ന്യൂസ് ഡെസ്ക്, മലയാളം യുകെ
ഒന്നാം ലോകമഹായുദ്ധത്തിൽ മുങ്ങിയ ബ്രിട്ടൻ റോയൽ നേവിയുടെ യുദ്ധക്കപ്പൽ കണ്ടെത്തി. മുങ്ങി 109 വർഷങ്ങൾക്കു ശേഷമാണ് കപ്പൽ വീണ്ടെടുത്തത്. ചരിത്രപരമായി പ്രാധാന്യമുള്ള കപ്പൽ അവശിഷ്ടങ്ങൾ കണ്ടെത്താൻ ലക്ഷ്യമിടുന്ന ഒരു അന്താരാഷ്ട്ര പദ്ധതിയായ പ്രോജക്ട് എക്സ്പ്ലോറിന്റെ നേതൃത്വത്തിലുള്ള പത്ത് മുങ്ങൽ വിദഗ്ധരുടെ സംഘമാണ് സ്കോട്ട്ലൻഡ് തീരത്ത് നിന്ന് 60 മൈൽ അകലെ എച്ച്എംഎസ് നോട്ടിംഗ്ഹാമിനെ തിരിച്ചറിഞ്ഞത്.
1916 ആഗസ്റ്റ് 19 – ന് ആണ് കപ്പൽ അപകടത്തിൽപ്പെട്ടത്. ഒരു ജർമൻ അന്തർവാഹിനിയുടെ ആക്രമണത്തിൽ 457 അടി നീളമുള്ള കപ്പൽ മുങ്ങുകയായിരുന്നു. കപ്പലിലുള്ള 38 ക്രൂ അംഗങ്ങളും കൊല്ലപ്പെട്ടിരുന്നു. ക്യാപ്റ്റനെയും 20 ഉദ്യോഗസ്ഥരെയും മറ്റ് 357 ജീവനക്കാരെയും രക്ഷപ്പെടുത്തിയിരുന്നു.
Leave a Reply