ന്യൂസ് ഡെസ്ക്, മലയാളം യുകെ
ഏപ്രിൽ 27 ന് ന്യൂകാസിൽ സിറ്റി സെൻ്ററിൽ രാത്രിയിൽ 18 വയസ്സുള്ള ഒരു സ്ത്രീ ബലാത്സംഗം ചെയ്യപ്പെട്ട സംഭവത്തിൽ കൂടുതൽ വഴിത്തിരിവുമായി നോർത്തുംബ്രിയ പോലീസ്. ആക്രമണത്തിന് ഇരയായ പെൺകുട്ടി സംഭവത്തിന് മുൻപ് ഒരു പുരുഷനുമായി കണ്ടുമുട്ടിയെന്ന് പോലീസ് അധികൃതർ പറയുന്നു. ഇരുവരും കണ്ടുമുട്ടിയതിന് പിന്നാലെ പുലർച്ചെ 1:00 നും 1:30 നും ഇടയിലാണ് സംഭവം നടന്നതെന്ന് പറയപ്പെടുന്നു. ഈ സമയം പ്രദേശത്ത് സംശയാസ്പദമായ സാഹചര്യത്തിൽ കണ്ടെത്തിയ ഒരു യുവാവിൻെറ ചിത്രം പോലീസ് പുറത്ത് വിട്ടിട്ടുണ്ട്. ഇയാളെ കുറിച്ചുള്ള അന്വേഷണം നടന്നുവരികയാണ്.
ആക്രമണത്തെ സംബന്ധിച്ചുള്ള കൂടുതൽ വിവരങ്ങൾ നൽകാൻ പോലീസ് പുറത്ത് വിട്ട ചിത്രത്തിലെ ആൾക്ക് കഴിയുമെന്ന് നോർത്തുംബ്രിയ പോലീസ് പറഞ്ഞു. ആക്രമണത്തിന് ഇരയായ പെൺകുട്ടിക്ക് പ്രത്യേക പരിശീലനം ലഭിച്ച ഉദ്യോഗസ്ഥരിൽ നിന്ന് പിന്തുണ ലഭിക്കുന്നുണ്ടെന്നും സംഭവത്തിൽ അന്വേഷണം നടന്നുകൊണ്ടിരിക്കുകയാണെന്നും പോലീസ് അറിയിച്ചു.
Leave a Reply