ചാർജ് ചെയ്യാനിട്ട ബാറ്ററി പൊട്ടിത്തെറിച്ച് പന്ത്രണ്ടുകാരന് ദാരുണാന്ത്യം. മധ്യപ്രദേശിലാണ് സംഭവം നടന്നത്. ഫോണിലെ ബാറ്ററി ഊരി മാറ്റി പ്രത്യേകം ചാർജറിൽ ഘടിപ്പിച്ച് ചാർജ് ചെയ്യുമ്പോഴാണ് അപകടം സംഭവിച്ചത്.

കുട്ടിയുടെ മുഖത്തും നെഞ്ചിലുമാണ് പരുക്കേറ്റത്. പരുക്കേറ്റ കുട്ടിയെ ഉടൻ തന്നെ ആശുപത്രിയിലെത്തിച്ചെങ്കിലും രക്ഷിക്കാനായില്ല. പൊലീസ് കേസെടുത്ത് അന്വേഷിക്കുന്നുണ്ട്.

പൊട്ടിത്തെറി ശബ്ദം കേട്ടെത്തിയ ബന്ധുക്കൾ ബോധരഹിതനായി നിലത്ത് കിടക്കുന്ന കുട്ടിയെയാണ് കണ്ടത്. മൊബൈൽ ബാറ്ററിയും ചാർജറും പൂർണമായും തകർന്നിട്ടുണ്ട്. മാസങ്ങൾക്ക് മുൻപ് ഹൈദരാബാദിൽ സ്കൂട്ടർ യാത്രക്കിടെ മൊബൈൽ ഫോൺ പെട്ടിത്തെറിച്ച് യുവാവിന് പരുക്കേറ്റിരുന്നു