കൈയേറ്റവും ഒഴിപ്പിക്കലുമായി വാര്‍ത്തകളില്‍ നിറഞ്ഞുനില്‍ക്കുന്ന ഇടുക്കിയിലെ പാപ്പാത്തിച്ചോല, ആരുടെയും മനസ് കൈയേറുന്ന സുന്ദരഭൂമിയാണ്. മൂന്നാറില്‍ നിന്ന് 30 കിലോമീറ്റര്‍ അകലെ നാഗമലയും കൊളുക്കുമലയും അതിരിടുന്ന മനോഹരമായ പുല്‍മേട്. നോക്കെത്താ ദൂരത്തോളം പശ്ചിമഘട്ടത്തിന്റെ സൗന്ദര്യം ആവാഹിച്ച മഞ്ഞുമൂടിയ മലമുകള്‍.
ചിന്നക്കനാല്‍ പഞ്ചായത്തിലെ സൂര്യനെല്ലിയില്‍ നിന്ന് ഏഴു കിലോമീറ്റര്‍ അകലെയാണ് പാപ്പത്തിച്ചോല സ്ഥിതി ചെയ്യുന്നത്. ഹാരിസണ്‍ കമ്പനിയുടെ ഏലം, തേയില തോട്ടങ്ങള്‍ക്കിടയിലൂടെയുള്ള പാതയിലൂടെ വേണം മലമുകളില്‍ എത്താന്‍. പ്രദേശത്തെ ഉയരം കൂടിയ മേഖലയാണിത്.
വിശാലമായ പുല്‍മേടുകളാല്‍ സമൃദ്ധമായ പാപ്പാത്തിച്ചോലയില്‍ നിന്നാല്‍ ബോഡിമെട്ട്, ചിന്നക്കനാല്‍ എന്നിവിടങ്ങളിലെ നയനമനോഹരമായ കാഴ്ചകള്‍ കാണാം. മലയുടെ മുകളില്‍ നിന്ന് ഉത്ഭവിക്കുന്ന ചോലയ്ക്കു സമീപം പാപ്പാത്തി എന്ന മുത്തശ്ശി താമസിച്ചിരുന്നു എന്നാണ് പേരിനു പിന്നിലെ നാട്ടുകഥ.
Leave a Reply