*സമീക്ഷ STEPS 2020* യ്ക്ക് മാഞ്ചസ്റ്ററിൽ   ഈ വാരാന്ത്യത്തിൽ  തിരശീല ഉയരും. ഉദ്‌ഘാടനത്തിനുള്ള ഒരുക്കങ്ങൾ പൂർത്തിയായതായി സംഘാടകർ അറിയിച്ചു. ഫെബ്രുവരി 16 ഞായറാഴ്ച  ഉച്ചയ്ക്ക് 1 മണി മുതൽ 6 മണി വരെയാണ് *STEPS 2020* അരങ്ങേറുന്നത്.
8 വയസ്സിനും 18 വയസ്സിനും ഇടയിലുള്ള കുട്ടികൾക്ക് കോൺഫിഡൻസ് ബിൽഡിംഗ്‌, പേഴ്സണാലിറ്റി ഡെവലെപ്മെന്റ്,  കരിയർ ഗൈഡൻസ്,  കമ്മ്യൂണിക്കേഷൻ സ്‌കിൽസ്  തുടങ്ങിയ മേഖലകളിൽ പരിശീലനം നൽകാൻ വേണ്ടി സമീക്ഷ UK ആവിഷ്കരിച്ച പ്രോഗ്രാം ആണ് STEPS 2020. സമീക്ഷ UK യുടെ മാഞ്ചസ്റ്റർ ബ്രാഞ്ച് ആണ് ഉദ്‌ഘാടന  പരിപാടിയുടെ സംഘാടകർ.
കുട്ടികളുടെ മനഃശാസ്ത്ര മേഖലയിൽ വിദഗ്ധയും എഴുത്തുകാരിയും  ഷെഫീൽഡ് ചിൽഡ്രൻസ് ഹോസ്പിറ്റലിൽ കോൺസൾട്ടന്റുമായ  Dr.  സീന പ്രവീൺ ( Pediatric psychatrist), കോച്ചിംഗ് മേഖലയിൽ പ്രഗത്ഭൻ ആയ Paul Connolli ( former psychologist, England hockey team) എന്നിവർ ക്ലാസുകൾ എടുക്കുകയും കുട്ടികളുടെയും മാതാപിതാക്കളുടെയും സംശയങ്ങൾക്ക് മറുപടി പറയുമായും ചെയ്യും.
കോച്ചിംഗ് മേഖലയിൽ പ്രശസ്തരും നിരവധി പുരസ്‌കാരങ്ങളും നേടിയിട്ടുള്ള  മലയാളി ദമ്പതികളായ ജിജു സൈമൺ,  സീമ സൈമൺ, ലോകകേരളസഭാംഗവും വിദ്യാർത്ഥികളുടെയും യുവജനങ്ങളുടെയും ഇടയിൽ പ്രവർത്തിച്ചു മികവ് തെളിയിച്ച ആഷിക് മുഹമ്മദ്‌ നാസർ എന്നിവരുടെ നേത്രത്വത്തിൽ കുട്ടികൾക്കും മുതിർന്നവർക്കുമായി ടീം ബിൽഡിംഗ്‌ ഗെയിംസ് , മൈൻഡ് ഗെയിംസ് തുടങ്ങിയ രസകരമായ ഇനങ്ങളും STEPS 2020 യിൽ ഉൾപ്പെടുത്തിയിട്ടുണ്ട്.
നിരവധി മേഖലകളിൽ മികവ് തെളിയിച്ച കുട്ടികളെ ആദരിക്കാനും പങ്കെടുക്കുന്ന കുട്ടികൾക്ക് അവരുമായി ആശയവിനിമയം നടത്താനും ഉതകുന്ന *Meet the Stars* പരിപാടിയും ഉൾപ്പെടുത്തിയിട്ടുണ്ട്.
പരിപാടിക്ക് മികച്ച പ്രതികരണം ആണ് മാഞ്ചെസ്റ്റിറിലും സമീപപ്രദേശങ്ങളിൽ നിന്നും ലഭിക്കുന്നതെന്ന്‌ സംഘാടകർ പറഞ്ഞു.
സമീക്ഷ ദേശിയ സെക്രട്ടറി   ദിനേശ് വെള്ളാപ്പള്ളിയും  പ്രസിഡന്റ്‌ സ്വപ്ന പ്രവീണും മറ്റു ഭാരവാഹികളും ചടങ്ങിൽ സംബന്ധിക്കും.
STEPS 2020 കുട്ടികൾക്കും  മാതാപിതാക്കൾക്കും വളരെയേറെ ഉപയോഗപ്രദമാകുന്ന രീതിയിൽ ആണ് രൂപകൽപ്പന ചെയ്തിട്ടുള്ളതെന്നു സമീക്ഷ ഭാരവാഹികൾ അറിയിച്ചു. UK യുടെ മറ്റു പ്രദേശങ്ങളിലും STEPS 2020യുടെ സെഷനുകൾ നടത്താൻ സമീക്ഷ നേത്രത്വം തീരുമാനിച്ചിട്ടുണ്ട്.