ബ്രിസ്ബൺ സെൻറ് അൽഫോൻസാ ദേവാലയത്തിൽ ഇടവക മധ്യസ്ഥയായ വിശുദ്ധ അൽഫോൻസാമ്മയുടെ തിരുനാളിനുള്ള ഒരുക്കങ്ങൾ പൂർത്തിയായി. ജൂലൈ 19ന് ഇടവക വികാരിയായ ഫാദർ വർഗീസ് വിതയത്തിൽ എം എസ് ടി കൊടിയേറ്റ് നിർവഹിച്ചുകൊണ്ട് തിരുനാൾ ആഘോഷങ്ങൾ ആരംഭിക്കുന്നു. തുടർന്ന്, 9 ദിവസത്തെ വി. അൽഫോൻസാമ്മയുടെ നൊവേനയും ഉണ്ടായിരിക്കുന്നതാണ്.
ജൂലൈ 20ന് വൈകിട്ട് 4 മണിമുതൽ ‘ദർശനം 2024’ എന്ന പേരിൽ ഇടവക ജനങ്ങളുടെ കലാപരിപാടികൾ, കൺവീനർമാരായ രാജു പനന്താനം, ഷൈബി മൈക്കിൾ എന്നിവരുടെ നേതൃത്വത്തിൽ നടത്തപ്പെടുന്നു. അന്നേദിവസം, ഫാദർ വർഗീസ് വിതയത്തിൽ എം എസ് ടി രചന നിർവഹിച്ച്, സോളമൻ മാത്യു സംവിധാനം ചെയ്ത ‘തോമാശ്ലീഹാ’ എന്ന സാമൂഹിക സംഗീത നാടകം പരിപാടികൾക്ക് മാറ്റുകൂട്ടും.
ജൂലൈ 27ന് വൈകിട്ട് 4 മണിക്ക് ആഘോഷമായ റാസ കുർബാനയും തുടർന്ന് വെടിക്കെട്ടും, നാടൻ വിഭവങ്ങൾ വിളമ്പുന്ന തട്ടുകടകളും ഉണ്ടാകും.
പ്രധാന തിരുനാൾ ദിനമായ ജൂലൈ 28 ഞായറാഴ്ച രാവിലെ 10 മണിക്ക് ആഘോഷമായ വിശുദ്ധ കുർബാന അഡലെയിഢ് നോർത്ത് ഇടവക വികാരി ഫാദർ അജിത് ചെറിയാക്കര നേതൃത്വം നൽകും. തുടർന്ന്, ചെണ്ടമേളം, ബാൻഡ് മേളം തുടങ്ങിയ വാദ്യ മേളങ്ങളുടെ അകമ്പടിയോടെ ഭക്തിനിർഭരമായ പ്രതിക്ഷണവും നടത്തപ്പെടുന്നു.
വിശുദ്ധ അൽഫോൻസാമ്മയുടെ ഈ പെരുന്നാൾ ഏവർക്കും അനുസ്മരണീയമാക്കുന്നതിനും പെരുന്നാൾ ആഘോഷങ്ങളിൽ പങ്കുചേർന്ന് വിശുദ്ധയുടെ അനുഗ്രഹങ്ങൾ പ്രാപിക്കുന്നതിനും തുടർന്ന് നടക്കുന്ന സ്നേഹവിരുന്നിലും പങ്കെടുക്കുവാനും ഓസ്ട്രേലിയയിലെ എല്ലാവരെയും സ്നേഹപൂർവ്വം ക്ഷണിച്ചുകൊള്ളുന്നു.
ജൂലൈ 19ന് ആരംഭിക്കുന്ന പത്ത് ദിവസം നീണ്ടുനിൽക്കുന്ന പെരുന്നാൾ ആഘോഷങ്ങൾ പരമ്പരാഗത കേരളത്തനിമയിൽ നടത്തുന്നതിനുള്ള ഒരുക്കങ്ങൾ ഇടവക വികാരി ഫാദർ വർഗീസ് വിതയത്തിൽ എം എസ് ടി, കൈകാരന്മാരായ അനൂപ് ആനപ്പാറ, ബിജു മഞ്ജപ്പള്ളി, രാരിച്ചാൻ മാത്യു, തിരുനാൾ കൺവീനറായ അജോ ജോസ് വിവിധ കമ്മിറ്റികൾ എന്നിവരുടെ നേതൃത്വത്തിൽ നടന്നു വരുന്നു.
Leave a Reply