സ്റ്റോക്ക് ഓണ്‍ ട്രെന്ഡ് ST. JOHNS INDIAN ഓര്‍ത്തഡോക്സ് പള്ളിയിലെ ഹാശാ ആഴ്ച ശുശ്രൂഷകളും ഈസ്റര്‍ ആഘോഷവും ഏപ്രില്‍ മാസം 9 മുതൽ 16 വരെ നടത്തപ്പെടുന്നു. ഓശാനപ്പെരുന്നാള്‍ 09/ 04/ 2017 ഞായറാഴ്ച നടത്തപ്പെടുന്നു. അന്നേ ദിവസം രാവിലെ 9:00 മണിക്ക് പ്രഭാത നമസ്കാരത്തെ തുടർന്ന് വി. കുര്ബ്ബാനയും, ഓശാനപ്പെരുന്നാള്‍ ശുശ്രൂഷകളും നടത്ത പെടുന്നു. ഏപ്രില്‍ 12ബുധനാഴ്ച ( 12/04/2017 ) ഉച്ചക്ക് ശേഷം 3:00 മണിക്ക് പെസ്സഹാ ശുശ്രൂഷകളും, 14/04/2017 വെള്ളിയാഴ്ച രാവിലെ 9:00 മണി മുതല്‍ ദുഃഖവെള്ളിയാഴ്ച ശുശ്രുഷ കളും ക്രമീകരിച്ചിരിക്കുന്നു. 15/04/2017 ശനിയാഴ്ച വൈകിട്ട് 6:00 മണിക്ക് സന്ധ്യാ നമസ്കാരവും തുടര്‍ന്ന് ഉയിര്പ്പി ന്റെ ശുശ്രൂഷകളും ഈസ്റര്‍ പെരുന്നാളിനോടനുബന്ധിച്ചു ക്രമീകരിച്ചിട്ടുണ്ട്. 09/04/2017 ഞായറാഴ്ച്ച മുതല്‍ എല്ലാ ദിവസവും വൈകിട്ടു 6:00 മണിക്ക് ഇടവക അംഗങ്ങളുടെ ഭവനങ്ങളില്‍ സന്ധ്യാ നമസ്കാരം ഉണ്ടായിരിക്കുന്നതാണ്.
ബഹു. ഫാ. കുര്യന്‍ വര്‍ഗ്ഗീസ് കോര്‍-എപ്പിസ്കോപ്പ ചന്ദനപ്പള്ളി ആയിരിക്കും ഹാശാ ആഴ്ച ശിശ്രുഷ കൾക്ക് നേതൃത്വം നൽകുക . എല്ലാ ശിശ്രുഷ കൾക്കും സ്റ്റാഫോർഡ് ഷെയറിലെയും സമീപ പ്രദേശങ്ങളിലെയും എല്ലാ വിശ്വാസികളെയും സഹോദര സഭ കളിലെ അംഗങ്ങളെയും പ്രാര്ഥനനാ പൂര്‍വ്വം ക്ഷണിച്ചുകൊള്ളുന്നു.
കൂടുതല്‍ വിവരങ്ങള്ക്ക് : ഫാ. ജോണ്‍ വര്ഗീ്സ്‌ മണ്ണാഞ്ചേരി : 07908064000, ജെയിംസ് സി തോമസ് : 07539306436, ബിജു മാത്യു: 07809149635 എന്നിവരെ ബന്ധപ്പെടെണ്ടതാണ്.
ശിശ്രുഷകൾ നടക്കുന്ന അഡ്രസ്
Tittensor Village Hall
14 Winghouse Ln, Tittensor, Stoke-on-Trent ST12 9JG
ബാബു ജോസഫ്
ബര്‍മിംങ്ഹാം : ദൈവപരിപാലനയുടെ ജീവിക്കുന്ന അടയാളമായി, ദേശഭാഷാവ്യത്യാസമില്ലാതെ അനേകരെ ക്രിസ്തീയ വിശ്വാസത്തിലേക്കു നയിച്ചുകൊണ്ടിരിക്കുന്ന ലോകപ്രശസ്ത സുവിശേഷപ്രഘോഷകന്‍ റവ.ഫാ. ജെയിംസ് മഞ്ഞാക്കല്‍ തന്റെ അത്ഭുതാവഹകമായ ജീവിതസാക്ഷ്യവും , പ്രേഷിതദൌത്യവുമായി യു കെ യില്‍ എത്തുന്നു. ഫാ.സോജി ഓലിക്കല്‍ നേതൃത്വം നല്‍കുന്ന സെഹിയോന്‍ യൂറോപ്പ് അഭിഷേകാഗ്‌നി മിനിസ്റ്റ്രീസ് മെയ് 10,11,12 തിയതികളിലായി ഒരുക്കുന്ന ‘ ന്യൂ ലൈഫ് ഇന്‍ ക്രൈസ്റ്റ് ‘ കാത്തലിക് കോണ്‍ഫറന്‍സ് ഫാ.മഞ്ഞാക്കല്‍ നയിക്കും.
നവ സുവിശേഷവത്കരണത്തിന്റെ പാതയില്‍ ദൈവീക സ്‌നേഹത്തിന്റെ പര്യായമായ രണ്ടു ആത്മീയ നേതൃത്വങ്ങള്‍ ആദ്യമായി ഒരുമിക്കുന്ന കണ്‍വെന്‍ഷന്‍ സെഹിയോന്‍ യു കെ യുടെ സ്ഥിരം വേദിയായ ബര്‍മിംങ്ഹാം ബഥേല്‍ കണ്‍വെന്‍ഷന്‍ സെന്ററില്‍ മൂന്നു ദിവസങ്ങളിലും രാവിലെ 9 മുതല്‍ വൈകിട്ട് 7 വരെയാണ് നടക്കുക.മെയ് 13 ന് ബഥേലില്‍ നടക്കുന്ന രണ്ടാം ശനിയാഴ്ച കണ്‍വെന്‍ഷനിലും മലയാളികളുടെ പ്രിയപ്പെട്ട മഞ്ഞാക്കലച്ചന്‍ പങ്കെടുക്കും.
ലോകത്തിലെ വിവിധ രാജ്യങ്ങളില്‍ ,അന്യഭാഷാസംസ്‌കാരങ്ങളില്‍ പരിശുദ്ധാത്മാഭിഷേകത്താല്‍ സധൈര്യം കടന്നുകയറി യേശുക്രിസ്തുവില്‍ ആത്മാക്കളെ നേടിക്കൊണ്ടിരിക്കുന്ന രണ്ട് അഭിഷിക്തകരങ്ങള്‍ കൈകോര്‍ക്കുന്ന ഈ ശുശ്രൂഷയിലേക്ക് (10,11,12 തിയതികളിലേക്ക്) www.sehionuk.org എന്ന വെബ്‌സൈറ്റില്‍ നേരിട്ട് രജിസ്റ്റര്‍ ചെയ്യാം. സെഹിയോന്‍ കുടുംബം ഫാ.സോജി ഓലിക്കല്‍,ഫാ ഷൈജു നടുവത്താനി എന്നിവരുടെ നേതൃത്വത്തില്‍ കണ്‍വെന്‍ഷനായുള്ള ഒരുക്കങ്ങള്‍ നടത്തിവരുന്നു.കണ്‍വെന്‍ഷനില്‍ ഒരാള്‍ക്ക് ഒരു ദിവസത്തേക്ക് 5 പൗണ്ട് നിരക്കിലാണ് രജിസ്‌ട്രേഷന്‍.
അഡ്രസ്സ്
ബഥേല്‍ കണ്‍വെന്‍ഷന്‍ സെന്റര്‍
കെല്‍വിന്‍ വേ
വെസ്റ്റ് ബ്രോംവിച്ച്
ബര്‍മിംങ്ഹാം .
കൂടുതല്‍ വിവരങ്ങള്ക്ക് .
സണ്ണി ജോസഫ്. 07877290779
പ്രോസ്പര്‍ ഡി ജോമൊ.07728921567
സാബു ചുണ്ടക്കാട്ടില്‍
സാല്‍ഫോര്‍ഡില്‍ ഫാ.സെബാസ്റ്റ്യന്‍ ചാമക്കാല നയിക്കുന്ന നോമ്പ് കാല ധ്യാനം ഇന്നും നാളെയുമായി നടക്കും. ഇന്ന് വൈകുന്നേരം 5 മുതല്‍ രാത്രി 9 വരെ എക്കിള്‍സിലെ സെന്റ് മേരീസ് ദേവാലയത്തിലും, നാളെ രാവിലെ 9 മുതല്‍ വൈകുന്നേരം 5 വരെ സെന്റ് ജെയിംസ് ഹാളിലുമായിട്ടാണ് ധ്യാനം ക്രമീകരിച്ചിരിക്കുന്നത്. 1.00pm to 5pm.
ധ്യാന ദിവസങ്ങളില്‍ ആരാധനയും കുര്‍ബാനയും കുമ്പസാരവും ഉണ്ടായിരിക്കുന്നതാണ്. ശനിയാഴ്ച ഉച്ചഭക്ഷണം ക്രമീകരിച്ചു നല്‍കുന്നതാണ്. നോമ്പുകാല ധ്യാനത്തില്‍ പങ്കെടുത്തു അനുഗ്രഹങ്ങള്‍ പ്രാപിക്കുവാന്‍ ഏവരെയും ഫാ.തോമസ് തൈക്കൂട്ടത്തില്‍ സ്വാഗതം ചെയ്യുന്നു.
31/03/17 Friday 5pm to 9 pm St. Mary’s church Eccles M30 0LU
01/04/2017 Saturday St.James hall M6 8EJ
സഖറിയ പുത്തന്‍കളംമാഞ്ചസ്റ്റര്‍: ആഗോള കത്തോലിക്കര്‍ ക്രിസ്തുവിന്റെ പീഢാനുഭവത്തിന്റെയും കുരിശുമരണത്തിന്റെയും ഉയിര്‍പ്പിന്റെയും ഓര്‍മ്മയാചരണത്തിനു മുന്നോടിയായി വലിയ നോമ്പ് ആചരിക്കുന്ന വേളയില്‍ ക്നാനായ ചാപ്ലയന്‍സിയില്‍ വലിയ നോമ്പ് ധ്യാനം നടത്തപ്പെടുന്നു.
പ്രാര്‍ത്ഥനയുടെയും ഉപവാസത്തിന്റെയും പ്രായ്ശ്ചിത്തത്തിന്റെയും പാതയില്‍ സഞ്ചരിക്കുന്ന വലിയ നോമ്പ് വേളയില്‍ തികഞ്ഞ ദൈവപണ്ഡിതനും ധ്യാനഗുരുവുമായ എം.എസ്.എഫ്.എസ് സന്ന്യാസ സമൂഹത്തിന്റെ സുപ്പീരിയല്‍ ജനറല്‍ ഫാ. എബ്രഹാം വെട്ടുവേലിയാണ് ധ്യാനം നയിക്കുന്നത്.
കോട്ടയം അതിരൂപതയിലെ കാരിസ് ഭവന്‍ ധ്യാനകേന്ദ്രത്തിലെ മുന്‍ ഡയറക്ടര്‍ ആയ ഫാ. എബ്രഹാം വെട്ടുവേലി നിലവില്‍ റോമിലാണ് സേവനമനുഷ്ഠിക്കുന്നത്.
വചന പ്രഘോഷണ വേദിയിലെ മികച്ച പ്രഭാഷകനും ഗഹനമായ വിഷയങ്ങള്‍ ലളിതമായ ഭാഷയില്‍ ബൈബിള്‍ വ്യാഖ്യാനം നല്‍കുന്ന ഫാ. എബ്രഹാം വെട്ടുവേലിയുടെ ധ്യാനത്തില്‍ പങ്കുചേര്‍ന്ന് ദൈവാനുഗ്രഹം പ്രാപിക്കുവാന്‍ ഏവരേയും സ്വാഗതം ചെയ്യുന്നതായി ഗ്രേറ്റ് ബ്രിട്ടണ്‍ സീറോ-മലബാര്‍ വികാരി ജനറല്‍ ഫാ. സജി മലയില്‍ പുത്തന്‍പുര ക്ഷണിച്ചു.
ഏപ്രില്‍ രണ്ടിന് (ഞായറാഴ്ച) രാവിലെ ഒന്‍പതര മുതല്‍ വൈകുന്നേരം ആറര വരെയാണ് വിതിന്‍ഷോയിലെ സെന്റ് ജോണ്‍സ് ആര്‍.സി. പ്രൈമറി സ്‌കൂളിലാണ് ധ്യാനം ക്രമീകരിച്ചിരിക്കുന്നത്.
ഫാ. തോമസ് തൈക്കൂട്ടത്തില്‍ഡോ. സിബി വേകത്താനം
യുകെയിലെ വിവിധ സമൂഹങ്ങളില്‍ ഉള്ളവര്‍ക്ക് തിരുവചനം കലാരൂപങ്ങളിലൂടെ ആസ്വദിക്കുവാന്‍ മാഞ്ചസ്റ്റെറില്‍ വേദി ഒരുങ്ങുന്നു. സാല്‍ഫോര്‍ഡ് രൂപതയുടെ കീഴിലുള്ള സീറോ മലബാര്‍ കാത്തോലിക്ക് കമ്മ്യൂണിറ്റിയുടെ ആഭിമുഖ്യത്തില്‍ പ്രഥമ ‘സാല്‍ഫോര്‍ഡ് ബൈബിള്‍ കലോത്സവത്തിന്’ 2017 നവംബര്‍ 18-ാം തിയതി ശനിയാഴ്ച, 10 മണിക്ക്, മാഞ്ചസ്റ്റര്‍ ഫോറം സെന്റര്‍ സാക്ഷ്യം വഹിക്കുകയാണ്. സീറോ മലബാര്‍ സാല്‍ഫോര്‍ഡ് രൂപതയുടെ കീഴിലുള്ള എട്ടു സെന്ററിലെ ഏകദേശം 500ല്‍പരം കുടുംബങ്ങളില്‍ നിന്നുള്ള മുതിര്‍ന്നവരും കുട്ടികളും വിവിധ ബൈബിള്‍ കലായിനങ്ങളില്‍ മാറ്റുരക്കുന്നത് ഒരു അവിസ്മരണീയ സംഭവം ആയിരിക്കും. നോര്‍ത്ത് വെസ്റ്റില്‍ ആദ്യമായിട്ടാണ് ഇത്തരത്തിലുള്ള ഒരു മഹോല്‍സവത്തിനു സീറോ മലബാര്‍ സഭ നേതൃത്വം വഹിക്കുന്നത്.
ബൈബിള്‍ നാടകം, ഗ്രൂപ്പ് ഡാന്‍സ്, ഗ്രൂപ്പ് സോങ്, ബൈബിള്‍ ക്വിസ്, ബൈബിള്‍ റീഡിങ്, പെയിന്റിംഗ് തുടങ്ങിയ വിവിധ ഇനങ്ങളില്‍ നടത്തുന്ന വ്യക്തിഗത, ഗ്രൂപ്പ് മത്സരങ്ങളില്‍ രൂപതയിലെ 8 സെന്ററുകളില്‍ നിന്ന് തെരഞ്ഞെടുക്കപ്പെടുന്നവര്‍ മാറ്റുരക്കുന്നതായിരിക്കും. ഏകദേശം 1000 ലധികം പേര്‍ക്ക് ഇരിക്കാവുന്ന മാഞ്ചസ്റ്റര്‍ ഫോറം സെന്ററിലെ വിവിധ വേദികളിലാണ് മത്സരം നടക്കുന്നത്. യുകെയുടെ വിവിധ ഭാഗങ്ങളില്‍ നിന്നുളള പ്രഗത്ഭരായ കലാകാരമാരാണ് ഈ മത്സരങ്ങളെ വിലയിരുത്തുന്നത്. കലോത്സവത്തില്‍ പങ്കെടുക്കുന്നവര്‍ക്ക് സര്‍ട്ടിഫിക്കറ്റും, വ്യക്തിഗത സമ്മാനങ്ങളും, ഏറ്റവും കൂടുതല്‍ പോയിന്റ് നേടുന്ന സെന്ററുകള്‍ക്ക് എവര്‍ റോളിങ്ങ് ട്രോഫിയും നല്‍കുന്നതാണ്. കലോത്സവത്തിന്റെ നിര്‍ദേശങ്ങള്‍ അടങ്ങിയ മാര്‍ഗരേഖ വിവിധ സെന്ററിലെ ട്രസ്റ്റികള്‍ക്ക് ഉടന്‍ ലഭ്യമാക്കുന്നതാണ്.
കലോത്സവത്തെ പറ്റി കൂടുതല്‍ വിവരങ്ങള്‍ അറിയുവാന്‍ നിങ്ങളുടെ സെന്ററിലെ ട്രസ്റ്റിമാരുമായി ബന്ധപ്പെടണമെന്ന് അഭ്യര്‍ത്ഥിക്കുന്നു. കലോത്സവത്തിന്റെ സുഗമമായ നടത്തിപ്പിന് ചാപ്ലിന്‍ ഫാദര്‍ തോമസ് തൈക്കൂട്ടത്തിന്റെ നേതൃത്വത്തില്‍ ഡോ. സിബി വേകത്താനം ചീഫ് കോര്‍ഡിനേറ്ററും, ജെയ്‌സണ്‍ ജോസഫ്, അനീഷ് ചാക്കോ എന്നിവര്‍ കോര്‍ഡിനേറ്റര്‍മാരുമായ വിവിധ കമ്മിറ്റികള്‍ പ്രവര്‍ത്തനം ആരംഭിച്ചു കഴിഞ്ഞു. ബൈബിള്‍ കലോത്സവത്തിന്റെ സമാപന ചടങ്ങുകള്‍ക്കു സീറോ മലബാര്‍ രൂപതയുടെ മെത്രാന്‍ മാര്‍. ജോസഫ് സ്രാമ്പിക്കല്‍, വികാരി ജനറല്‍മാര്‍, വൈദികര്‍, മറ്റ് പ്രമുഖ വ്യക്തികള്‍ എന്നിവര്‍ പങ്കെടുക്കുന്നതായിരിക്കും. സമാപനത്തിന് സീറോ മലബാര്‍ സാല്‍ഫോര്‍ഡ് രൂപതയിലെ കലാകാരന്മാരും, മറ്റുള്ളവരും ഒരുക്കുന്ന ദൃശ്യ വിസ്മയം ഉണ്ടായിരിക്കും.
കലോത്സവത്തില്‍ പങ്കെടുക്കുന്നവര്‍ക്ക് വേണ്ടി ഫോറം സെന്ററില്‍ വിശാലമായ കാര്‍ പാര്‍ക്കിംഗ് സൗകര്യം, ഫുഡ് സ്റ്റാളുകള്‍ എന്നിവ മിതമായ നിരക്കില്‍ ലഭ്യമാക്കുന്നതാണ്. ബൈബിള്‍ മാമാങ്കത്തിലേക്ക് ഏവര്‍ക്കും സ്വാഗതം. ബൈബിള്‍ കലോത്സവമായി ബന്ധപ്പെട്ട് സ്പോണ്‍സര്‍ഷിപ്പ് ചെയ്യുവാന്‍ താല്പര്യമുള്ള വ്യക്തികളും സംഘടനകളും സ്ഥാപനങ്ങളും താഴെ പറയുന്നവരുമായി ബന്ധപ്പെടണമെന്ന് അഭ്യര്‍ത്ഥിക്കുന്നു.
ഡോ. സിബി വേകത്താനം, ചീഫ് കോര്‍ഡിനേറ്റര്‍ – 07903748605, ജെയ്‌സണ്‍ ജോസഫ്, കോര്‍ഡിനേറ്റര്‍ – 07737881374, അനീഷ് ചാക്കോ – കോര്‍ഡിനേറ്റര്‍ – 07809736144
ലണ്ടന്‍ ഹിന്ദു ഐക്യവേദിയുടെ മീനഭരണി മഹോത്സവം ദേവി ഉപാസനയുടെ പൂര്‍ണതയില്‍ ആഘോഷിച്ചു. ഹൈന്ദവാചാര രഹസ്യങ്ങളെ പുതുതലമുറക്കും പകര്‍ന്നു നല്‍കുന്നതിനും അതിനോടൊപ്പം തന്നെ പ്രവാസജീവിതത്തിലും നാടിന്റെ നന്മയും ആഘോഷിക്കുന്നതോടൊപ്പം എല്ലാ ഹൈന്ദവ വിശ്വാസികള്‍ക്കും ഇതെല്ലാം തന്നെ സന്തോഷം നല്‍കുന്നു
ലണ്ടന്‍ ഹിന്ദു ഐക്യവേദിയുടെ ഭജന സംഘത്തിന്റെ അഷ്ടോത്തരാര്‍ച്ചന ഭഗവല്‍ പാദങ്ങളില്‍ സമര്‍പ്പിച്ചു കൊണ്ടാണ് മീന ഭരണി മഹോത്സവത്തിന് തുടക്കം കുറിച്ചത്. പിന്നീട് ഭഗവത് പാദങ്ങളില്‍ ഗാനാര്‍ച്ചനയായി ലണ്ടന്‍ ഹിന്ദു ഐക്യവേദി കുരുന്നുകളുടെ ഭജനയായിരുന്നു. കുട്ടിക്കാലത്തു സന്ധ്യനേരത്ത് മുത്തശ്ശിയുടെയും അമ്മയുടെയും മടിയിലിരുന്ന് നിലവിളക്കിന്റെ മുന്‍പില്‍ ഭഗവത് നാമങ്ങള്‍ ഉരുവിട്ട ഓര്‍മ്മകളായിരുന്നു കുട്ടികളുടെ ഭജനയിലൂടെ സാധ്യമായത്. പുതുതലമുറക്കും ഈശ്വരഭജനത്തിന്റെ നല്‍വഴികള്‍ തുറന്നു കൊടുക്കുകയാണ് ഇതിലൂടെ ലണ്ടന്‍ ഹിന്ദു ഐക്യവേദിയുടെ സംഘാടകര്‍ ലക്ഷ്യം വയ്ക്കുന്നതും.
തുടര്‍ന്ന് ശ്രീ സദാ ദിവാകരനും സന്തോഷ് ക്രോയ്‌ഡോണും നേതൃത്വം നല്‍കിയ മുതിര്‍ന്നവരുടെ ഭജനയും അരങ്ങേറി അവരോടൊപ്പം തന്നെ കെന്റ് ഹിന്ദു സമാജത്തില്‍ നിന്നുള്ള ശ്രീ മിഥുന്‍ മോഹന്റെ സാന്നിധ്യം ശ്രദ്ധേയമായിരുന്നു. പിന്നീട് സര്‍വൈശ്വര്യ പൂജയും ഉണ്ടായിരുന്നു.ദേവി ഉപാസന എല്ലാവര്‍ക്കും സാധ്യമായത് എന്ന രീതിയില്‍ ആയിരുന്നു സര്‍വൈശ്വര്യ പൂജ നടന്നത്. ലളിതകമലത്തിലെ ലളിതാപരമേശ്വരി രൂപത്തെ ധ്യാനിച്ച് മന്ത്രാര്‍ച്ചന നടത്തി, സര്‍വ്വപാപങ്ങളെയും ദേവി സമക്ഷം അര്‍പ്പിച്ചപ്പോള്‍ ഭക്തര്‍ക്ക് ദേവി ദര്‍ശന സായൂജ്യം തന്നെ ലഭിച്ചു.
പൂജയുടെ അവസാനത്തില്‍ വെസ്റ്റ് മിനിസ്റ്ററില്‍ ഉണ്ടായ ഭീകരാക്രമണത്തില്‍ മരിക്കുകയും പരുക്കേല്‍ക്കുകയും ചെയ്തവര്‍ക്കായിട്ടുള്ള പ്രത്യേക പൂജയും പ്രാര്‍ത്ഥനയും നടന്നു. യുഗങ്ങള്‍ക്ക് മുന്‍പുതന്നെ ലോകത്തില്‍ സമാധാനം നല്‍കണമെന്ന പ്രാര്‍ത്ഥന ഈ ലോകത്തിനു സമ്മാനിച്ച ഹൈന്ദവ സംസ്‌കാര വിശ്വാസികള്‍ ഒന്നായി ചേര്‍ന്ന് ഓം ലോകസമസ്താഃ സുഖിനോഭവന്തു എന്നു ഉറക്കെ ചൊല്ലി. തുടര്‍ന്ന് മുരളി അയ്യരുടെ നേതൃത്വത്തില്‍ ദീപാരാധനയും അതിനു ശേഷം അന്നദാനവും നടന്നു.
മീനഭരണി മഹോത്സവം ഇത്രയധികം വിജയകരമാക്കിത്തീര്‍ത്ത എല്ലാ സത്ജനങ്ങള്‍ക്കും ലണ്ടന്‍ ഹിന്ദു ഐക്യവേദി ചെയര്മാന് ശ്രീ തെക്കുംമുറി ഹരിദാസ് പ്രത്യേക നന്ദി ഭഗവത് നാമത്തില്‍ രേഖപ്പെടുത്തി.അടുത്ത മാസത്തെ സത്സംഗം 29/04/2016 നു വിഷു ആഘോഷമായി നടത്തുമെന്ന് സംഘടകര്‍ അറിയിച്ചുെ
കുടുതല്‍വിവരങ്ങള്‍ക്കും പങ്കെടുക്കുന്നതിനുമായി
07828137478, 07519135993, 07932635935.
Date: 25/03/2017
Venue Details:West Thornton Community Centre
731-735, London Road, Thornton Heath, Croydon. CR76AU
Email: [email protected]
Facebook.com/londonhinduaikyavedi
ബെന്നി മേച്ചേരിമണ്ണില്‍
റെക്‌സം രൂപതയിലെ ഹവാര്‍ഡന്‍ ചര്‍ച്ചില്‍ എല്ലാ മാസവും ആദ്യ ശനിയാഴ്ചകളിലും നടത്തിവരുന്ന പരിശുദ്ധ മാതാവിന്റെ നൊവേനയും ആഘോഷമായ മലയാളം പാട്ടുകുര്‍ബാനയും ഏപ്രില്‍ ഒന്നാം തിയതി 4.15നു കൊന്ത നമസ്‌കാരത്തോടെ ആരംഭിക്കുന്നു. തുടര്‍ന്നു മലയാളം പാട്ടുകുര്‍ബാനയും നൊവേനയും നടത്തപ്പെടുന്നു. റെക്‌സം രൂപതാ മലയാളി കമ്മ്യൂണിറ്റി കോര്‍ഡിനേറ്റര്‍ ഫാദര്‍ റോയ് കോട്ടയ്ക്കപ്പുറം SDV യുടെ മുഖ്യ കാര്‍മികത്വത്തില്‍ നടക്കുന്ന ആഘോഷമായ പരിശുദ്ധ കുര്‍ബാനയിലും നൊവേനയിലും മറ്റു പ്രാര്‍ത്ഥനകളിലും പങ്കുചേര്‍ന്നു പരിശുദ്ധ അമ്മയുടെ അനുഗ്രഹം പ്രാപിക്കുവാന്‍ റെക്‌സം രൂപതയിലും പരിസര പ്രദേശത്തുമുള്ള എല്ലാ വിശ്വാസികളേയും സേക്രഡ് ഹാര്‍ട്ട് ചര്‍ച്ച് ഹവാര്‍ഡനിലേക്കു രൂപത കോര്‍ഡിനേറ്റര്‍ ഫാദര്‍ റോയ് കോട്ടക്കുപുറം സ്‌നേഹത്തോടെ സ്വാഗതം ചെയ്തുകൊള്ളുന്നു.
ഫാദര്‍ റോയ് കോട്ടയ്ക്ക് പുറം Sdv – 07763756881.
പള്ളിയുടെ വിലാസം പോസ്റ്റ് കോഡ് – SACRED HEART CHURCH, HAWARDEN, CH53DL .
ടോം തരകന്‍
കാലിഫോര്‍ണിയ: മാര്‍ത്തോമാ സന്നദ്ധ സുവിശേഷക സംഘത്തിന്റെ നോര്‍ത്ത് അമേരിക്ക – യൂറോപ്പ് ഭദ്രാസന കോണ്‍ഫറന്‍സിന് സാന്‍ ഫ്രാന്‍സിസ്‌കോ ഒരുങ്ങുന്നു. ‘ദേശത്ത് പാര്‍ത്ത് വിശ്വസ്തരായിരിക്ക’ എന്നതാണ് ഈ വര്‍ഷത്തെ ചിന്താവിഷയം. ജൂലൈ 20 മുതല്‍ 23 വരെ ചരിത്ര പ്രസിദ്ധമായ കാലിഫോര്‍ണിയ സ്റ്റേറ്റ് ഈസ്റ്റ് ബേ യൂണിവേഴ്‌സിറ്റിയില്‍ വെച്ചാണ് കോണ്‍ഫറന്‍സ് നടക്കുന്നത്. അമേരിക്ക, ക്യാനഡ, യൂറോപ് പ്രവിശ്യകളിലെ മാര്‍ത്തോമാ ഇടവകകളിലെ പ്രധാന പോഷക സംഘടനയായ ഇടവക മിഷന്റെ പ്രതിനിധികളും വൈദികരുമാണ് കോണ്‍ഫറന്‍സില്‍ പങ്കെടുക്കുന്നത്.
ഭദ്രാസന അധിപന്‍ ഡോ. ഐസക് മാര്‍ പീലക്സിനോസ് എപ്പിസ്‌കോപ്പയുടെ ധീരമായ നേതൃത്വം കോണ്‍ഫറന്‍സിന് മുഴുവന്‍ സമയവും ഉണ്ടാകും. കപ്പൂച്ചിന്‍ സന്യാസി ഫാ. ബോബി ജോസ് കട്ടിക്കാടാണ് വചനപ്രഘോഷണം ചെയ്യുന്നത്. പ്രശസ്തമായ സാന്‍ ഫ്രാന്‍സിസ്‌കോ മാര്‍ത്തോമ്മാ ഇടവകയാണ് കോണ്‍ഫറന്‍സിന് ആതിഥേയമരുളുന്നത്. ഇടവക വികാരി റവ. ബിജു പി. സൈമണ്‍ പ്രസിഡന്റായും കുര്യന്‍ വര്‍ഗീസ് (വിജയന്‍) ജനറല്‍ കണ്‍വീനറുമായ സ്വാഗതസംഘമാണ് പരിപാടികള്‍ക്ക് ചുക്കാന്‍ പിടിക്കുന്നത്. ഒപ്പം സഹോദരി ഇടവകകളുടെയും വെസ്റ്റേണ്‍ റീജിയണലിലെ ഇടവകകളുടെയും കൈത്താങ്ങല്‍ ക്രമീകരണങ്ങള്‍ക്കുണ്ട്.
കോണ്‍ഫറന്‍സിനോട് അനുബന്ധിച്ചു പ്രസിദ്ധീകരിക്കുന്ന സുവനീറിന്റെ പ്രവര്‍ത്തങ്ങള്‍ ആരംഭിച്ചു. കോണ്‍ഫറന്‍സിന്റെ ഔപചാരികമായ രജിസ്‌ട്രേഷന്‍ കിക്ക് ഓഫ് ഏപ്രില്‍ രണ്ടാം തിയതി ആരാധനക്ക് ശേഷം നടക്കുന്ന പരിപാടിയില്‍ വെച്ച് ഫീനിക്സ് മാര്‍ത്തോമാ ഇടവക വികാരി റവ. സ്റ്റാലിന്‍ തോമസ് നിര്‍വഹിക്കും.
‘ഉണരാം പ്രശോഭിക്കാം’ വചന പ്രഘോഷണവും രോഗശാന്തി ശുശ്രൂഷയുമായി നോമ്പുകാല ഒരുക്ക ധ്യാനങ്ങളിലൂടെ ഓസ്‌ട്രേലിയയുടെ നാനാഭാഗങ്ങളില്‍ ഏറെ തിരക്കിലായിരിക്കുകയാണ് സെഹിയോന്‍ യൂറോപ്പ് ഡയറക്ടര്‍ ബഹു. സോജി ഓലിക്കല്‍ അച്ചന്‍. ആയതിനാല്‍ സെഹിയോന്‍ യൂറോപ്പിന്റെ ഭാഗമായി പ്രവര്‍ത്തിച്ചുകൊണ്ടിരിക്കുന്നതും പ്രമുഖ വചന പ്രഘോഷകനുമായ ബഹു. ഫാ. ഷെജു നടുവത്താനിയില്‍ അച്ചനായിരിക്കും ഇപ്രാവശ്യത്തെ കണ്‍വെന്‍ഷന്‍ നയിക്കുകത. പ്രസക്ത വചന പ്രഘോഷകനും വിടുതല്‍ ശുശ്രൂഷകനുമായ റവ. ഫാ. സിറിള്‍ ഇടമന അച്ചന്‍ ആരാധനാ നയിക്കുന്നതായിരിക്കും.
അനേകം ബിഷപ്പുമാരെയും വൈദികരേയും സന്ന്യസ്തരേയും ധ്യാനിപ്പിച്ചിട്ടുള്ളതും ലോക സുവിശേഷീകരണത്തിന്റെ ഭാഗമായി ഇപ്പോള്‍ ജര്‍മനി ആസ്ഥാനമാക്കി പ്രവര്‍ത്തിച്ചുകൊണ്ടിരിക്കുന്നതും ജീസസ് വണ്ടര്‍ എന്ന പ്രോഗ്രാമിലൂടെ ലോകശ്രദ്ധ തന്നെ കവര്‍ന്നെടുത്തു ബ്രദര്‍ തോമസ് പോള്‍ കൂടാതെ ഡൊമിനീഷ്യന്‍ യൂത്ത് ഓര്‍ഡറിന്റെ ഭാഗമായി പ്രവര്‍ത്തിച്ചുകൊണ്ടിരിക്കുന്നതും ഗ്രേറ്റ് ബ്രിട്ടണ്‍ ഓര്‍ഡര്‍ ഓഫ് പ്രീചേഴ്‌സ് മിനിസ്ട്രിയുടെ ഡയറക്ടര്‍ക്കും പ്രമുഖ വചന പ്രഘോഷകനുമായ ഫാ. നിക്കോളാസ് ക്രോ ഉം ഇപ്രാവശ്യത്തെ കണ്‍വെന്‍ഷനില്‍ പങ്കെടുക്കുന്നതായിരിക്കും. ഇംഗ്ലീഷിലും മലയാളത്തിലും രണ്ടു സെഷനിലായി നടക്കുന്ന കണ്‍വെന്‍ഷനില്‍ ദേശഭാഷ വ്യത്യാസമില്ലാതെ യുകെയുടെ നാനാ ഭാഗങ്ങളില്‍ നിന്നുമായി ജനം കൂട്ടം കൂട്ടമായി ഇവിടെ എത്തിച്ചേരുന്നു.
ശക്തമായ അടിവേരുകളുള്ള ലബോനിലെ ദേവദാരുകള്‍ കടപുഴകി വീണ കഥ നാം കേട്ടിട്ടുണട്്. പ്രശസ്തിയുടെ കൊടുമുടിയില്‍ നിന്ന് അധഃപതനത്തിന്റെ പാതാളത്തില്‍ എത്രയോ പേര്‍ വീണു തകര്‍ന്നിരിക്കുന്നു. യേശുവിന്റെ രൂടെ നടന്ന യൂദാസ് 30 വെള്ളിക്കാശിന്റെ മുമ്പില്‍ അധഃപതിച്ചില്ലെ! അഹങ്കരിക്കുവാന്‍ ഒന്നുമില്ല ”നില്‍ക്കുന്നവന്‍ വീഴാതിരിക്കുവാന്‍ സൂക്ഷിച്ചുകൊള്ളുവിന്‍” സുവിശേഷം നമ്മെ ഓര്‍മ്മിപ്പിക്കുന്നു. നല്ല കുമ്പസാരം കഴിച്ച് അനുതാപത്തോടും വിശുദ്ധിയോടും ആയിരിക്കാന്‍ ഈ നോമ്പുകാലം ഈശോ നമ്മില്‍ നിന്ന് അവകാശപ്പെടുന്നു. കണ്‍വെന്‍ഷനില്‍ പങ്കെടുക്കുന്ന ഏതൊരാള്‍ക്കും ഇംഗ്ലീഷിലും മറ്റു ഭാഷകളിലും കുമ്പസാരിക്കുന്നതിനും അതോടൊപ്പം സ്പിരിച്വല്‍ ഷെയറിംഗിനും ഉള്ള അവസരം ഉണ്ടായിരിക്കും.
”കുഞ്ഞുങ്ങളെ എന്റെ അടുക്കല്‍ വരുവാന്‍ അനുവദിക്കുവിന്‍” നമ്മുടെ കുഞ്ഞുങ്ങളെ ഈശോയ്ക്ക് വളരെ ഇഷ്ടമാണ്. അനുഗ്രഹിക്കുവാന്‍ ഉയര്‍ത്തിയിരിക്കുന്ന ആ കരത്തിന്‍ കീഴിലേക്ക് നമുക്ക് അവരെ ചേര്‍ത്ത് നിര്‍ത്താം. കുട്ടികള്‍ക്കും യുവജനങ്ങള്‍ക്കുമായി അവരുടെ പ്രായമനുസരിച്ച് സെഷന്‍ തിരിച്ച് നടത്തപ്പെടുന്ന കണ്‍വെന്‍ഷനില്‍ വളരെ അധികം കുട്ടികള്‍ പങ്കെടുക്കുന്നു. കുട്ടികളുടെ ആത്മീയ വളര്‍ച്ചയ്ക്കുതകുന്ന കിംഗ്ഡം എന്ന മാഗസിന്‍ എല്ലാമാസവും സൗജന്യമായി നല്‍കപ്പെടുന്നു.
യൂറോപ്പില്‍ അനേകായിരങ്ങളെ വിശ്വാസത്തിലേക്കു നയിച്ചുകൊണ്ടിരിക്കുന്ന ആത്മീയ വിരുന്നാണ് ഈ ശുശ്രൂഷ എന്നതിന്റെ അടയാളമാണ് ഇവിടെ നിന്നും ഉയരുന്ന സാക്ഷ്യങ്ങള്‍.
കണ്‍വെന്‍ഷന്റെ ആത്മീയ വിജയത്തിനായി പ്രാര്‍ത്ഥനാ സഹായം അപേക്ഷിക്കുന്നതോടൊപ്പം ബഹു. സോജിയച്ചനും സെഹിയോന്‍ ടീം മുഴുവനും ചേര്‍ന്ന് ഏവരേയും ബഥേല്‍ സെന്ററിലേക്ക പ്രാര്‍ത്ഥനാപൂര്‍വ്വം ക്ഷണിക്കുന്നു.
മറിയമ്മ ജോഷി
അഡ്രസ്
Bethel Convention Centre
Kelvin Way, Birmingham
B 70 7JW
കൂടുതല്‍ വിവരങ്ങള്ക്ക്
Shaji – 078781449670
Aneesh – 07760254700
ബിജു കുന്നയ്ക്കാട്ട് പി ആര്‍ ഒ
ആത്മീയ ഉണര്‍വിലേക്ക് വിശ്വാസികളെ നയിക്കുകയും ലോകരക്ഷകനായ ഈശോയുടെ രക്ഷാകര രഹസ്യങ്ങളെ ആഴത്തില്‍ മനസിലാക്കുകയും വ്യക്തിപരമായ വിശുദ്ധീകരണത്തിലേക്ക് നയിക്കുകയും ചെയ്യുന്ന നോമ്പുകാല വാര്‍ഷിക ധ്യാനം ഈ വര്‍ഷം നോട്ടിംഗ്ഹാം രൂപതയില്‍ വിവിധ സീറോ മലബാര്‍ വി.കുര്‍ബാന കേന്ദ്രങ്ങളില്‍ റവ ഫാ.ജേക്കബ് വെള്ളമരുതുങ്കല്‍ നയിക്കും. കെസിബിസി മദ്യവിരുദ്ധ സമിതിയുടെ സംസ്ഥാന ഡയറക്ടറായി പ്രവര്‍ത്തിക്കുന്ന ജേക്കബ് അച്ചന്‍ അറിയപ്പെടുന്ന ധ്യാനഗുരുവും കൗണ്‍സലിംഗ് രംഗത്ത് ദീര്‍ഘകാല പരിചയമുള്ളയാളും മുന്‍വര്‍ഷങ്ങളില്‍ യുകെയില്‍ വിവിധ ധ്യാന ശുശ്രൂഷകളിലൂടെ പരിചിതനുമാണ്.
വാര്‍ഷിക ധ്യാന സ്ഥലങ്ങളും സമയക്രമവും
മാര്‍ച്ച് 25, 26 (ശനി, ഞായര്‍)- St. Benadict church, 306, Ashby Road Scanthorp. Saturday: 11 am to 5 pm, Sunday : 1.00 pm to 8.00 pm
ഏപ്രില്‍ 6, 7 ( Thursday & Friday) – St. Paul’s catholic church, Lenton Boulvord, Nottingham, NG7 2 BY
Time 9.30 am to 4.30 pm ( Special session for children)
ഏപ്രില്‍ 8, 9 (Saturday & Sunday) – St. Joseph’s Catholic Church Derby, Burbon Road, DE II TQ
Time : 9.30 am to 4.30 pm, Sunday: 2.00 pm to 9.00 pm
ഏപ്രില്‍ 11, 12 (Tues day, wednesday) St. Bridgitt and St. Patrik church clay cross, 545 9JT, Thannet Street. Time : 5.00 pm to 10.00 pm
വി. കുര്‍ബാനാ കേന്ദ്രങ്ങളിലും സമീപ പ്രദേശങ്ങളിലുമുള്ള എല്ലാ വിശ്വാസികളെയും നോമ്പുകാല ധ്യാനത്തില്‍ പങ്കെടുത്ത് അനുഗ്രഹീതരാകുവാന്‍ പ്രീസ്റ്റ് ഇന്‍ ചാര്‍ജ് ബിജു കുന്നയ്ക്കാട്ടും കമ്മിറ്റിയംഗങ്ങളും യേശുനാമത്തില്‍ സ്‌നേഹപൂര്‍വ്വം ക്ഷണിക്കുന്നു.
