ഡെറി സെന്റ് മേരീസ് ഇടവകയിലെ പരിശുദ്ധ കന്യാമറിയത്തിന്റെ ശുദ്ധീകരണത്തിന്റെയും ഉണ്ണിയേശുവിന്റെ ദേവാലയ സമര്‍പ്പണത്തിന്റെയും അനുസ്മരണാര്‍ത്ഥം ആണ്ട് തോറും നടത്തി വരുന്ന ദര്‍ശന തിരുനാള്‍, നോര്‍ത്തേണ്‍ അയര്‍ലണ്ടിന്റെ നാനാഭാഗങ്ങളില്‍ നിന്നുളള വിശ്വാസികളുടെ നിറസാനിധ്യം കൊണ്ട് വര്‍ണാഭമായി. അയര്‍ലന്‍ഡില്‍ നിന്നുളള ഫ.സിജു തുരുത്തിയിലിന്റെ കാര്‍മികത്വത്തില്‍ നടന്ന ആഘോഷമായ ദിവ്യബലിയില്‍ മോണ്‍ ആന്റണി പെരുമായറും ഇടവക വികാരി ഫാ.ജോസഫ് കറുകയിലും സഹകാര്‍മികത്വം വഹിച്ചു. വിശ്വമാതാ കമ്യൂണിക്കേഷന്‍സ് ഒരുക്കിയ ചെറു കലാസദ്യ ആഘോഷത്തിന് മാറ്റുകൂട്ടി.
