കോ​വി​ഡ് കാ​ല​ത്ത് നാ​ട്ടു​കാ​ർ​ക്ക്​ താ​ങ്ങാ​യ ഡോ. ​ആ​തി​ര​യു​ടെ അ​കാ​ല വി​യോ​ഗം കൂ​രാ​ച്ചു​ണ്ടി​‍െൻറ നൊ​മ്പ​ര​മാ​യി.ആ​റു​മാ​സ​ത്തോ​ള​മാ​ണ്​ കൂ​രാ​ച്ചു​ണ്ട് സാ​മൂ​ഹി​കാ​രോ​ഗ്യ കേ​ന്ദ്ര​ത്തി​ൽ ഡോ. ​ആ​തി​ര സേ​വ​ന​മ​നു​ഷ്ഠി​ച്ച​ത്. കോ​വി​ഡ് വ്യാ​പ​ക​മാ​യ സ​മ​യ​ത്ത് ഒ.​പി സ​മ​യം വൈ​കീ​ട്ട് ആ​റു​വ​രെ ദീ​ർ​ഘി​പ്പി​ച്ച​പ്പോ​ഴാ​യി​രു​ന്നു ഡോ. ​ആ​തി​ര​യു​ടെ സേ​വ​നം ല​ഭി​ച്ച​ത്.പൊന്നോമനയെ ഒന്ന് കൊഞ്ചിക്കാൻ പോലും സാധിക്കാതെ അകാലത്തിൽ വിടവാങ്ങി. പ്രസവം കഴിഞ്ഞ് ആശുപത്രിയിൽ നിന്നു വീട്ടിലെത്തിയ യുവ ഡോക്ടറായ ആതിരയാണ് മരിച്ചത്.

റിട്ട. എസ്‌ഐ ചെറുവത്തൂർ കൊടക്കാട് ഓലാട്ടെ പുരുഷോത്തമന്റെ മകളാണ് ഡോ. ആതിര (26). കോഴിക്കോട്ടെ സ്വകാര്യ ആശുപത്രിയിൽ 12നാണ് ആതിര കുഞ്ഞിന് ജന്മം നൽകിയത്. വീട്ടിലെത്തിയ ശേഷം ആതിരയ്ക്കു കഴിഞ്ഞ ദിവസം ശ്വാസതടസ്സം അനുഭവപ്പെട്ടിരുന്നു. തുടർന്നു പയ്യന്നൂരിലെ സ്വകാര്യ ആശുപത്രിയിൽ പ്രവേശിപ്പിക്കുകയും ചെയ്തു.

ഇതിനിടെ, നിലഗുരുതരം ആയതിനെത്തുടർന്ന് കണ്ണൂർ ഗവ. മെഡിക്കൽ കോളജ് ആശുപത്രിയിൽ എത്തിച്ചെങ്കിലും രക്ഷിക്കാനായില്ല. ആതിരയുടെ ഭർത്താവ് പേരാമ്പ്ര സ്വദേശി ഡോ. അർജുന്റെ പരാതിയിൽ പരിയാരം പോലീസ് അസ്വാഭാവിക മരണത്തിനു കേസെടുത്തിട്ടുണ്ട്. അമ്മ: സുസ്മിത (ചിന്മയാ വിദ്യാലയ, പയ്യന്നൂർ). സഹോദരി: അനശ്വര.