പ്രശസ്ത വചന പ്രഘോഷകനും ‘ഇടിവെട്ട് പ്രസംഗകന്‍’ എന്ന പേരില്‍ സോഷ്യല്‍ മീഡിയയിലൂടെ ആഗോള മലയാളി കത്തോലിക്കര്‍ക്ക് സുപരിചിതനുമായ ഫാദര്‍ ജേക്കബ് മഞ്ഞളി നയിക്കുന്ന കുടുംബ നവീകരണ നോമ്പുകാല ധ്യാനം ഫെബ്രുവരി മാസം പതിമൂന്ന്, പതിനാല് തിയതികളില്‍ മിഡില്‍സ്‌ബ്രോ സെന്റ്. ജോസഫ്‌സ് ദേവാലയത്തില്‍ വച്ചു നടത്തപ്പെടുന്നു. ഫെബ്രുവരി 13 ശനിയാഴ്ച രാവിലെ 10:00 മണിമുതല്‍ വൈകുന്നേരം 4:30 വരെയും, 14 ഞായറാഴ്ച ഉച്ചകഴിഞ്ഞ് 1:30 മുതല്‍ രാത്രി 8:00 മണി വരെയുമാണ് ധ്യാനശുശ്രൂഷകള്‍ ക്രമീകരിച്ചിരിക്കുന്നത്.
ദൈവത്തിന്റെ കാരുണ്യവും ദയയും അനുസ്മരിക്കുന്ന ഈ കരുണാ വര്‍ഷത്തിലെ നോമ്പുകാലത്ത് ഈ ധ്യാനത്തില്‍ പങ്കെടുത്തു ജീവിത നവീകരണം സാധ്യമാക്കുവാന്‍ എല്ലാ ക്രൈസ്തവ വിശ്വാസികളെയും മിഡില്‍സ്‌ബ്രോ സീറോമലബാര്‍ ചാപ്ലിന്‍ ഫാ. ആന്റണി ചുണ്ടലിക്കാട്ടില്‍ സ്വാഗതം ചെയ്യുന്നു.
ധ്യാനാവസരത്തില്‍ കുമ്പസാരിക്കുവാനുള്ള സൗകര്യം ഉണ്ടായിരിക്കുന്നതാണ്.
ദേവാലയത്തിന്റെ വിലാസം: St. Joseph’s RC Church, Marton Road Middlesbrough, TS4 2NT
