ഉണ്ണികൃഷ്ണൻ ബാലൻ
സമീക്ഷ യുകെ ദേശീയ സമ്മേളനത്തിന്റെ മുന്നോടിയായി സമീക്ഷ ഗ്ലോസ്‌റ്റർ ഷെയർ ബ്രാഞ്ചിന്റെ പ്രതിനിധി സമ്മേളനം ഒക്ടോബർ 2 ശനിയാഴ്ച്ച നടന്നു. മുൻ ഭരണ സമിതി പ്രസിഡന്റ് സഖാവ് ലോറൻസ് പെല്ലിശ്ശേരി അധ്യക്ഷത വഹിച്ച സമ്മേളനം,സമീക്ഷ നാഷണൽ സെക്രട്ടറി സഖാവ് ദിനേശ് വെള്ളാപ്പള്ളി ഉദ്‌ഘാടനം ചെയ്തു . മുൻ ബ്രാഞ്ച് സെക്രട്ടറി സഖാവ് സനോജ് മാത്യു,കഴിഞ്ഞ ഭരണ സമിതിക്കു വേണ്ടി റിപ്പോർട്ട് അവതരിപ്പിച്ചു.
അടുത്ത രണ്ട് വർഷത്തേയ്ക്ക് ലോറൻസ് പല്ലശ്ശേരി (പ്രസിഡന്റ് ), സാം (സെക്രട്ടറി), അഡ്വക്കേറ്റ് ചാൾസ് വർഗീസ് (വൈസ് പ്രസിഡന്റ് ), ജിനീഷ് (ജോയിൻ സെക്രട്ടറി), ജോയ് ജൂഡ് ( ട്രഷറർ ) എന്നിവർ അടങ്ങുന്ന പുതിയ ഭരണ സമിതിയെ ഏകകണ്ഠേന തെരഞ്ഞെടുത്തു.
ഇരുപത്തഞ്ചോളം പേർ പങ്കെടുത്ത സമ്മേളനത്തിൽ സമീക്ഷ യുകെയുടെ കഴിഞ്ഞ ഒരുവർഷത്തെ പ്രവർത്തനങ്ങൾ ദേശീയ സെക്രട്ടറി സഖാവ് ദിനേശ് വെള്ളാപ്പള്ളി വിശദീകരികയും കഴിഞ്ഞ ഒരു വർഷകാലം ഗ്ലോസ്‌റ്റ്ർ ഷെയർ ബ്രാഞ്ച് സമീക്ഷ യുകെയ്ക്ക് നൽകിയ പിന്തുണയ്ക്ക് നന്ദി അറിയിക്കുകയും ചെയ്തു . മുഖ്യമന്ത്രിയുടെ ദുരിതാശ്വാസ നിധിയിലേക്ക് പണം കണ്ടെത്താൻ സമീക്ഷ യുകെ നടത്തിയ ബിരിയാണി മേളയിൽ ഏറ്റവും കൂടുതൽ സംഭാവന നൽകിയ ബ്രാഞ്ചാണ് ഗ്ലോസ്‌റ്റർ ഷെയർ ബ്രാഞ്ച്, അതിൽ പങ്കെടുത്ത എല്ലാ സഖാക്കളോടും, സുഹൃത്തുക്കളോടും പ്രത്യേകിച്ചും ആദ്യം മുതൽ അവസാനം വരെ സജീവമായി നിന്ന വനിതാ സഖാക്കളോടും ഉള്ള നന്ദി സമീക്ഷ ദേശീയ കമ്മിറ്റിക്കു വേണ്ടി ദേശീയ സെക്രട്ടറി അറിയിച്ചു. സമീക്ഷ യുകെയുടെ മുമ്പോട്ടുള്ള പ്രവർത്തനങ്ങൾക്കും വരാൻ പോകുന്ന ദേശീയ സമ്മേളനത്തിനും യോഗം പൂർണ്ണ പിന്തുണ അറിയിച്ചു.
അടുത്ത രണ്ട് വർഷ കാലത്തേയ്ക്ക് ഇതിലും മികവുറ്റ പ്രവർത്തനങ്ങൾ നടത്തുവാൻ സാധിക്കുമെന്ന ഉറപ്പോടെ, എല്ലാവിധ പിന്തുണയും സഹകരണവും മുഴുവൻ അംഗങ്ങളിൽ നിന്നും പ്രതീക്ഷിച്ചുകൊണ്ട് , എല്ലാവർക്കും സ്നേഹാഭിവാദ്യങ്ങളുമായി യോഗം .
Leave a Reply