ലിസ മാത്യു, മലയാളം യു കെ ന്യൂസ്‌ ടീം
ബ്രിട്ടൻ :- പുക വലിക്കുന്നതിനായി കാറിൽ ആദ്യം എയർ ഫ്രഷ്നെർ ഉപയോഗിച്ചശേഷം സിഗരറ്റ് കത്തിച്ച വ്യക്തിയുടെ കാറിൽ തീ പടർന്നു. ഇംഗ്ലണ്ടിൽ വെസ്റ്റ് യോർക്ക്ഷൈറിലെ ഹാലിഫാക്സ് ടൗണിലാണ് സംഭവം നടന്നത്. ശനിയാഴ്ച ഉച്ചയ്ക്ക് ഏകദേശം മൂന്ന് മണിയോടെയാണ് കാറിന് തീപിടിച്ചത്. എയർ ഫ്രഷ്നെർ ഉപയോഗിച്ചപ്പോൾ ജനലുകൾ എല്ലാം തന്നെ അടച്ചിട്ടിരിക്കുകയായിരുന്നു. അതിനുശേഷം സിഗരറ്റ് കത്തിച്ചപ്പോൾ ഉണ്ടായ പുക തീപിടുത്തത്തിന് കാരണമായി.
കാറിന്റെ ജനലുകളും, അടുത്തുള്ള ഒരു കടയുടെ ജനലുകളും അപകടത്തിൽ തകർന്നിട്ടുണ്ട്. കാറിലുണ്ടായിരുന്ന വ്യക്തി നിസ്സാര പരിക്കുകളോടെ രക്ഷപ്പെട്ടു. എയർ ഫ്രഷ് നർ ഉപയോഗിക്കുമ്പോൾ മുൻകരുതൽ എടുക്കണമെന്ന നിർദ്ദേശം പോലീസിന്റെ ഭാഗത്തുനിന്ന് ഉണ്ടായിട്ടുണ്ട്. 2017- ൽ ഇതേ സംഭവം ആവർത്തിച്ചതാണ്.
Leave a Reply