ദില്ലി: ഇന്ത്യൻ വ്യോമസേനയുടെ സുഖോയ് യുദ്ധവിമാനം തകർന്നുവീണതായി റിപ്പോർട്ടുകൾ. സുഖോയ്–30 എംകെഐ യുദ്ധവിമാനം റഡാറിൽ നിന്ന് ബന്ധം നഷ്ടമായതായി പ്രതിരോധ വകുപ്പ് അറിയിച്ചു. വിമാനവുമായി ബന്ധം നഷ്ടപ്പെട്ടതിനെ തുടർന്ന് തിരച്ചിൽ നടപടികൾ ആരംഭിച്ചതായി ഗുവാഹത്തി പ്രതിരോധ പിആർഒ അറിയിച്ചു.
ഇന്ന് വൈകിട്ട് ഏഴുമണിയോടെയാണ് സംഭവം ഉണ്ടായത്. അസമിലെ കർബി ആംഗ്ലോങ് മേഖലയ്ക്ക് സമീപമായാണ് വിമാനവുമായി ബന്ധം നഷ്ടമായതെന്ന് വിവരം. പ്രദേശത്ത് വ്യാപകമായ പരിശോധനയും തിരച്ചിലും വ്യോമസേന ആരംഭിച്ചിട്ടുണ്ട്.
വിമാനത്തിന്റെ പൈലറ്റിനെക്കുറിച്ചും വ്യക്തമായ വിവരങ്ങൾ ലഭ്യമായിട്ടില്ല. പൈലറ്റിനെ കണ്ടെത്തുന്നതിനായി രക്ഷാപ്രവർത്തനം ശക്തമാക്കിയിരിക്കുകയാണ്. സംഭവത്തെക്കുറിച്ച് വ്യോമസേന വിശദമായ അന്വേഷണം നടത്തുമെന്ന് അധികൃതർ അറിയിച്ചു.
Leave a Reply