ന്യൂസ് ഡെസ്ക്, മലയാളം യുകെ
ബ്രിട്ടനിൽ നിന്ന് ഏകദേശം 100 മൈൽ മാത്രം ദൂരമുള്ള ഒരു ദ്വീപ്. ഒട്ടേറെ പ്രത്യേകത ഉള്ളതാണ് ഈ സ്ഥലം. ഏറ്റവും പ്രധാനപ്പെട്ട കാര്യം ഇവിടെ ആർക്കും ഇൻകം ടാക്സും അനന്തരാവകാശ നികുതിയും അടയ്ക്കേണ്ടതില്ല. സാർക്ക് എന്ന ഈ കൊച്ചു ദ്വീപിൻറെ വിശേഷണം സോഷ്യൽ മീഡിയയിൽ വൈറലായി കൊണ്ടിരിക്കുകയാണ്.
സാർക്കിലെ താമസക്കാർ ആദായനികുതി, അനന്തരാവകാശ നികുതി, മൂലധന നേട്ട നികുതി അല്ലെങ്കിൽ വാറ്റ് എന്നിവ നൽകേണ്ടതില്ല. സാർക്കിൽ താമസിക്കുന്നവർ തങ്ങളുടെ വിശേഷങ്ങൾ മറ്റുള്ളവരുമായി പങ്കിടാൻ സാധാരണയായി ടിക്ടോക്ക് വീഡിയോകളാണ് ഉപയോഗിക്കുന്നത്. ഇവിടുത്തെ നികുതി ഫോം ഒരു പേജ് മാത്രമേയുള്ളൂ. അത് പൂർത്തിയാക്കാൻ 5 മിനിറ്റ് താഴെ മാത്രമേ സമയമെടുക്കുള്ളൂ. ഇവിടെ താമസക്കാർക്ക് അവരുടെ വീടിൻറെ വലുപ്പത്തിന്റെ അനുപാതികമായി ഒരു പ്രോപ്പർട്ടി ടാക്സും ഒരു ചെറിയ വ്യക്തിഗത മൂലധന നികുതിയും മാത്രമാണ് അടയ്ക്കേണ്ടതുള്ളൂ. ഇത്തരം ആനുകൂല്യങ്ങൾ നിരവധി പേരെയാണ് സാർക്കിലേയ്ക്ക് ആകർഷിക്കുന്നത്.
സാർക്കിലെ പ്രധാന വരുമാന മാർഗ്ഗം ടൂറിസമാണ്. മാർച്ച് മുതൽ ഒക്ടോബർ വരെയാണ് ഇവിടെ ടൂറിസ്റ്റ് സീസൺ. ഈ സമയത്ത് ഇവിടെ ഒട്ടേറെ ജോലി സാധ്യതകളുണ്ട്. മിക്കവയും ഹോസ്പിറ്റാലിറ്റി , വ്യാപാരം എന്നിവയുമായി ബന്ധപ്പെട്ട ജോലികൾ ആണുള്ളത്.
Leave a Reply