ന്യൂസ് ഡെസ്ക് മലയാളം യുകെ ന്യൂസ്
ലണ്ടൻ: പുതിയ വാഹനം വാങ്ങാൻ ആഗ്രഹിക്കുന്നവർ നിർബന്ധമായും അറിഞ്ഞിരിക്കേണ്ട നിർണായക പ്രഖ്യാപനവുമായി മോട്ടോർ വാഹന വകുപ്പ് രംഗത്ത്. മുൻ വർഷങ്ങളിൽ പുതിയ ഒരു വാഹനത്തിന് മൂന്ന് വർഷത്തെ എം ഒ ടി ആയിരുന്നു ആവശ്യം ഉണ്ടായിരുന്നത്. എന്നാൽ വാഹന നിർമാണ രംഗത്ത് സാങ്കേതികവിദ്യ കൈവരിച്ചിരിക്കുന്ന വളർച്ചയെയും പലതരത്തിലുള്ള ഇലക്ടറിക്‌ വാഹനങ്ങൾ വിപണിയിൽ ലഭ്യമാകുന്നതിനെ തുടർന്നുമാണ് ഈ നീക്കമെന്നാണ് പുറത്ത് വരുന്ന വിവരം.
പുതിയ വാഹനങ്ങൾക്കായുള്ള ആദ്യ എം ഒ ടിയുടെ തീയതിയും മലിനീകരണം തടയാൻ കൈകൊള്ളേണ്ട തീരുമാനവും എടുക്കാൻ വിദഗ്ധ സമിതിയ്ക്ക് ഇതിനോടകം തന്നെ രൂപം നൽകിയിട്ടുണ്ട്. റോഡിൽ വാഹനത്തിന്റെ പെർഫോമൻസ് എങ്ങനെയാണ് എന്നതും ഇതിൽ വിലയിരുത്തും. നിലവിൽ എം ഒ ടിയ്ക്ക് ശരാശരി £40 ചിലവാകുമെന്നാണ് കരുതുന്നത്. ഇതിലൂടെ ഗ്രേറ്റ് ബ്രിട്ടനിലുടനീളം വാഹനമോടിക്കുന്നവർക്ക് പ്രസ്തുത ഫീസിൽ പ്രതിവർഷം വലിയൊരു തുക ലഭിക്കാൻ സാധിക്കുമെന്നും വിദഗ്ധർ ചൂണ്ടിക്കാട്ടുന്നു.
ഇതിനു പുറമെ എം ഒ ടി സംവിധാനത്തിൽ ഉണ്ടാകുന്ന നിർണായക മാറ്റങ്ങൾ വാഹനമോടിക്കുന്ന ആളുകളെ അറിയിക്കാനും വാഹനങ്ങൾ ഗതാഗതയോഗ്യമാക്കുന്നതിനുള്ള ഉത്തരവാദിത്തത്തെക്കുറിച്ച് അവരെ ഓർമ്മിപ്പിക്കുന്നതിനുമായി ഗതാഗത വകുപ്പിന്റെയും ഡി.വി.എസ്.എ-യുടെയും നേതൃത്വത്തിൽ വിവിധ ക്യാമ്പയിനുകൾ ആരംഭിച്ചിട്ടുണ്ട്. ഇതിലൂടെ പൊതുഗതാഗത രംഗത്ത് മറ്റ് രാജ്യങ്ങളെക്കാൾ യുകെ മേൽകൈ കൈവരിക്കുമെന്നാണ് വിഷയത്തിൽ നിരീക്ഷകർ അഭിപ്രായപ്പെടുന്നത്. മൂന്ന് വർഷം എന്നുള്ളത് നാല് വർഷം ആക്കി മാറ്റിയത് വാഹനങ്ങളുടെ സുരക്ഷയെ കരുതിയാണെന്നാണ് വകുപ്പ് ഉദ്യോഗസ്ഥർ പറയുന്നത്.
Leave a Reply