ന്യൂസ് ഡെസ്ക്, മലയാളം യുകെ

രണ്ട് യുവാക്കൾ നദിയിൽ അപകടത്തിൽപ്പെട്ടതിനെ തുടർന്ന് തിരച്ചിൽ ഊർജിതമാക്കി . നോർത്തംബർലാൻഡിലെ ടൈൻ നദിയിൽ ആണ് ദുരന്തം നടന്നിരിക്കുന്നത്. ശനിയാഴ്ച പുലർച്ചെ ഓവിംഗ്ഹാമിലെ ഓവിംഗ്ഹാം പാലത്തിന് സമീപമാണ് യുവാക്കൾ വെള്ളത്തിലിറങ്ങിയത്. ആംബുലൻസ്, പോലീസ്, ഫയർ ആൻഡ് റെസ്ക്യൂ സംഘങ്ങൾ ഉൾപ്പെടെയുള്ള എമർജൻസി സർവീസുകൾ നിലവിൽ സംഭവസ്ഥലത്ത് തിരച്ചിൽ നടത്തി കൊണ്ടിരിക്കുകയാണ് .

നദിയിൽ മുങ്ങിയ യുവാകുളുടെ ജീവനെ കുറിച്ച് കടുത്ത ആശങ്കയുണ്ടെന്നാണ് പുറത്തുവരുന്ന വിവരങ്ങൾ സൂചിപ്പിക്കുന്നത്. നിരവധി മുതിർന്ന ഉദ്യോഗസ്ഥരെയും പെഗ്‌സ്‌വുഡിൽ നിന്ന് രണ്ട് സ്വിഫ്റ്റ് വാട്ടർ റെസ്‌ക്യൂ യൂണിറ്റുകളെയും വിന്യസിച്ചതായി നോർതംബർലാൻഡ് ഫയർ ആൻഡ് റെസ്‌ക്യൂ സർവീസ് അറിയിച്ചു. പോലീസ്, ആംബുലൻസ് സർവീസ്, മൗണ്ടൻസ് റെസ്ക്യൂ സർവീസ് എന്നിവ സംയുക്തമായി രക്ഷാപ്രവർത്തനം നടത്തുകയാണ് എന്ന് ഒരു വക്താവ് അറിയിച്ചു.