ന്യൂസ് ഡെസ്ക്, മലയാളം യുകെ
ഈസ്റ്റ് ലണ്ടനിൽ ഒരു സ്ത്രീയ്ക്കും രണ്ടു കുട്ടികൾക്കും കുത്തേറ്റ സംഭവത്തിൽ ഒരാളെ അറസ്റ്റ് ചെയ്തതായി പോലീസ് അറിയിച്ചു. 30 വയസ്സ് പ്രായം തോന്നിക്കുന്ന ഒരു സ്ത്രീയെയും എട്ട് വയസ്സുള്ള പെൺകുട്ടിയെയും രണ്ട് വയസ്സുള്ള ആൺകുട്ടിയെയും ആണ് കുത്തേറ്റ നിലയിൽ കണ്ടെത്തിയത്.
കുത്തേറ്റ മൂന്നുപേരും ആശുപത്രിയിൽ തുടരുകയാണെന്ന് മെട്രോപൊളിറ്റൻ പോലീസ് പറഞ്ഞു. പെൺകുട്ടിയുടെ പരിക്കുകൾ സാരമുള്ളതല്ലെന്നാണ് റിപ്പോർട്ടുകൾ. എന്നാൽ മറ്റ് രണ്ടുപേരുടെയും ആരോഗ്യസ്ഥിതിയെ കുറിച്ചുള്ള വിവരങ്ങൾ പുറത്തുവന്നിട്ടില്ല . കൊലപാതകം നടത്തിയെന്ന് സംശയിക്കുന്ന ആളെ അറസ്റ്റ് ചെയ്തതായും ഇയാളെ പിന്നീട് ആശുപത്രിയിൽ പ്രവേശിപ്പിച്ച് കസ്റ്റഡിയിൽ വിട്ടതായും പോലീസ് അറിയിച്ചു.
Leave a Reply