ന്യൂസ് ഡെസ്ക് മലയാളം യുകെ

പസഫിക് കടലിനടിയിൽ വൻ അഗ്നിപർവത സ്ഫോടനത്തെ തുടർന്ന് ടോംഗയുടെ തീരത്ത് സുനാമി രൂപപ്പെട്ടു. 4 അടിയോളം ഉയരത്തിലാണ് തീരത്തേയ്ക്ക് തിരമാലകൾ അടിച്ചുകയറിയത് . കടൽത്തീരത്ത് താമസിച്ചിരുന്നവർ ഉയർന്ന സ്ഥലങ്ങളിലേയ്ക്ക് പാലായനം ചെയ്തതായാണ് റിപ്പോർട്ടുകൾ .

ഔദ്യോഗിക സമയം 5. 10 -ന് ഉണ്ടായ അഗ്നിപർവ്വത സ്ഫോടനം ആണ് സുനാമിക്ക് കാരണമായത് . ഏകദേശം 20 മിനിറ്റിനു ശേഷം ടോംഗയുടെ തീരദേശ പ്രദേശത്തെ വീടുകളും വാഹനങ്ങളും റോഡുകളും സുനാമി തകർത്തതായായാണ് റിപ്പോർട്ടുകൾ. അഗ്നിപർവ്വത സ്ഫോടനത്തിൻെറ ശബ്ദം ബോംബ് സ്ഫോടന ശബ്ദമായാണ് ആദ്യം കരുതിയത്. സ്ഫോടന ശബ്ദം ആയിരക്കണക്കിന് മൈൽ ദൂരേയ്ക്ക് കേൾക്കാമായിരുന്നു . ന്യൂസിലാൻഡ്, ഫിജി, അമേരിക്കൻ സമോവ എന്നിവിടങ്ങളിലെ തീര പ്രദേശങ്ങളിലും മുന്നറിയിപ്പ് നൽകിയിരുന്നു.