ന്യൂസ് ഡെസ്ക് മലയാളം യുകെ

വാൽസാലിനടുത്തുള്ള കനാലിൽ കുഞ്ഞിൻറെ മൃതദേഹം കണ്ടെത്തിയ സംഭവത്തിൽ വൻവഴിത്തിരിവ്. കൊലപാതകമാണെന്ന സംശയത്തെ തുടർന്ന് പോലീസ് അന്വേഷണം പുരോഗമിക്കുകയാണ്. മെയ് 20 വ്യാഴാഴ്ച ഉച്ചയ്ക്ക് ഒരു മണിയോടെ വാൽസാലിനടുത്തുള്ള റഫ് വുഡ് കൺട്രി പാർക്കിൽ ഒരു യാത്രക്കാരനാണ് കുട്ടിയുടെ മൃതദേഹം കണ്ടത് . നവജാത ശിശു നാലു ദിവസത്തോളം വെള്ളത്തിലായിരുന്നു എന്നാണ് കരുതപ്പെടുന്നത്.

സംഭവത്തെ കുറിച്ച് കൂടുതൽ വിവരം തരുന്നവർക്ക് ക്രൈം സ്റ്റോപ്പേഴ്സ് എന്ന സ്വതന്ത്ര ഏജൻസി 5000 പൗണ്ട് വരെയാണ് പാരിതോഷികം പ്രഖ്യാപിച്ചിരിക്കുന്നത്. സംഭവം വളരെ ദുഃഖകരവും ഞെട്ടിക്കുന്നതും ആണെന്ന് ക്രൈം സ്റ്റോപ്പേഴ്സിൻ്റെ ഡയറക്ടർ മിക് ഡൂത്തി പറഞ്ഞു.