ന്യൂയോര്‍ക്കില്‍ ട്രെയിന്‍ യാത്രയ്ക്കിടെ ഇന്ത്യന്‍ യുവതിയ്ക്ക് നേരെ ആഫ്രിക്കന്‍ അമേരിക്കന്‍ യുവാവിന്റെ വംശീയ അധിക്ഷേപം.ന്യൂയോര്‍ക്കില്‍ കഴിയുന്ന ഏക്താ ദേശായി ആണ് അധിക്ഷേപത്തിന് ഇരയായത്. ഫെബ്രുവരി 23ന് നടന്ന സംഭവത്തിന്റെ യുവതി ചിത്രീകരിച്ച വീഡിയോ പുറത്തുവന്നിട്ടുണ്ട്. വൈറലായ വീഡിയോ ഇതിനകം പതിനായിര കണക്കിന് ആളുകള്‍ കണ്ടു.
‘ഇവിടെ നിന്നു പുറത്തുപോകൂ, കറുപ്പിന്റെ കരുത്ത്’ എന്നീ വാക്കുകളോടെയാണ് എക്തയ്ക്ക് നേരെയുള്ള യുവാവിന്റെ അധിക്ഷേപം. തന്റെ വീഡിയോ ചിത്രീകരിക്കുന്നത് കണ്ട് യുവാവ് രോഷാകുലനാകുന്നതും പുറത്തുവന്ന വീഡിയോയില്‍ കാണാം.
യുവാവിന്റെ അധിക്ഷേപ പരാമര്‍ശങ്ങള്‍ക്കെതിരെ താന്‍ ഒരക്ഷരം പോലും പറഞ്ഞിരുന്നില്ല. പക്ഷെ എന്തിനാണ് ചിത്രം എടുക്കുന്നതെന്ന് ചോദിച്ച് വീണ്ടും ആക്രോശവും ചോദ്യം ചെയ്യലും തുടങ്ങി. സംഭവത്തില്‍ യുവതി പൊലീസില്‍ പരാതി നല്‍കി.
