ന്യൂസ് ഡെസ്ക് മലയാളം യുകെ ന്യൂസ്
കൊച്ചി- ലണ്ടൻ വിമാനയാത്രയ്ക്കിടെ എയർ ഇന്ത്യ വിമാനത്തിൽ യുകെ മലയാളിക്ക് ആകസ്മിക മരണം. ഡെർബിക്ക് അടുത്ത് ഇകെസ്റ്റൺ എന്ന സ്ഥലത്ത് താമസിക്കുന്ന ദിലീപ് ഫ്രാൻസിസ് ജോർജാണ് വിമാനയാത്രയ്ക്കിടെ മരണമടഞ്ഞത്. ദുരന്തം അറിയാതെ സ്വീകരിക്കാൻ കാത്തിരുന്ന ഭാര്യയേയും മക്കളേയും തേടിയെത്തിയത് ദിലീപിന്റെ മരണവാർത്തയാണ്.
വിമാന യാത്രയ്ക്കിടെ കടുത്ത ശാരീരിക അസ്വസ്ഥത അനുഭവപ്പെട്ട ദിലീപിന് സഹയാത്രികരുടെ സഹായത്തോടെ അടിയന്തര മെഡിക്കൽ സഹായം ലഭ്യമാക്കിയെങ്കിലും ജീവൻ രക്ഷിക്കാനായില്ല. മരണം നടന്ന ഉടനെ എയർ ഇന്ത്യയുടെ ഓഫീസിൽ നിന്നും ദിലീപിന്റെ കുടുംബത്തെ വിവരം അറിയിക്കുന്നതിനുള്ള നടപടികൾ സ്വീകരിച്ചതായാണ് അറിയാൻ സാധിച്ചത്. എന്നാൽ മരണവാർത്ത എത്തുന്നതിന് മുൻപ് ഭാര്യയും മക്കളും അദ്ദേഹത്തെ സ്വീകരിക്കാൻ വിമാനത്താവളത്തിലേയ്ക്ക് തിരിച്ചു കഴിഞ്ഞിരുന്നു.
Leave a Reply