അകാലത്തിൽ മരിച്ച യുവതിയുടെ ശവ ശരീരവുമായി ലൈംഗീക ബന്ധത്തിലേർപ്പെട്ട മെയിൽ നേഴ്സ് അറസ്റ്റിൽ. മരിച്ചു പോയ തന്റെ ഭാര്യയെ ഒരു നോക്ക് കാണുവാനായി യുവതിയുടെ ഭർത്താവ് മോർച്ചറിയിലെത്തുമ്പോൾ കണ്ട കാഴ്ച ഞെട്ടിക്കുന്നതായിരുന്നു. മെയിൽ നേഴ്സ് യുവതിയുടെ ശവ ശരീരത്തെ ലൈംഗീകമായി ഉപയോഗിക്കുന്ന കാഴ്ചയായിരുന്നു അയാൾ കണ്ടത്. നിയന്ത്രണം വിട്ട ഭർത്താവ് മെയിൽ നേഴ്‌സിനെ തല്ലിച്ചതച്ച് പോലീസിൽ ഏൽപ്പിച്ചു.
മൃതദേഹത്തെ ബലാത്സംഗത്തിന് വിധേയമാക്കിയ ഗ്രോവർ മാകുചാപിയെ(27) പ്രോസിക്യൂഷന്‍ നടപടികള്‍ക്ക് വിധേയമാക്കും. തിങ്കളാഴ്ച രാത്രിയാണ് മനുഷ്യമനസാക്ഷിയെ ഞെട്ടിപ്പിക്കുന്ന ഈ സംഭവം അരങ്ങേറിയത്. ലാപാസിലെ ഹോസ്പിറ്റല്‍ ഡി ക്ലിനിക്കാസില്‍ ഒരു മണിക്കൂർ മുൻപ് മരിച്ച യുവതിയെ ആയിരുന്നു ഇയാൾ ബലാത്സംഗം ചെയ്തത്. ബന്ധുക്കൾ ബില്ലടയ്ക്കാൻ പോയപ്പോഴായിരുന്നു സംഭവം.
നെക്രൊഫിലിയ അഥവാ ശവരതി കുറ്റം പെറുവിൽ ഇല്ലാത്തതിനാൽ അത് ഇയാള്‍ക്ക് മേല്‍ ചുമത്തില്ലെന്നാണ് പ്രോസിക്യൂട്ടര്‍മാര്‍ പറയുന്നത്. താന്‍ ഒരു സ്വപ്ന സമാനമായ അവസ്ഥയിലായിരുന്നുവെന്നും ആ ഉന്മാദാവസ്ഥയില്‍ അറിയാതെ ചെയ്ത് പോയ കുറ്റമാണിതെന്നും യുവതിയുടെ ഭർത്താവ് തന്നെ മർദ്ദിച്ചപ്പോൾ ആണ് തനിക്ക് സ്ഥലകാല ബോധം ഉണ്ടായതെന്നുമാണ് മെയിൽ നേഴ്‌സിന്റെ പ്രതികരണം.
Leave a Reply