നോർത്തിന്റെ ക്യാപിറ്റലായി അറിയപ്പെടുന്ന ലീഡ്‌സിലെ മലയാളി സമൂഹം ഓണാഘോഷത്തിനുള്ള ഒരുക്കങ്ങൾ പൂർത്തിയാക്കി കഴിഞ്ഞു. “പൊന്നോണം ‘23” ആർപ്പുവിളികളുടെ ശിങ്കാരിമേളത്തോടെ മാവേലി മന്നനെ വരവേൽക്കാൻ ലീഡ്സ് മലയാളികളും ഒരുങ്ങിക്കഴിഞ്ഞു.

ലീഡ്സ് മലയാളി അസ്സോസിയേഷന്റെ ഈ വർഷത്തെ ഓണാഘോഷം “പൊന്നോണം ‘23 “ സെപ്റ്റംബർ 2-)0 തീയതി ഈസ്റ്റെന്റ് പാർക്കിൽ വച്ച് നടത്തപ്പെടുന്നു. തൂശനിലയിൽ വിഭവസമൃദ്ധമായ ഓണസദ്ധൃക്ക് ശേഷം
ശിങ്കാരിമേളത്തോടെ മാവേലിമന്നനെ വരവേൽക്കും.തുടർന്ന് വിവിധ കലാപരിപടികളാൽ സമ്പുഷ്ടമായിരിക്കും ഈ വർഷത്തെ ഓണാഘോഷം പൊന്നോണം ‘23. ലീഡ്സ് മലയാളി അസോസിയേഷൻ നടത്തുന്ന ഓണാഘോഷ പരിപാടിയിലേയ്ക്ക് ലീഡ്‌സിലും സമീപപ്രദേശങ്ങളിലും ഉള്ള  എല്ലാ മലയാളികളെയും സ്വാഗതം ചെയ്യുന്നതായി പ്രസിഡൻറ് സാബു ഘോഷ് അറിയിച്ചു.