ലിസ മാത്യു, മലയാളം യു കെ ന്യൂസ്‌ ടീം
ബ്രിട്ടൻ :- ക്രിസ്മസ് കാലത്തെ ജനങ്ങളിൽ ആശങ്ക പടർത്തി വർധിച്ചുവരുന്ന ഫ്ലൂ രോഗം. ഈ രോഗത്തിന്റെ വൈറസുകൾ ജനങ്ങളിൽ വ്യാപിച്ചു തുടങ്ങിയതായി ഡോക്ടർമാർ പറഞ്ഞു. ഇതുവരെയും വാക്സിനേഷൻ എടുക്കാത്തവർ എത്രയും വേഗം എടുക്കണമെന്ന് വിദഗ്ധർ നിർദ്ദേശം നൽകിയിട്ടുണ്ട്. കുട്ടികളിലാണ് ഈ രോഗം ഏറ്റവും സുലഭമായി കാണുന്നത്. കുട്ടികളോടൊപ്പം തന്നെ, പ്രായമുള്ളവരിലും ഈ രോഗം പടരാനുള്ള സാധ്യത ഏറെയാണ്.
65 വയസ്സിന് മുകളിൽ പ്രായമുള്ളവർക്കും, ഗർഭിണികൾക്കും, കെയർ ഹോമുകളിൽ താമസിക്കുന്നവർക്കും മറ്റും വാക്സിനേഷൻ സൗജന്യമായി ലഭിക്കുന്നതാണ്. പബ്ലിക് ഹെൽത്ത് ഇംഗ്ലണ്ടും, എൻ എച്ച് എസും ആവശ്യമായ മുന്നറിയിപ്പുകൾ നൽകുന്നുണ്ട്.
രോഗം പടരുന്ന കാലം ആകയാൽ എല്ലാവരും മുൻകരുതൽ എടുക്കണമെന്ന് എൻഎച്ച്എസ് നാഷണൽ മെഡിക്കൽ ഡയറക്ടർ പ്രൊഫസർ സ്റ്റീഫൻ അറിയിച്ചു. പിഞ്ചു കുഞ്ഞുങ്ങളുടെ മാതാപിതാക്കൾ എത്രയുംവേഗം കുട്ടികളെ വാക്സിനേഷന് വിധേയരാക്കണം എന്ന് അദ്ദേഹം പറഞ്ഞു.
Leave a Reply