൃത്വത്തിലാണ് പ്രഥമ ഗ്രേറ്റ് ബ്രിട്ടണ്‍ അഭിഷേകാഗ്‌നി കണ്‍വെന്‍ഷന്‍ നടക്കുന്നത്.

അപ്പച്ചന്‍ കണ്ണഞ്ചിറ

ലണ്ടന്‍: ഗ്രേറ്റ് ബ്രിട്ടണ്‍ സീറോ മലബാര്‍ രൂപതയുടെ നേതൃത്വത്തില്‍ എട്ടു റീജണുകളായി തിരിച്ച് മാര്‍ ജോസഫ് സ്രാമ്പിക്കല്‍ പിതാവും സേവ്യര്‍ഖാന്‍ വട്ടായില്‍ അച്ചനും സംയുക്തമായി നയിച്ചു കൊണ്ട് പോവുന്ന അഭിഷേകാഗ്‌നി കണ്‍വെന്‍ഷന്‍ സമാപന ഘട്ടത്തിലേക്ക്. 29 ഞായറാഴ്ച ലണ്ടനിലെ അല്ലിന്‍സ് പാര്‍ക്കില്‍ അഭിഷേകാഗ്‌നി കണ്‍വെന്‍ഷനുകളുടെ സമാപന ശുശ്രൂഷ നടത്തപ്പെടുമ്പോള്‍ വെസ്റ്റ്മിന്‍സ്റ്റര്‍, ബ്രെന്‍ഡ്വുഡ്, സൗത്താര്‍ക്ക് ചാപ്ലൈന്‍സികളുടെ പരിധിയിലും മറ്റുമായി 33 കുര്‍ബ്ബാന കേന്ദ്രങ്ങളില്‍ നിന്നും എത്തുന്ന ആയിരങ്ങളോടൊപ്പം മറ്റു റീജിയണല്‍ കണ്‍വെന്‍ഷനുകളില്‍ പങ്കു ചേരുവാന്‍ വിവിധ കാരണങ്ങളാല്‍ കഴിയാത്തവരും കൂടെ ഒത്തു ചേരും.

തിരുവചനത്തിലായിരിക്കുവാനും അനുഭവിക്കുവാനും സ്വീകരിക്കുവാനും അതിലൂന്നി നയിക്കപ്പെടുവാനും പരിശുദ്ധാത്മാവ് സമ്മാനമായി നല്‍കുന്ന നല്ല അവസരങ്ങള്‍ പ്രയോജനപ്പെടുത്തുവാനും പരിശുദ്ധാത്മ ശുശ്രൂഷകളിലൂടെ ലഭിക്കാവുന്ന വരദാനങ്ങളും അടയാളങ്ങളും അത്ഭുത രോഗ ശാന്തികളും ആതമ ശാന്തിയും കരസ്ഥമാക്കുവാനും ബൈബിള്‍ കണ്‍വെന്‍ഷന്‍ അനുഗ്രഹ സ്രോതസ്സാവും.

ഏവരെയും സ്‌നേഹപൂര്‍വ്വം അഭിഷേകാഗ്‌നി കണ്‍വെന്‍ഷനിലേക്കു സ്വാഗതം ചെയ്യുന്നതായി ഫാ.ജോസ് അന്ത്യാംകുളം, ഫാ.സെബാസ്റ്റ്യന്‍ ചാമക്കാല, ഫാ ഹാന്‍സ് പുതിയകുളങ്ങര, ഫാ.മാത്യൂകട്ടിയാങ്കല്‍, ഫാ.സാജു പിണക്കാട്ട്, ഫാ.സാജു മുല്ലശ്ശേരി എന്നിവര്‍ അറിയിച്ചു.

കണ്‍വെന്‍ഷനില്‍ പങ്കു ചേരുന്നവര്‍ക്കായി ചില അറിയിപ്പുകള്‍ സംഘാടക സമിതി നല്‍കിയിട്ടുണ്ട്. അഭിഷേകാഗ്‌നി കണ്‍വെന്‍ഷന്‍ സെന്ററിന്റെ അഡ്രസ് Allianz Park, Greenlands Lanes, Hendon, London NW4 1RL

കോച്ചിലും സ്വകാര്യ വാഹനങ്ങളിലുമായി കണ്‍വെന്‍ഷന്‍ സെന്ററിലേക്ക് എത്തുന്നവര്‍ A 41ല്‍ കൂടി വന്ന് പേജ് സ്ട്രീറ്റ് വഴി ചാമ്പ്യന്‍സ് വേയിലൂടെ മുന്നോട്ടു വന്ന് A ഗെയിറ്റിനു സമീപത്തുള്ള പാര്‍ക്കിങ്ങില്‍ പാര്‍ക്ക് ചെയ്യാവുന്നതാണ്.

സൗജന്യവും വിശാലവുമായ പാര്‍ക്കിങ്ങില്‍ 800 ഓളം കാറുകള്‍ക്കും 200 ഓളം കോച്ചുകള്‍ക്കും പാര്‍ക്ക് ചെയ്യുവാനുള്ള സൗകര്യം ഉണ്ട്.

ലണ്ടനിലെ അഭിഷേകാഗ്‌നി കണ്‍വെന്‍ഷന്‍ ഉപവാസ ശുശ്രൂഷയായിട്ടാവും നടത്തപ്പെടുക.അതിനാല്‍ കുട്ടികള്‍ അടക്കം ഭക്ഷണം ആവശ്യം ഉള്ളവര്‍ എല്ലാവരും തങ്ങളുടെ കൈവശം പാക് ലഞ്ച് കരുതേണ്ടതാണ്.

രാവിലെ 9:30ന് ജപമാല സമര്‍പ്പണത്തോടെ ആരംഭിക്കുന്ന കണ്‍വെന്‍ഷന്‍ ശുശ്രൂഷകള്‍ വൈകുന്നേരം 6:00 മണിക്ക് സമാപിക്കും.

300 അടിയോളം നീളമുള്ള വിശാലമായ ഹാളില്‍ ബൈബിള്‍ കണ്‍വെന്‍ഷന്റെ തത്സമയ സംപ്രേഷണം ബിഗ് സ്‌ക്രീനില്‍ ഒരുക്കുന്നതിനാല്‍ ഏവര്‍ക്കും കണ്ടു കൊണ്ട് ധ്യാന ശുശ്രൂഷയില്‍ പൂര്‍ണ്ണമായി പങ്കു ചേരുവാന്‍ കഴിയും.

കണ്‍വെന്‍ഷനില്‍ പങ്കുചേരുവാനായി ട്രെയിന്‍ മാര്‍ഗ്ഗം മില്‍ ഹില്‍ ഈസ്റ്റ് ട്യൂബ് സ്റ്റേഷനില്‍ വന്നെത്തുന്നവര്‍ക്കായി കണ്‍വെന്‍ഷന്‍ സെന്ററിലേക്കും തിരിച്ചും ഷട്ടില്‍ സര്‍വ്വീസുകള്‍ ക്രമീകരിച്ചിട്ടുണ്ട്. (അനില്‍ 07723744639)

പ്രായാടിസ്ഥാനത്തില്‍ രണ്ടു വിഭാഗങ്ങളായി തിരിച്ചുകൊണ്ടു കുട്ടികള്‍ക്കായുള്ള പ്രത്യേക ശുശ്രൂഷകള്‍ സെഹിയോന്‍ യുകെയുടെ ഡയറക്ടര്‍ സോജി അച്ചന്റെ നേതൃത്വത്തില്‍ നടത്തപ്പെടുന്നതാണ്.

കണ്‍വെന്‍ഷനില്‍ വരുന്ന രക്ഷകര്‍ത്താക്കള്‍ കുട്ടികളെ അവര്‍ക്കായി ഒരുക്കിയിരിക്കുന്ന ശുശ്രൂഷാ വേദിയിലേക്ക് പാക്ക് ലഞ്ചുമായി എത്തിക്കുകയും സമാപനത്തില്‍ കൂട്ടുകയും ചെയ്യേണ്ടതാണ്.

കൂടുതല്‍ വിവരങ്ങള്‍ക്ക്:

ഡീക്കന്‍ ജോയ്സ് – 0783237420, തോമസ് ആന്റണി-07903867625,
അനില്‍ ആന്റണി-07723744639, ജോസഫ് കുട്ടമ്പേരൂര്‍-07877062870

ഫിലിപ്പ് കണ്ടോത്ത്

ഗ്രേറ്റ് ബ്രിട്ടണ്‍ സീറോ മലബാര്‍ വിശ്വാസികള്‍ മാര്‍ ജോസഫ് സ്രാമ്പിക്കല്‍ പിതാവിനോടൊപ്പം ഏപ്രില്‍ 3 മുതല്‍ 12 വരെ തീയതികളില്‍ വിശുദ്ധ നാട്ടിലേക്ക് തീര്‍ത്ഥാടനം നടത്തുന്നു. പത്ത് ദിവസം നീണ്ടുനില്‍ക്കുന്ന ഈ തീര്‍ത്ഥാടനം ഇസ്രായേല്‍, ഈജിപ്ത്, ജോര്‍ദ്ദാന്‍, പാലസ്തീന്‍ എന്നീ രാജ്യങ്ങളിലെ പുണ്യ സ്ഥലങ്ങള്‍ സന്ദര്‍ശിക്കുന്നതോടൊപ്പം നസ്രത്ത്, തബോര്‍മല, ഗലീലി, കാനായിലെ കല്യാണ വീട്, ബത്‌ലഹേം, ഗാഗുല്‍ത്താ, ചാവുകടല്‍, ഒലിവുമല, സിയോന്‍ മല, സീനായ് മല എന്നീ പ്രധാന പുണ്യസ്ഥലങ്ങളും മറ്റു അനുബന്ധ സ്ഥലങ്ങള്‍ക്കു പുറമേ ഈജിപ്തിലെ പ്രധാന വിനോദ സഞ്ചാര കേന്ദ്രങ്ങളും പുരാതന പിരമിഡുകളും സന്ദര്‍ശിക്കും.

നമ്മുടെ രക്ഷകനും നാഥനുമായ ഈശോ മിശിഹാ ജനിച്ചതും ജീവിച്ചതും അവിടുത്തെ പാദസ്പര്‍ശമേറ്റതുമായ ആ വിശുദ്ധ വഴികളിലൂടെ നടന്ന് നമ്മുടെ വിശ്വാസത്തെ വര്‍ദ്ധിപ്പിക്കാനും എപ്പാര്‍ക്കിയുടെ എല്ലാ പ്രവര്‍ത്തനങ്ങളുടെ വിജയത്തിനായി പ്രാര്‍ത്ഥിക്കുവാനുമുള്ള ഒരവസരമാണ് ഈ രൂപതാ തീര്‍ത്ഥാടനം.

ആത്മീയ ശുശ്രൂഷകള്‍ക്ക് നേതൃത്വം നല്‍കി കൊണ്ടുള്ള സ്രാമ്പിക്കല്‍ പിതാവിന്റെയും അനേകം വൈദികരുടെയും സന്യസ്തരുടെയും സാന്നിധ്യം ഈ തീര്‍ത്ഥാടനത്തിന്റെ പ്രത്യേകതയാണ്. യുകെയുടെ രണ്ട് പ്രമുഖ ട്രാവല്‍സ് കമ്പനികള്‍ നയിക്കുന്ന ഈ തീര്‍ത്ഥാടനത്തിന്റെ പാക്കേജ് താഴെപ്പറയുന്ന പ്രകാരമാണ്.

യാത്രാനിരക്ക്
മുതിര്‍ന്നവര്‍ക്ക് 1200 പൗണ്ട്, കുട്ടികള്‍ക്ക(Under 11 years) 1100 പൗണ്ട്, 4 STAR Hotel ല്‍ താമസവും ഭക്ഷണവും (Breakfast, Lunch and Dinner)

ഏറ്റവും ചിലവ് കുറഞ്ഞ ഈ 10 ദിവസത്തെ തീര്‍ത്ഥാടനത്തിന് പരിചയ സമ്പന്നരായ ഗൈഡുകള്‍ക്ക് പുറമെ യുകെയുടെ വിവിധ എയര്‍പോര്‍ട്ടുകളില്‍ നിന്നും യാത്രാ സൗകര്യവും ഉണ്ടായിരിക്കുന്നതാണ്.

ബ്രിസ്റ്റോള്‍ കാര്‍ഡിഫ് റീജിയണില്‍ നിന്നും ഈ തീര്‍ത്ഥാടനത്തില്‍ പങ്കെടുക്കുവാന്‍ ആഗ്രഹിക്കുന്നവര്‍ എത്രയും പെട്ടെന്ന് ബ്രിസ്റ്റോള്‍ കാര്‍ഡിഫ് റീജിയണല്‍ ട്രസ്റ്റിമാര്‍ക്ക് പേര് നല്‍കി അഡ്വാന്‍സ് തുക അടച്ച് രജിസ്റ്റര്‍ ചെയ്ത് ഈ തീര്‍ത്ഥാടനം ഒരു വിജയമാക്കണമെന്ന് ബ്രിസ്റ്റോള്‍ കാര്‍ഡിഫ് കോര്‍ഡിനേറ്റര്‍ റവ. ഫാ. പോള്‍ വെട്ടിക്കാട്ട് സിഎസ്റ്റി എല്ലാവരോടും സ്‌നേഹപൂര്‍വ്വം ആഹ്വാനം ചെയ്യുന്നു.

രജിസ്‌ട്രേഷനുള്ള അവസാനതീയതി നവംബര്‍ 15 ആണ്. ബ്രിസ്റ്റോള്‍ കാര്‍ഡിഫ് റീജിയണല്‍ അഭിഷേകാഗ്നി കണ്‍വെന്‍ഷന്‍ ദിനത്തില്‍ രജിസ്‌ട്രേഷനുള്ള അവസരമുണ്ടായിരിക്കും. കൂടുതല്‍ വിവരങ്ങള്‍ക്ക് ഫിലിപ്പ് കണ്ടോത്ത് (07703063836) റോയി സെബാസ്റ്റിയന്‍ (07862701046) എന്നിവരുമായി ബന്ധപ്പെടുക.

സാബു ചുണ്ടക്കാട്ടില്‍

മാഞ്ചസ്റ്റര്‍: മാഞ്ചസ്റ്ററില്‍ സെന്റ് തോമസ് സീറോ-മലബാര്‍ ചാപ്ലയന്‍സിയില്‍ ഇടവക ദിനവും സണ്‍ഡേസ്‌കൂള്‍ വാര്‍ഷിക ആഘോഷങ്ങളും നാളെ നടക്കും. ഉച്ചക്ക് രണ്ടിന് ബാഗുളി സേക്രഡ് ഹാര്‍ട്ട് ദേവാലയത്തില്‍ ഇടവക വികാരി റവ.ഡോ ലോനപ്പന്‍ അരങ്ങാശേരിയുടെ കാര്‍മ്മികത്വത്തില്‍ നടക്കുന്ന ദിവ്യബലിയോടെ ആഘോഷപരിപാടികള്‍ക്ക് തുടക്കമാകും. തുടര്‍ന്ന് ടിംബര്‍ലി മെതോഡിസ്റ്റ് ചര്‍ച്ച് ഹാളില്‍ ആണ് പൊതുസമ്മേളനവും കലാപരിപാടികളും നടക്കുക. ഷ്രൂഷ്ബറി രൂപതാ വികാരി ജനറല്‍ ഫാ.മൈക്കിള്‍ ഗാനന്‍ മുഖ്യ അതിഥി ആയി പരിപാടികളില്‍ പങ്കെടുക്കും.സണ്ടേസ്‌കൂള്‍ വിദ്യാര്‍ഥികള്‍ ക്ലാസ് അടിസ്ഥാനത്തില്‍ നടത്തുന്ന വിവിധങ്ങളായ ബൈബിള്‍ അധിഷ്ഠിത പരിപാടികള്‍ ഏവര്‍ക്കും മികച്ച വിരുന്നാവുമ്പോള്‍ ഇടവകയിലെ മാതൃവേദി പ്രവര്‍ത്തകര്‍ അടിപൊളി സ്‌കിറ്റുമായി വേദിയില്‍ എത്തും.

വിവിധ കലാ കായിക മത്സരങ്ങളില്‍ വിജയികളായവര്‍ക്കുള്ള സമ്മാനങ്ങളും തദവസരത്തില്‍ വിതരണം ചെയ്യും. കലാപരിപാടികളെ തുടര്‍ന്ന് സ്നേഹവിരുന്നോടെ പരിപാടികള്‍ സമാപിക്കും. സണ്ടേസ്‌കൂള്‍ അദ്ധ്യാപകരുടെയും ട്രസ്റ്റിമാരുടെയും നേതൃത്വത്തില്‍ പരിപാടിയുടെ വിജയത്തിനായുള്ള ഒരുക്കങ്ങള്‍ പുരോഗമിക്കുകയാണ്. ആഘോഷ പരിപാടികളില്‍ പങ്കെടുക്കുവാന്‍ ഏവരേയും ഇടവക വികാരി റെവ.ഡോ ലോനപ്പന്‍ അരങ്ങാശേരി സ്വാഗതം ചെയ്യുന്നു.

പള്ളിയുടെ വിലാസം

Sacred Heart church,
Floatshall road,
Baguley, M23 1HP.

അപ്പച്ചന്‍ കണ്ണഞ്ചിറ

ലണ്ടന്‍: ഗ്രേറ്റ് ബ്രിട്ടന്‍ സീറോ മലബാര്‍ രൂപതയുടെ ആഭിമുഖ്യത്തില്‍ പ്രശസ്ത വചന പ്രഘോഷകന്‍ സേവ്യര്‍ഖാന്‍ വട്ടായില്‍ അച്ചന്‍ നയിക്കുന്ന ലണ്ടന്‍ റീജണല്‍ അഭിഷേകാഗ്‌നി കണ്‍വെന്‍ഷന്‍ ഞായറാഴ്ച അല്ലിന്‍സ് പാര്‍ക്കില്‍ നടത്തപ്പെടും. അഭിവന്ദ്യ പിതാവ് മാര്‍ ജോസഫ് സ്രാമ്പിക്കല്‍ നേതൃത്വം നല്‍കുന്ന റീജണല്‍ കണ്‍വെന്‍ഷനുകള്‍ ലണ്ടനിലെ അല്ലിന്‍സ് പാര്‍ക്കില്‍ ഞായറാഴ്ച കൊടിയിറങ്ങുമ്പോള്‍ രൂപതയാകെ അഭിഷേക നിറവിലും സഭയുടെയും രൂപതയുടെയും വന്‍ ശാക്തീകരണവുമാവും എങ്ങും ദര്‍ശിക്കുവാന്‍ കഴിയുക.

കണ്‍വെന്‍ഷനിലൂടെ സഭാ സ്‌നേഹം വാര്‍ന്നൊഴുകുന്ന രൂപതാ മക്കള്‍ പ്രാപിക്കുന്ന അഭിഷേക നിറവില്‍ യുകെയിലെ സുഖലോലുപതയുടെ പാശ്ചാത്യ മണ്ണ് വിശ്വാസ കതിരുകള്‍ ആയിരം മേനി വിളയുന്ന വിളനിലമാവും എന്ന് തീര്‍ച്ച. തിരുവചനത്തിനു കാതോര്‍ത്തും മനമുരുകി പ്രാര്‍ത്ഥിച്ചും അഭിഷേകാഗ്‌നി കണ്‍വെന്‍ഷനായി ദാഹാര്‍ത്തരായി വന്നെത്തുന്ന ആയിരക്കണക്കിന് വിശ്വാസി മക്കള്‍ ഉണര്‍വിന്റെ വരം ലഭിക്കുമ്പോള്‍ അടയാളങ്ങളും അത്ഭുതങ്ങളും ഈ കണ്‍വെന്‍ഷനില്‍ തന്നെ കാണുകയും അനുഭവിക്കുകയും ചെയ്യും.

അഭിഷേകാഗ്‌നി കണ്‍വെന്‍ഷന് വേണ്ടിയുള്ള ഒരുക്കങ്ങള്‍ പൂര്‍ത്തിയായതായി കണ്‍വീനര്‍ ഫാ.ജോസ് അന്ത്യാംകുളം, ഫാ.സെബാസ്റ്റ്യന്‍ ചാമക്കാല, ഫാ.ഹാന്‍സ് പുതിയകുളങ്ങര, ഫാ.മാത്യു കട്ടിയാങ്കല്‍ ഫാ.സജു പിണക്കാട്ട് ഫാ.സാജു മുല്ലശ്ശേരി, സഹകാരി തോമസ് ആന്റണി എന്നിവര്‍ അറിയിച്ചു. ഉപവാസ ശുശ്രുഷയായി കണ്‍വെന്‍ഷന്‍ ക്രമീകരിക്കുമ്പോള്‍ ആവശ്യം ഉള്ളവര്‍ തങ്ങളുടെ കയ്യില്‍ ഭക്ഷണം കരുതേണ്ടതാണ്.

ബിഗ് സ്‌ക്രീനില്‍ കണ്‍വെന്‍ഷന്റെ തത്സമയ സംപ്രേഷണം ഒരുക്കുന്നതിനാല്‍ ഏവര്‍ക്കും നന്നായിത്തന്നെ കണ്ടു കൊണ്ട് ധ്യാനത്തില്‍ പങ്കു ചേരുവാന്‍ കഴിയും. ട്രെയിനില്‍ മില്‍ ഹില്‍ ഈസ്റ്റ് ട്യൂബ് സ്റ്റേഷനില്‍ വന്നെത്തുന്ന യാത്രക്കാരുടെ സൗകര്യാര്‍ത്ഥം കണ്‍വെന്‍ഷന്‍ സെന്ററിലേക്കും തിരിച്ചും കാര്‍ ഷട്ടില്‍ സര്‍വ്വീസുകള്‍ ക്രമീകരിച്ചിട്ടുണ്ട്. കുട്ടികള്‍ക്കായുള്ള ശുശ്രുഷകള്‍ പ്രായാടിസ്ഥാനത്തില്‍ രണ്ടു വിഭാഗങ്ങളായി തിരിച്ച് സോജി അച്ചനും ടീമും നയിക്കുന്നതാണ്.

കോച്ചിലും സ്വകാര്യ വാഹനങ്ങളിലുമായി കണ്‍വെന്‍ഷന്‍ സെന്ററിലേക്ക് എത്തുന്നവര്‍ അ 41 ല്‍ കൂടി വന്ന് പേജ് സ്ട്രീറ്റ് വഴി ചാമ്പ്യന്‍സ് വേ യിലൂടെ മുന്നോട്ടു വന്ന് A ഗെയിറ്റിനു സമീപമുള്ള സൗജന്യമായ പാര്‍ക്കിങ്ങില്‍ പാര്‍ക്ക് ചെയ്യാവുന്നതാണ്.

കൂടുതല്‍ വിവരങ്ങള്‍ക്ക്:

ഡീക്കന്‍ ജോയ്സ് – 0783237420, തോമസ് ആന്റണി-07903867625,
അനില്‍ ആന്റണി-07723744639,ജോസഫ് കുട്ടമ്പേരൂര്‍-07877062870

Greenlands Lanes, Hendon, London NW4 1RL
Allianz Park, Address

ഫാ. ബിജു കുന്നയ്ക്കാട്ട് പി.ആര്‍.ഒ

കവന്‍ട്രി: ഗ്രേറ്റ് ബ്രിട്ടണ്‍ സീറോ മലബാര്‍ രൂപത ഒരുക്കിയ പ്രഥമ അഭിഷേകാഗ്‌നി ബൈബിള്‍ കണ്‍വെന്‍ഷന്റെ കവന്‍ട്രി റീജിയണ്‍ ധ്യാനം വന്‍ വിശ്വാസ പങ്കാളിത്തം കൊണ്ടും സ്വര്‍ഗീയ അനുഗ്രഹങ്ങളുടെ വര്‍ഷത്താലും പുത്തനുണര്‍വ്വ് പകര്‍ന്നു. ബെര്‍മിംഗ്ഹാം ന്യൂ ബിംഗ്ളി ഹാളില്‍ രാവിലെ 9 മണിക്ക് ജപമാലയോടെ ആരംഭിച്ച തിരുക്കര്‍മ്മങ്ങളില്‍ സ്തുതി ഗീതങ്ങള്‍ക്കും തിരുവചന പഠന ക്ലാസുകള്‍ക്കും ശേഷം ഉച്ചയ്ക്ക് 12 മണിക്ക് രൂപതാധ്യക്ഷന്‍ മാര്‍ ജോസഫ് സ്രാമ്പിക്കല്‍ ദിവ്യബലിയര്‍പ്പിച്ച് വചനസന്ദേശം നല്‍കി.

‘കല്‍പ്പനകളെല്ലാം പാലിക്കുന്നുണ്ടെന്ന് പറഞ്ഞ യുവാവിനോടും ഈശോ പറഞ്ഞു, നിനക്ക് ഒരു കുറവുണ്ട്. അത് ഈശോയെ അറിയാത്തതിന്റെ കുറവായിരുന്നു. ഇന്നും കല്പനകളെല്ലാം പാലിക്കുമ്പോഴും ഈശോയെ അറിയാതിരുന്നാല്‍ അതായിരിക്കും നമുക്ക് സംഭവിക്കുന്ന ഏറ്റവും വലിയ കുറവ് ‘ മാര്‍ സ്രാമ്പിക്കല്‍ പറഞ്ഞു. തിരുവചനത്തെക്കുറിച്ച് അറിവില്ലാത്തതുകൊണ്ടാണ് ഈശോയെക്കുറിച്ചുള്ള അറിവില്‍ നമുക്ക് തെറ്റുപറ്റുന്നതെന്നും അദ്ദേഹം കൂട്ടിച്ചേര്‍ത്തു. റീജിയണിനകത്തും പുറത്തുനിന്നുമായി നിരവധി വൈദികരുടെ സാന്നിധ്യവും ദിവ്യബലിയില്‍ ഉണ്ടായിരുന്നു. കവന്‍ട്രി റീജിയണ്‍ കോ ഓര്‍ഡിനേറ്റര്‍ റവ. ഫാ. ജയ്സണ്‍ കരിപ്പായിയുടെയും കമ്മിറ്റിയംഗങ്ങളുടെയും നേതൃത്വത്തിലാണ് ധ്യാനത്തിന്റെ ഒരുക്കങ്ങള്‍ നടന്നത്.

‘സ്വര്‍ഗരാജ്യം ഒരു രഹസ്യമാണെന്നും ഈ ഭൂമിയില്‍ ആ രഹസ്യത്തിന്റെ മുന്നാസ്വാദനമനുഭവിക്കുന്നത് വി. കുര്‍ബാനയിലാണെന്നും തിരുവചന പ്രഭാഷണം നടത്തിയ റവ. ഫാ. സേവ്യര്‍ഖാന്‍ വട്ടായില്‍ പറഞ്ഞു. വി. കുര്‍ബാന സ്വീകരിക്കുമ്പോള്‍ സ്വര്‍ഗ്ഗീയ വിരുന്നിന്റെ പങ്കാളിത്തമനുഭവിക്കാന്‍ സാധിക്കുമെന്നും അദ്ദേഹം പറഞ്ഞു. ദിവ്യകാരുണ്യ പ്രദക്ഷിണത്തോടു കൂടിയ ആരാധന അനേകര്‍ക്ക് സ്വര്‍ഗ്ഗീയാനന്ദം സമ്മാനിച്ചു. തങ്ങളുടെ സമീപത്തു കൂടി കടന്നുവന്ന ദിവ്യകാരുണ്യനാഥനെ തൊട്ടുവന്ദിച്ച് വിശ്വാസികള്‍ അനുഗ്രഹം പ്രാപിച്ചു.

അഭിഷേകാഗ്‌നി കണ്‍വെന്‍ഷന്റെ ആറാം ദിവസം ഇന്ന് സൗത്താംപ്റ്റണ്‍ റീജിയണില്‍ നടക്കും. Bournemouth life Centre Ltd, 7133 Wimborne Road, Bournmouth, BH 9 2 AUല്‍ രാവിലെ 9 മണി മുതല്‍ വൈകിട്ട് 5 വരെയാണ് ശുശ്രൂഷകള്‍. കോ ഓര്‍ഡിനേറ്റര്‍ റവ. ഫാ. റ്റോമി ചിറയ്ക്കല്‍ മണവാളന്റെ നേതൃത്വത്തില്‍ ഒരുക്കങ്ങളെല്ലാം പൂര്‍ത്തിയായി. കോച്ചുകളിലും സ്വകാര്യ വാഹനങ്ങളിലുമായി വിശ്വാസികള്‍ എത്തിച്ചേരും.

നാളെ (28ശനി) ബ്രിസ്റ്റോള്‍ – കാര്‍ഡിഫ് റീജിയണിലും (Corpus Christy RC High School TY Draw Road, Lisvane, Cardiff, CF 23 6XL) 29ാം തീയതി ഞായറാഴ്ച സമാപന ദിവസത്തെ കണ്‍വെന്‍ഷന്‍ (Alliance Park, Greenlands Lanes, Hendon, Lendon, NW 4 IRL) ലണ്ടന്‍ റീജിയണിലും നടക്കും. ബ്രിസ്റ്റോളില്‍ റവ. ഫാ. പോള്‍ വെട്ടിക്കാട്ടിന്റെയും ലണ്ടനില്‍ റവ. ഫാ. ജോസ് അന്ത്യാംകുളത്തിന്റെയും നേതൃത്വത്തില്‍ കണ്‍വെന്‍ഷന്റെ ഒരുക്കങ്ങള്‍ പുരോഗമിക്കുന്നു.

ഫിലിപ്പ് കണ്ടോത്ത്

ബഹുമാനപ്പെട്ട ഫാ. സേവ്യര്‍ ഖാന്‍ വട്ടായില്‍ നയിക്കുന്ന ഒക്ടോബര്‍ 28-ാം തീയതിയിലെ ബ്രിസ്റ്റോള്‍ കാര്‍ഡിഫ് അഭിഷേകാഗ്‌നി കണ്‍വെന്‍ഷന് എത്തിച്ചേരുന്നവര്‍ അറിഞ്ഞിരിക്കേണ്ട കാര്യങ്ങള്‍:

1. രാവിലെ 10 മണിക്ക് ആരംഭിക്കുന്ന കണ്‍വെന്‍ഷന്‍ വൈകുന്നേരം 6 മണിക്ക് സമാപിക്കും
2. കണ്‍വെന്‍ഷന്‍ സെന്ററിന്റെ അഡ്രസ്: Conpus Christi High School, TY Draw Road, Cardiff, CF 23 6XL
3. കണ്‍വെന്‍ഷന്‍ ഹാളിനോട് ചേര്‍ന്ന് തന്നെ സൗജന്യ പാര്‍ക്കിങ്ങ് സൗകര്യം ലഭ്യമാണ്
4. ഈ കണ്‍വെന്‍ഷനില്‍ 8 വയസ്സു മുതല്‍ 12 വയസ്സു വരെയുള്ള കുട്ടികള്‍ക്കായി പ്രത്യേക ശുശ്രൂഷകള്‍ മെയിന്‍ ഹാളിന് സമീപത്തുള്ള ഹാളില്‍ നടക്കുന്നു
5. ഉച്ചഭക്ഷണം ആവശ്യമുള്ളവര്‍ പ്രത്യേകിച്ച് കുട്ടികള്‍ക്ക് ലഞ്ച് ബോക്സ് കയ്യില്‍ കൊടുത്തുവിടേണ്ടതാണ്
6. മാതാപിതാക്കള്‍ രജിസ്ട്രേഷന് ശേഷം കുട്ടികളെ അവരുടെ ഹാളില്‍ എത്തിക്കേണ്ടതും വൈകുന്നേരം കണ്‍വെന്‍ഷന്‍ സമാപിച്ചതിനുശേഷം കളക്ട് ചെയ്യേണ്ടതാണ്
7. കണ്‍വെന്‍ഷന് വോളന്റിയേഴ്സ് ആയിട്ടുള്ളവര്‍ 8 മണിക്ക് കണ്‍വെന്‍ഷന്‍ ഹാളില്‍ എത്തിച്ചേരേണ്ടതാണ്

കൂടുതല്‍ വിവരങ്ങള്‍ക്ക് ബ്രിസ്റ്റോള്‍ കാര്‍ഡിഫ് റീജിയണല്‍ അഭിഷേകാഗ്‌നി റ്റീം മെമ്പേഴ്സ് ആയ ഫിലിപ്പ് കണ്ടോത്ത് (07703063836) റോയി സെബാസ്റ്റിയന്‍, ജോസി മാത്യൂ, ജോണ്‍സണ്‍ പഴമ്പള്ളി, ഷിജോ തോമസ്, ലിജോ പടയാട്ടില്‍, റോജന്‍ ആന്റണി, ലിജോ സെബാസ്റ്റിയന്‍ എന്നിവരുമായി ബന്ധപ്പെടുക.

ഫാ. ബിജു കുന്നയ്ക്കാട്ട് പി.ആര്‍.ഒ

കേംബ്രിഡ്ജ്: പ്രഥമ ഗ്രേറ്റ് ബ്രിട്ടണ്‍ അഭിഷേകാഗ്നി കണ്‍വെന്‍ഷന്റെ കേംബ്രിഡ്ജ് റീജിയണ്‍ ധ്യാനം അഭിഷേകസാന്ദ്രമായി. നോര്‍വിച്ച് സെന്റ് ജോണ്‍ ദി ബാപിസ്റ്റ് കത്തീഡ്രല്‍ തിങ്ങിനിറഞ്ഞ വിശ്വാസ സമൂഹത്തില്‍ രാവിലെ 9.30നാണ് തിരുക്കര്‍മ്മങ്ങള്‍ ആരംഭിച്ചത്. ജപമാല, ആരാധനാഗീതങ്ങള്‍, ആത്മീയ പ്രഭാഷണങ്ങള്‍, വി. കുര്‍ബാന, ദിവ്യകാരുണ്യ ആരാധന തുടങ്ങിയ തിരുക്കര്‍മ്മങ്ങള്‍ വിശ്വാസികള്‍ക്ക് പുത്തന്‍ ഉണര്‍വ്വും ആഴമായ ആത്മീയ ബോധ്യങ്ങളും സമ്മാനിച്ചു.

പശ്ചാത്തപിക്കുന്ന പാപികളുടെ തിരിച്ചുവരവിലാണ് ദൈവം ഏറ്റവും കൂടുതലായി സന്തോഷിക്കുന്നതെന്ന് മുഖ്യപ്രഭാഷകനും സെഹിയോന്‍, അഭിഷേകാഗ്നി ശുശ്രൂഷകളുടെ ഡയറക്ടറുമായ റവ. ഫാ. സേവ്യര്‍ഖാന്‍ വട്ടായില്‍ വിശ്വാസികളെ ഓര്‍മ്മിപ്പിച്ചു. യേശുക്രിസ്തു നമ്മുടെ പാപങ്ങള്‍ക്ക് വേണ്ടിയാണ് കുരിശില്‍ മരിച്ചതെന്ന് വിശ്വസിക്കുന്ന ഓരോരുത്തര്‍ക്കുമാണ് നിത്യജീവന് അര്‍ഹത കിട്ടുന്നതെന്നും അദ്ദേഹം കൂട്ടിച്ചേര്‍ത്തു. ഇന്നലെ നടന്ന ശുശ്രൂഷകളില്‍ രൂപതാധ്യക്ഷന്‍ മാര്‍ ജോസഫ് സ്രാമ്പിക്കല്‍, റവ. ഫാ. സേവ്യര്‍ ഖാന്‍ വട്ടായില്‍, റവ. ഫാ. സാംസണ്‍ കോട്ടൂര്‍, റവ ഫാ. സോജി ഓലിക്കല്‍, റവ. ഫാ. ഷൈജു നടുവത്താനിയില്‍, റവ. ഫാ. ഫിലിപ്പ് പന്തമാക്കല്‍, കോ ഓര്‍ഡിനേറ്റര്‍ റവ. ഫാ. ടെറിന്‍ മുള്ളക്കര, റവ. ഫാ. ഫാന്‍സ്വാ പത്തില്‍ തുടങ്ങിയവര്‍ സഹകാര്‍മ്മികരായി.

ദൈവത്തിന്റെ മുഖം നാം കാണുന്നത് ഈശോയിലാണെന്നും വി. കുര്‍ബാനയില്‍ ഈ മുഖം കൂടുതല്‍ വ്യക്തമായി ദര്‍ശിക്കാനാവുമെന്നും ദിവ്യബലി മധ്യേയുള്ള വചന സന്ദേശത്തില്‍ രൂപതാധ്യക്ഷന്‍ മാര്‍ ജോസഫ് സ്രാമ്പിക്കല്‍ വിശ്വാസികളെ ഉദ്‌ബോധിപ്പിച്ചു. കുരിശിലെ സഹനത്തിലൂടെ ഈശോ കാണിച്ചുതന്ന സ്‌നേഹമാണ് യഥാര്‍ത്ഥ സ്‌നേഹം. ഒരാള്‍ക്ക് ഈ ലോകത്തില്‍ വച്ച് സ്വന്തമാക്കാവുന്ന ഏറ്റവും മനോഹരവും വിലയുറ്റതുമായ കാര്യം യേശുക്രിസ്തുവാണെന്നും മാര്‍ സ്രാമ്പിക്കല്‍ തന്റെ സന്ദേശത്തില്‍ ഓര്‍മ്മിപ്പിച്ചു.

കേംബ്രിഡ്ജ് റീജിയണ്‍ കോ ഓര്‍ഡിനേറ്റര്‍ റവ. ഫാ. ടെറിന്‍ മുള്ളക്കരയുടെയും കമ്മിറ്റിയംഗങ്ങളുടെയും നേതൃത്വത്തിലാണ് കണ്‍വെന്‍ഷന്‍ ഒരുക്കങ്ങള്‍ നടത്തിയത്. കുട്ടികള്‍ക്ക് വേണ്ടി പ്രത്യേക ശുശ്രൂഷകള്‍ സംഘടിപ്പിച്ചിരുന്നു. കേംബ്രിഡ്ജ് റീജിയണിന്റെ വിവിധ വി. കുര്‍ബാന കേന്ദ്രങ്ങളില്‍ നിന്ന് നിരവധി വിശ്വാസികള്‍ ഏകദിന ബൈബിള്‍ കണ്‍വെന്‍ഷനില്‍ പങ്കെടുക്കാനെത്തി.

അഭിഷേകാഗ്നി കണ്‍വെന്‍ഷന്റെ അഞ്ചാം ദിനം ഇന്ന് കവന്‍ട്രി റീജിയണില്‍ നടക്കും. New Bingly Hall, 1 Hockley Circus, Birmingham, B 18 5 PP ല്‍ രാവിലെ 9 മണിക്ക് ശുശ്രൂഷകള്‍ ആരംഭിക്കും. കോ ഓര്‍ഡിനേറ്റര്‍ റവ. ഫാ. ജയ്‌സണ്‍ കരിപ്പായിയുടെ നേതൃത്വത്തില്‍ ഒരുക്കങ്ങളെല്ലാം പൂര്‍ത്തിയായി.

നാളെ (വെള്ളി) സൗത്താംപ്ടണ്‍ റീജിയണല്‍ ഏകദിന അഭിഷേകാഗ്നി കണ്‍വെന്‍ഷന്‍ നടക്കും. Bournemouth Life Centre LTO, 713 Wimborne Road, BH9 2 AU നടക്കുന്ന ശുശ്രൂഷകളുടെ കോ ഓര്‍ഡിനേറ്റര്‍ റവ. ഫാ. റ്റോമി ചിറയ്ക്കല്‍ മണവാളന്‍ ആണ്. ഒരുക്കങ്ങള്‍ പുരോഗമിക്കുന്നു.

അപ്പച്ചന്‍ കണ്ണഞ്ചിറ

ലണ്ടന്‍: ലണ്ടന്‍ റീജിയണല്‍ അഭിഷേകാഗ്‌നി കണ്‍വെന്‍ഷന് ഇനി മൂന്നു നാള്‍ മാത്രം അകലം. ദൈവ സ്വരം കേള്‍ക്കുവാനും പരിശുദ്ധാത്മ ശുശ്രൂഷകളിലൂടെ വരദാനങ്ങള്‍ പ്രാപിക്കുവാനും കൈവന്ന സുവര്‍ണ്ണ അവസരം നഷടപ്പെടുത്താതെ അഭിഷേക നിറവിലാവാന്‍ രൂപത മക്കള്‍ ലണ്ടനിലെ അല്ലിന്‍സ് പാര്‍ക്കിലേക്ക് ഒഴുകിയെത്തും. മാനസികവും ആത്മീയമായും ഒരുങ്ങി അത്ഭുത അടയാളങ്ങളും രോഗശാന്തികളും ദൈവ സ്‌നേഹവും അനുഭവിക്കുവാനും രുചിച്ചറിയുവാനും ലണ്ടന്‍ കണ്‍വെന്‍ഷന്‍ വേദി അനുഗ്രഹ സ്രോതസ്സാവും.

അഭിവന്ദ്യ പിതാവ് മാര്‍ ജോസഫ് സ്രാമ്പിക്കല്‍ ഒരുക്കുന്ന റീജിയണല്‍ കണ്‍വെന്‍ഷനുകള്‍ യുകെയില്‍ ആത്മീയമായും വിശ്വാസപരമായും മുന്നേറ്റം നടത്തിയ അലയടികള്‍ രൂപതയൊന്നാകെ മുഴങ്ങുമ്പോള്‍ അത് രൂപതയുടെ ശാക്തീകരണത്തിനും രൂപതാ മക്കളില്‍ ഗാഢമായ സഭാ സ്‌നേഹത്തിന്റെ കുത്തിയൊഴുക്കിനും അനുഗ്രഹമാകും. അഭിഷേകാഗ്‌നി ശുൂ്രഷകളിലൂടെ ആയിരങ്ങള്‍ക്ക് അത്ഭുത രോഗ ശാന്തികളും വരദാനങ്ങളും പകര്‍ന്നു നല്‍കുവാന്‍ നിയോഗം ലഭിച്ച അനുഗ്രഹീത വചന പ്രഘോഷകനായ സേവ്യര്‍ഖാന്‍ വട്ടായില്‍ അച്ചനാണു ലണ്ടന്‍ കണ്‍വെന്‍ഷന് നേതൃത്വം നല്‍കുക.

ഞായറാഴ്ച രാവിലെ 9:30ന് പരിശുദ്ധ ജപമാല സമര്‍പ്പണത്തോടെ അഭിഷേകാഗ്‌നി കണ്‍വെന്‍ഷന് ആരംഭമാവും. വചന ശുശ്രൂഷ, ആഘോഷമായ സമൂഹബലി, ആരാധന, അനുഭവ സാക്ഷ്യങ്ങള്‍ തുടങ്ങിയ ശുശ്രൂഷകളിലൂടെയും തിരുക്കര്‍മ്മങ്ങളിലൂടെയും അഭിഷേകാഗ്‌നി കണ്‍വെന്‍ഷനില്‍ പരിശുദ്ധാത്മ കൃപകള്‍ നിറയും.

ഉപവാസമനുഷ്ഠിച്ചുകൊണ്ടുള്ള ബൈബിള്‍ കണ്‍വെന്‍ഷനാണു ലണ്ടന്‍ റീജിയണില്‍ ഒരുക്കുന്നത്. ആയതിനാല്‍ ആവശ്യക്കാര്‍ ഭക്ഷണം കയ്യില്‍ കരുതേണ്ടതാണ്. കുമ്പസാരത്തിനുള്ള സൗകര്യം ഉണ്ടായിരിക്കുന്നതാണ്. മെഗാ സ്‌ക്രീന്‍ ക്ലോസ്ഡ് സര്‍ക്യൂട്ട് ടിവി മുഖാന്തരം ധ്യാനവും ശുശ്രൂഷകളും പ്രക്ഷേപണം ചെയ്യുവാന്‍ സംവിധാനം ചെയ്യുന്നതിനാല്‍ ഏവര്‍ക്കും സ്വന്തം ഇരിപ്പിടത്തിലിരുന്നു തന്നെ നന്നായി ധ്യാനത്തില്‍ പങ്കെടുക്കുവാന്‍ സൗകര്യപ്പെടും.

കോച്ചുകളിലും കാറുകളിലും വരുന്നവര്‍ ‘A’ ഗെയിറ്റ് വഴി പ്രവേശിച്ചു ‘പേജ് സ്ട്രീറ്റി’ല്‍ കൂടി വന്നു ‘ചാമ്പ്യന്‍സ് വേ’ യിലൂടെ പാര്‍ക്കിങ്ങില്‍ എത്തുന്നതാവും കൂടുതല്‍ അഭികാമ്യം. ട്രെയിന്‍ മാര്‍ഗ്ഗം വരുന്നവര്‍ക്ക് മില്‍ ഹില്‍ ഈസ്റ്റ് ട്യൂബ് സ്റ്റേഷനില്‍ നിന്നും ആവശ്യക്കാര്‍ക്കായി ട്രാന്‍സ്പോര്‍ട്ട് സൗകര്യം വോളണ്ടിയേഴ്‌സ് ഒരുക്കുന്നുണ്ട്. ട്രാഫിക് തിരക്ക് ഉണ്ടാകുവാന്‍ സാദ്ധ്യതയുള്ളതിനാല്‍ അല്‍പ്പം നേരത്തെ തന്നെ പുറപ്പെടുന്നത് കൂടുതല്‍ ഉചിതമായിരിക്കും.

ആത്മീയ ദാഹത്തോടെ തിരുവചന ശുശ്രൂഷയില്‍ പങ്കു ചേര്‍ന്ന് ദൈവ കൃപകളും, പരിശുദ്ധാത്മ വരദാനങ്ങളും പ്രാപിക്കുവാന്‍ ഈശ്വരാനുഗ്രഹം ഉണ്ടാവട്ടെയെന്നും, ജീവിക്കുന്ന ദൈവത്തിന്റെ അനുഗ്രഹ കൈത്തലം ഏവരുടെയും ശിരസ്സില്‍ കൈവെപ്പ് ചാര്‍ത്തട്ടെയെന്നും ആശംസിക്കുന്നതോടൊപ്പം അല്ലിന്‍സ് പാര്‍ക്കില്‍ നിറയുന്ന അനുഗ്രഹങ്ങളുടെയും അടയാളങ്ങളുടെയും ചൈതന്യം അനുഭവം ആകുന്നതിനായി ഏവരെയും സസ്‌നേഹം ക്ഷണിച്ചു കൊള്ളൂന്നതായി ഫാ.ജോസ് അന്ത്യാംകുളം, ഫാ.സെബാസ്റ്റ്യന്‍ ചാമക്കാല, ഫാ.ഹാന്‍സ് പുതിയകുളങ്ങര, ഫാ.മാത്യു കട്ടിയാങ്കല്‍, ഫാ.സാജു പിണക്കാട്ട്, തോമസ് ആന്റണി എന്നിവര്‍ അറിയിച്ചു.

മലയാളംയുകെ ന്യൂസ് ടീം

ബിർമിങ്ഹാം: യുകെയിലെ പ്രവാസി മലയാളി വിശ്വാസികളെ സംബന്ധിച്ചിടത്തോളം അനുഗ്രഹീതമായ ഒരാഴ്ച … സ്കൂൾ അവധി… ഗ്രേറ്റ് ബ്രിട്ടണ്‍ രൂപതാധ്യക്ഷന്‍ മാര്‍ ജോസഫ് സ്രാമ്പിക്കലിന്റെ നേതൃത്വത്തില്‍ ലോകപ്രശസ്ത വചന പ്രഘോഷകന്‍ റവ. ഫാ. സേവ്യര്‍ ഖാന്‍ വട്ടായില്‍ നയിച്ച്ചുകൊണ്ടിരിക്കുന്ന ഏകദിന കണ്‍വെന്‍ഷനുകൾ.. ഓരോ ദിവസവും ആയിരങ്ങൾ എത്തിച്ചേരുന്നു.. വിശ്വാസികളുടെ സൗകര്യാർത്ഥം ഒൻപത് സ്ഥലങ്ങളിൽ… യുകെയിലെ മലയാളികളുടെ ഹൃദയത്തില്‍ വിശ്വാസത്തെ ഊട്ടിയുറപ്പിച്ച്  ദൈവാനുഗ്രഹം പ്രാപിച്ചു കടന്നുപോകുന്ന അനുഭവകാഴ്ചകൾ.. മോട്ടോർ വേയുടെ പിതാവ് എന്ന് ഏറ്റു പറഞ്ഞ, അക്ഷീണം യുകെയുടെ നാനാഭാഗങ്ങളിൽ യാത്ര ചെയ്‌ത്‌  തന്റെ വിശ്വാസികൾക്കായി, നമ്മുടെ ഇടയനായി, യുകെയിലെ വിശ്വാസികളുടെ ഭവന സന്ദർശനങ്ങൾ പൂർത്തിയാക്കികൊണ്ടിരിക്കുന്ന നമ്മുടെ പിതാവ് സ്രാമ്പിക്കൽ.. തുടങ്ങിവെക്കുന്ന എല്ലാ പ്രവർത്തികൾക്കും വിശ്വാസികളുടെ പരിപൂർണ്ണ പിന്തുണ…

ഗ്രേറ്റ് ബ്രിട്ടന്‍ രൂപത വിശ്വാസികള്‍ക്കായി ഒരുക്കുന്ന പ്രഥമ ‘അഭിഷേകാഗ്നി’ ബൈബിള്‍ കണ്‍വന്‍ഷന്‍ കഴിഞ്ഞ ഞായറാഴ്ച മുതല്‍, അതായത് 22-ാം തിയതി ഗ്‌ളാസ്‌ഗോയില്‍ ആരംഭിച്ച ‘അഭിഷേകാഗ്നി’  നാളെ ബിർമിങ്ഹാമിലെ ന്യൂ ബിങ്‌ലി ഹാളിൽ… 22 മാസ് സെന്ററിൽ നിന്നായി ആയിരക്കണക്കിന് വിശ്വാസികൾ നാളെ ന്യൂ ബിങ്‌ലി ഹാളിൽ എത്തിച്ചേരും എന്നതിന് സംശയം വേണ്ട… യുകെയുടെ ഹൃദയം എന്നറിയപ്പെടുന്ന മിഡ്‌ലാൻഡ്‌സ്… മലയാളികളുടെ സാന്നിധ്യം ഏറ്റവും കൂടുതൽ ഉള്ള യുകെയിലെ റീജിയൺ… അതെ കവെൻട്രി റീജിയൺ.. ഫാദർ ജെയ്സൺ കരിപ്പായി, ഫാദർ സെബാസ്റ്റ്യൻ  നാമത്തിൽ എന്നിവർ നേതൃത്വം നൽകുന്ന റീജിയൺ…

സെഹിയോണ്‍ മിനിസ്ട്രീസിന്റെ ഡയറക്ടറും ലോകപ്രശസ്ത വചന പ്രഘോഷകനുമായ റവ.ഫാ.സേവ്യര്‍ ഖന്‍ വട്ടായിലും ടീമുമാണ് ധ്യാനശുശ്രൂഷകള്‍ നയിക്കുന്നത്. രാവിലെ 9:00ന് ആരംഭിച്ച് വൈകിട്ട് 5  മണിക്ക് അവസാനിക്കുന്ന രീതയിലാണ് ഏകദിന ധ്യാനം ബിർമിങ്ഹാമിൽ ക്രമീകരിച്ചിരിക്കുന്നത്.

നമ്മുടെ ജീവിതത്തെക്കുറിച്ചുള്ള ചര്‍ച്ചകളും സംഭാഷണങ്ങളും ഹൃദയത്തെ സ്പര്‍ശിക്കുന്നതും ഒപ്പം പരിപോഷിപ്പിക്കുന്നവയുമാകട്ടെ. എന്റെ ജീവിതവിളിയോട്, ഞാന്‍ സ്വീകരിച്ച കൂദാശകളോട് നീതി പുലര്‍ത്താന്‍, വിശ്വസ്തതയുടെ, വിനയത്തിന്റെ, വിശുദ്ധിയുടെ ജീവിതം നയിക്കാന്‍ വേണ്ട പ്രസാദവരത്തിനായി നമുക്ക് തിരുമുന്‍പില്‍ പ്രാര്‍ത്ഥിക്കാം. നമ്മുടെ അനുദിന തിരക്കുകൾ മാറ്റിനിർത്തി കുട്ടികളുമായി കടന്ന് വന്ന് കർത്താവിനോട് ചേരാൻ കിട്ടുന്ന ഈ അവസരം പാഴാക്കാതെ ശ്രദ്ധിക്കാം… എല്ലാം എന്റെ കഴിവ് എന്ന ചിന്ത മാറ്റി നമുക്ക് കർത്താവിനോടു ചേരാൻ ശ്രമിക്കാം… നമ്മുടെ കുട്ടികളുടെ നന്മക്കായി, നല്ല നാളെക്കായി പ്രാർത്ഥിക്കാം..   കര്‍ത്താവു കൂടെയുള്ളപ്പോള്‍ എനിക്കെല്ലാം സാധ്യമാണ്, എനിക്കൊന്നിനും ഒരിക്കലും കുറവുണ്ടാവുകയില്ല…. എന്ന വിശ്വാസത്തോടെ…

ഒക്ടോബര്‍ 26 – വ്യാഴം : കവന്‍ട്രി
ന്യൂ ബിങ്‌ലി ഹാള്‍, ഐ ഹോക്‌ലി സര്‍ക്കസ്, ബര്‍മിങ്ഹാം, ബി18 5പിപി

ഒക്ടോബര്‍ – വെള്ളി : സൗത്താംപ്റ്റണ്‍
ബോര്‍ണ്‍മൗത്ത് ലൈഫ് സെന്റര്‍ സിറ്റിഡി, 713 വിംബോണ്‍ റോഡ്, ബോണ്‍മൗത്ത്, ബിഎച്ച്9 2എയു

ഒക്ടോബര്‍ – ശനി : ബ്രിസ്‌റ്റോള്‍
കോര്‍പ്പസ് ക്രിസ്റ്റി ആര്‍സി ഹൈസ്‌കൂള്‍, ടിവൈ ഡ്രോ റോഡ്, ലിസ്‌വെയ്ന്‍, കാര്‍ഡിഫ്, സിഎഫ്23 6എക്‌സ്എല്‍

ഒക്ടോബര്‍ – ഞായര്‍ : ലണ്ടന്‍
അലയന്‍സ് പാര്‍ക്ക്, ഗ്രീന്‍ലാന്റ്‌സ് ലെയിന്‍സ്, ഹെന്‍ഡണ്‍, ലണ്ടന്‍, എന്‍ഡബ്യു4 1ആര്‍എല്‍