ന്യൂസ് ഡെസ്ക് മലയാളം യുകെ ന്യൂസ്
ലണ്ടൻ: വാഹനാപകടത്തിൽ രണ്ട് എൻ എച്ച് എസ് നേഴ്സുമാർക്ക് ദാരുണാന്ത്യം. യുഎസിൽ അവധിക്കാലം ആഘോഷിക്കുന്നതിനിടെയിലാണ് ദാരുണമായ സംഭവം. പോർച്ചുഗീസ് പൗരന്മാരായ ടാറ്റിയാന ബ്രാൻഡോ (30), റാക്വൽ മൊറേറ (28) എന്നിവരാണ് മരിച്ചത്. ഇരുവരും യൂണിവേഴ്സിറ്റി ഹോസ്പിറ്റൽ സതാംപ്ടണിൽ ജോലി ചെയ്യുന്നവരായിരുന്നു.
ഫെബ്രുവരി 3 -ന് അരിസോണയിലെ ഗ്രാൻഡ് കാന്യോണിന് സമീപം ജീപ്പും ബസും തമ്മിൽ കൂട്ടിയിടിക്കുകയായിരുന്നു. ഇരുവരുടെയും മരണവാർത്ത പുറത്ത് വന്നതിനു പിന്നാലെ അനുശോചനം അറിയിച്ചു കൊണ്ട് നിരവധി ആളുകൾ രംഗത്ത് വരുന്നുണ്ട്. സ്നേഹനിധികളായ സഹപ്രവർത്തകർ ആയിരുന്നു ഇരുവരുമെന്നും, മരണവാർത്ത ഞെട്ടിക്കുന്നവന്നും അവർ പറഞ്ഞു.
ഏഴും അഞ്ചും വർഷം മുൻപാണ് ഇരുവരും ജോലിയിൽ പ്രവേശിച്ചത്. നല്ല ഭാവി ഉള്ളവർ ആയിരുന്നു രണ്ടുപേരുമെന്ന് ട്രസ്റ്റിന്റെ ചീഫ് നേഴ്സിംഗ് ഓഫീസർ ഗെയ്ൽ ബൈർൺ പറഞ്ഞു. രോഗികളെ പരിചരിക്കുന്നതും അവരോടുള്ള സമീപനവും മറ്റുള്ളവർക്ക് മാതൃകയാണെന്നും അദ്ദേഹം കൂട്ടിച്ചേർത്തു.
Leave a Reply