ന്യൂസ് ഡെസ്ക് മലയാളം യുകെ
ബെർലിൻ : ജർമ്മൻ സേവിംഗ്സ് ബാങ്കുകൾ ഉപഭോക്താക്കൾക്ക് ക്രിപ്‌റ്റോകറൻസിയുമായി ബന്ധപ്പെട്ട സേവനങ്ങൾ വാഗ്ദാനം ചെയ്യുന്നു. ജർമ്മൻ മാസികയായ ക്യാപിറ്റലാണ് ഈ വാർത്ത പുറത്തുവിട്ടത്. ക്രിപ്റ്റോ അസറ്റുകളിൽ തങ്ങൾക്ക് വലിയ താല്പര്യം ഉണ്ടെന്ന് ജർമ്മൻ സേവിംഗ്സ് ബാങ്ക്സ് അസോസിയേഷന്റെ പ്രതിനിധി പറഞ്ഞു. പദ്ധതി ഇപ്പോഴും പരിഗണനയിലാണെന്നും ഔദ്യോഗിക തീരുമാനത്തിൽ എത്തിയിട്ടില്ലെന്നും അസോസിയേഷൻ വ്യക്തമാക്കി.
ഈ പദ്ധതിക്ക് അംഗീകാരം ലഭിച്ചാൽ ക്രിപ്റ്റോ സേവനങ്ങൾ കൂടുതൽ എളുപ്പമാകും. കെവൈസി (നോ യുവർ കസ്റ്റമർ) നടപടിക്രമങ്ങളിലൂടെ പോകാതെ അക്കൗണ്ടുകൾ ഉപയോഗിച്ച് ഉപയോക്താക്കൾക്ക് നേരിട്ട് ക്രിപ്‌റ്റോകറൻസികൾ വാങ്ങാൻ കഴിയും. അസോസിയേഷനെ സംബന്ധിച്ച്, ക്രിപ്റ്റോ സേവനങ്ങൾ വാഗ്ദാനം ചെയ്യുന്ന തിരഞ്ഞെടുപ്പ് ഓരോ ബാങ്കിനും വ്യക്തിഗതമാണ്. 370 ബാങ്കുകളിൽ ഓരോന്നും ഈ വിഷയത്തിൽ സ്വന്തമായി തീരുമാനമെടുക്കും. പല ബാങ്കുകളും ഇതിൽ താല്പര്യം പ്രകടിപ്പിച്ചിട്ടുണ്ടെന്നാണ് വിവരം. അടുത്തിടെ സ്പാനിഷ് ബാങ്കുകളും തങ്ങളുടെ ഉപഭോക്താക്കൾക്ക് ക്രിപ്‌റ്റോകറൻസികൾ വാഗ്ദാനം ചെയ്യാൻ താൽപ്പര്യം പ്രകടിപ്പിച്ചിട്ടുണ്ട്.
Leave a Reply