ഷൈമോൻ തോട്ടുങ്കൽ

സ്റ്റോക്ക് ഓൺ ട്രെൻറ് .ഗ്രേറ്റ് ബ്രിട്ടൻ സീറോ മലബാർ രൂപതയുടെ പഞ്ചവത്സര അജപാലന പദ്ധതിയുടെ( ലിവിങ് സ്റ്റോൺ ) ഭാഗമായി കഴിഞ്ഞ ഒരു വർഷമായി നടന്നു വന്നിരുന്ന കുടുംബ കൂട്ടായ്മ വർഷാചരണം സമാപിച്ചു . സ്റ്റോക്ക് ഓൺ   ട്രെൻറ്റ് സെൻറ് ജോസഫ് ദേവാലയത്തിൽ നടന്ന സമാപന പരിപാടിയിൽ  , രൂപതയുടെ വിവിധ ഇടവകളിൽ നിന്നും , മിഷനുകളിൽ നിന്നും എത്തിയ വൈദികരുടെയും , സന്യസ്തരുടെയും , അൽമായ പ്രതിനിധികളുടെയും സാനിധ്യത്തിൽ  നടന്ന സമാപന സമ്മേളനം രൂപതാധ്യക്ഷൻ മാർ ജോസഫ് സ്രാമ്പിക്കൽ ഉത്‌ഘാടനം ചെയ്തു . ഗ്രേറ്റ് ബ്രിട്ടൻ സീറോ മലബാർ രൂപതയിലെ  എല്ലാ വിശ്വാസികളും ഓരോ മാസവുംഅവരവരുടെ കുടുംബ കൂട്ടായ്മകളിൽ പങ്കെടുക്കണമെന്ന്  ഉത്‌ഘാടന പ്രസംഗത്തിൽ മാർ ജോസഫ് സ്രാമ്പിക്കൽ ഉത്‌ബോധിപ്പിച്ചു .

കഴിഞ്ഞ ഒരു വർഷമായി പ്രതികൂലമായ കോവിഡ് പ്രതിസന്ധിയുടെ കാലഘട്ടത്തിലും രൂപതയുടെ എട്ട് റീജിയനുകളായി വ്യാപിച്ചു കിടക്കുന്ന ആയിരത്തോളം വരുന്ന കുടുംബ കൂട്ടായ്മകളെ  സജീവമായി നിലനിർത്തിക്കൊണ്ട്  വിവിധ കർമ്മപദ്ധതികൾ ആവിഷ്‌കരിച്ച് നടപ്പിലാക്കുവാനും , പരിശീലന പരിപാടികളിലൂടെയും , ഓൺലൈൻ  മീറ്റിങ്ങുകളിൽ കൂടിയും കുടുംബ കൂട്ടായ്മകളിലൂടെ രൂപതയിലെ ഓരോ കുടുംബങ്ങളുടെയും വിശ്വാസജീവിതം സഭയോട് ചേർത്ത് നിർത്തുവാൻ കുടുംബ കൂട്ടായ്മ വർഷാചരണത്തിന്  കഴിഞ്ഞു എന്ന ചാരിതാർഥ്യത്തിലാണ് കുടുംബകൂട്ടായ്മ വർഷത്തിന് സമാപനം കുറിക്കുന്നത്  .

രൂപതാ വികാരി ജെനെറൽമാരായ റെവ. ഫാ. ജോർജ് ചേലക്കൽ ( സിഞ്ചെല്ലൂസ് ഇൻചാർജ് ), റെവ. ഫാ. ജിനോ അരീക്കാട്ട് എം. സി .ബി.എസ് .. കുടുംബ കൂട്ടായ്മ മിഷൻ ചെയർമാൻ ഫാ. ഹാൻസ് പുതിയാകുളങ്ങര  ,  ഫാ. ജോർജ്  എട്ടുപറ  .റെവ . ഫാ. ടോമി അടാട്ട് . റെവ.സി. ആൻ മരിയ എസ് . എച്ച് , എന്നിവർ പ്രസംഗിച്ചു . കോഡിനേറ്റർ ഷാജി തോമസ് , സെക്രെട്ടറി റെനി സിജു എന്നിവരുടെ നേതൃത്വത്തിൽ ഉള്ള രൂപത കുടുംബ കൂട്ടായ്മ കമ്മീഷൻ അംഗങ്ങൾ പരിപാടികൾക്ക് നേതൃത്വം നൽകി .സ്റ്റോക്ക്  ഓൺ ട്രെൻറ്റ് ഔർ ലേഡി ഓഫ് ഹെല്പ് പെർപെച്വൽ മിഷന്റെ ആതി ഥേയത്വത്തിൽ ആണ് പരിപാടികൾ നടന്നത് . രൂപതാധ്യക്ഷൻ മാർ ജോസഫ് സ്രാമ്പിക്കൽ രക്ഷാധികാരിയും , സിഞ്ചെല്ലൂസ് ഇൻചാർജ് റെവ.ഫാ. ജോർജ് ചേലക്കൽ , കമ്മീഷൻ ചെയർമാൻ റെവ.ഫാ. ഹാൻസ് പുതിയാകുളങ്ങര , ഷാജി തോമസ് ( കോഡിനേറ്റർ ), റെനി സിജു തോമസ് ( സെക്രെട്ടറി )വിനോദ് തോമസ് ( പി . ആർ .ഓ  )ഡീക്കൻ അനിൽ തോമസ് ( അഡ്‌ഹോക്ക് പാസ്റ്ററൽ കൗൺസിൽ പ്രതിനിധി ) , എന്നിവരും ,ഫിലിപ്പ് കണ്ടോത്ത് ( ബ്രിസ്റ്റോൾ ), ജിനോ ജോസ് (കേംബ്രിഡ്ജ് ), ക്രിസ്റ്റി സെബാസ്റ്റ്യൻ (കൊവെൻട്രി ), ജെയിംസ് മാത്യു ( ഗ്ലാസ്‌കോ ), തോമസ് ആന്റണി( ലണ്ടൻ ), കെ . എം . ചെറിയാൻ (മാഞ്ചസ്റ്റർ ), ജിതിൻ ജോൺ (സൗത്താംപ്ടൺ ), ആന്റണി മടുക്കക്കുഴി ( പ്രെസ്റ്റൻ )  എന്നിവർ അടങ്ങുന്ന കമ്മറ്റിയാണ് കുടുംബ കൂട്ടായ്മ വർഷത്തിന്റെ പ്രവർത്തനങ്ങൾക്ക് നേതൃത്വം നൽകിയത് .