ന്യൂസ് ഡെസ്ക് മലയാളം യുകെ
സൗത്ത് ലണ്ടനിൽ തീ പിടിച്ച സംഭവത്തിൽ മരണം മൂന്നായതായി പോലീസ്. വെള്ളിയാഴ്ച രാത്രിയാണ് ക്രോയ്‌ഡോണിൽ രണ്ട് നില കെട്ടിടത്തിൽ തീ പിടിച്ചത്. സംഭവ സ്ഥലത്ത് തീപിടിത്തം ഉണ്ടായതിന് പിന്നാലെ രണ്ട് പേർ മരിച്ചതായി പോലീസ് അറിയിച്ചിരുന്നു. മുപ്പത് വയസ്സുള്ള ഒരാളെ ആശുപത്രിയിൽ എത്തിച്ചെങ്കിലും ഇന്നലെ ഉച്ചയോടെ മരിക്കുകയായിരുന്നു. തീ പിടിത്തത്തിന് പിന്നാലെ ആശുപത്രിയിൽ പ്രവേശിപ്പിച്ച ഒരാളെ ഡിസ്ചാർജ് ചെയ്‌തു. മറ്റൊരാൾ ഗുരുതര പരുക്കുകളുമായി ആശുപത്രിയിൽ ആണ്.
മരിച്ചവരും ആശുപത്രിയിൽ പ്രവേശിപ്പിച്ചവരും പോളിഷ് പൗരന്മാരാണെന്ന് പോലീസ് അറിയിച്ചു. തീപിടിത്തത്തിന്റെ കാരണം പോലീസും ലണ്ടൻ അഗ്നിശമന സേനയും അന്വേഷിച്ചുവരികയാണ്. മരിച്ചവരുടെ കൂടുതൽ വിവരങ്ങൾ കണ്ടെത്താനുള്ള ശ്രമത്തിലാണ് പോലീസ് ഇപ്പോഴെന്ന് സൗത്ത് ഏരിയ ബേസിക് കമാൻഡ് യൂണിറ്റിലെ (ബിസിയു) ചീഫ് ഇൻസ്‌പെക്ടർ ഇമ്രാൻ അസ്ഗർ പറഞ്ഞു.
Leave a Reply