ഗ്രേറ്റ് ബ്രിട്ടൻ സീറോ മലബാർ രൂപതയുടെ കീഴിലുള്ള ഏറ്റവും വലിയ മിഷൻ സെന്റർ ആയ പരുശുദ്ധ നിത്യ സഹായമാതാവിന്റെ നാമധേയത്തിൽ സ്ഥാപിതമായ സ്റ്റോക്ക് ഓൺ ട്രെൻഡ് മിഷൻ സെന്ററിന്റെ പ്രഥമ ഇടവകദിനം ജനുവരി 26ന്.
രാവിലെ 10 മണിയ്ക്ക് കിംഗ്സ് ഹാളിൽ വച്ച് ഗ്രേറ്റ് ബ്രിട്ടൻ രൂപതാ ബിഷപ്പ് മാർ ജോസഫ് സ്രാമ്പിക്കൽ പിതാവിന്റെ മുഖ്യകാർമികത്വത്തിൽ ദിവ്യബലി അർപ്പിക്കുന്നു. തുടർന്ന് ഫാദർ ജോർജ് എട്ടുപറയിലിന്റെ അധ്യക്ഷതയിൽ ചേരുന്ന പൊതുയോഗം മാർ ജോസഫ് സ്രാമ്പിക്കൽ പിതാവ് ഉദ്ഘാടനം ചെയ്യുന്നു. അതിനുശേഷം സ്നേഹവിരുന്നും ഉണ്ടായിരിക്കുന്നതാണ്.
കഴിഞ്ഞ ഒരു വർഷക്കാലം ഇടവകാംഗങ്ങൾ പങ്കെടുത്ത കലാകായിക മത്സരങ്ങളുടെയും ആധ്യാത്മിക മത്സരങ്ങളുടെയും സമ്മാനദാനം ഉണ്ടായിരിക്കുന്നതാണ്. സ്റ്റോക്ക് ഓൺ ട്രെൻഡ് മിഷൻ സെന്ററിലെ ഇടവക അംഗങ്ങൾ അവതരിപ്പിക്കുന്ന കലാവിരുന്നും ഉണ്ടായിരിക്കുന്നതാണ്. പരിപാടിയുടെ സുഗമമായ നടത്തിപ്പിനായി വിവിധ കമ്മിറ്റികൾ രൂപീകരിച്ചിരിക്കുന്നതായി ട്രസ്റ്റിമാർ അറിയിച്ചു .
Leave a Reply