ന്യൂസ് ഡെസ്ക് മലയാളം യുകെ
യുകെയിൽ മാലിന്യസംസ്കരണം പ്രതിസന്ധിയിലേയ്ക്ക് നീങ്ങുന്നതായി റിപ്പോർട്ടുകൾ പുറത്തു വന്നു. ഡ്രൈവർമാരുടെ ക്ഷാമം മൂലം യഥാസമയം മാലിന്യ ബിന്നുകൾ നീക്കം ചെയ്യുന്നത് തടസപ്പെട്ടു തുടങ്ങി. ബിൻ നീക്കത്തിൽ ഏർപ്പെട്ടിരുന്ന ഒട്ടേറെ ഡ്രൈവർമാർ ഒറ്റപ്പെടൽ നിർദ്ദേശത്തിന് വിധേയമായതാണ് ഡ്രൈവർ ക്ഷാമത്തിന് പ്രധാന കാരണമായി ചൂണ്ടിക്കാണിക്കപ്പെടുന്നത്. അതോടൊപ്പം ഹെവി ഗുഡ്സ് വെഹിക്കിൾ ഓടിക്കുന്ന ഡ്രൈവർമാരുടെ അഭാവവും പ്രതിസന്ധി രൂക്ഷമാകാൻ കാരണമായിട്ടുണ്ട്.
പ്രശ്നം രൂക്ഷമായാൽ ബ്രിട്ടനിലെ തെരുവുകളിൽ മാലിന്യ കൂമ്പാരം നിറയുമെന്നുള്ള ആശങ്ക ശക്തമാണ്. ഡ്രൈവർമാരുടെ കുറവ് പരിഹരിക്കുന്നതിന് ഹെവി ഗുഡ്സ് വെഹിക്കിൾ ലൈസൻസ് ഉള്ള ഡ്രൈവർമാർക്ക് യുകെയിൽ വരുന്നതിന് താത്കാലിക വിസ അനുവദിക്കണമെന്ന് വിവിധ കൗൺസിലുകൾ ആഭ്യന്തരമന്ത്രി പ്രീതി പട്ടേലിനോട് ആവശ്യപ്പെട്ടു. കോവിഡ് -19 വ്യാപകമായതിനെ തുടർന്ന് യൂറോപ്യൻ യൂണിയൻ രാജ്യങ്ങളിൽ നിന്നുള്ള തൊഴിലാളികൾ മടങ്ങി പോയതിന് ശേഷം രാജ്യത്ത് ഏകദേശം 100,000 എച്ച്ജിവി ഡ്രൈവർമാരുടെ കുറവുണ്ടെന്നാണ് റിപ്പോർട്ടുകൾ.
Leave a Reply