സലിസ്‌ബെറിയിൽ മലയാളികളുടെ കൂട്ടായ്മയായ ചലഞ്ചേഴ്സ് ക്ലബ്ബിന്റെ നേതൃത്വത്തിൽ ഓണാഘോഷ പരിപാടികൾ നടന്നു. “ചലഞ്ചേഴ്സ് സലിസ്ബറി ക്ലബ്‌ ഓണം 2024” വിപുലമായ പരിപാടികളോടെയാണ് സംഘടിപ്പിച്ചത്. അതി മനോഹരമായ അത്തപ്പൂക്കളം ഒരുക്കി കേരളീയ ശൈലിയിൽ ഓണക്കോടിയുടുത്ത് ക്ളബ്ബംഗങ്ങൾ മാവേലിയെ വരവേറ്റു. കുട്ടികളും മുതിർന്നവരും പലവിധ ഓണക്കളികളിൽ ആവേശപൂർവ്വം പങ്കെടുത്തു. തുടർന്ന് വിഭവസമൃദ്ധമായ ഓണസദ്യയും വടംവലി മത്സരവും നടന്നു.

മത്സര വിജയികൾക്ക് വിശിഷ്ട വ്യക്തികൾ സമ്മാനദാനം നിർവഹിച്ചു. രാത്രി ഭക്ഷണവും ഡിജെ പാർട്ടിയും ഓണാഘോഷത്തിൻ്റെ ഭാഗമായി ഒരുക്കിയിരുന്നു.