ന്യൂസ് ഡെസ്ക് മലയാളം യുകെ
യുകെയിൽ കോവിഡ് കേസുകളുടെഎണ്ണത്തിൽ വർദ്ധനവ്. ഇന്നലെ രാജ്യത്ത് റിപ്പോർട്ട് ചെയ്ത പ്രതിദിന കോവിഡ് കേസുകളുടെ എണ്ണം 30,838 ആണ്. തിങ്കളാഴ്ച ഇത് 26476 ആയിരുന്നു. 50 പേരാണ് കോവിഡ് മൂലം രാജ്യത്ത് മരണമടഞ്ഞത്. തിങ്കളാഴ്ച 48 പേരുടെ ജീവനാണ് കോവിഡ് കവർന്നെടുത്തത്.
ഏറ്റവും പുതിയ കണക്കുകൾ പ്രകാരം 6479 പേരാണ് കോവിഡ് മൂലം ഹോസ്പിറ്റലുകളിൽ പ്രവേശിക്കപ്പെട്ടിരിക്കുന്നത്. ഇത് കഴിഞ്ഞ ആഴ്ചയുമായി താരതമ്യം ചെയ്യുമ്പോൾ 6 ശതമാനം വർദ്ധനവാണ്. നാഷണൽ സ്റ്റാറ്റസ്റ്റിക്സിൻെറ കണക്കുപ്രകാരം യുകെയിൽ 156000 പേരാണ് കോവിഡ് മൂലം മരണമടഞ്ഞിരിക്കുന്നത് . രോഗവ്യാപനം തടയുന്നതിനായി ബൂസ്റ്റർ ഡോസ് നൽകുന്ന നടപടികളിലേയ്ക്ക് എൻഎച്ച്എസ് കടന്നു . ഗവൺമെന്റിൻെറ ഭാഗത്തുനിന്നും അന്തിമാനുമതി ലഭിച്ചാൽ 50 വയസ്സിന് മുകളിലുള്ളവർക്കും മറ്റ് ദുർബല വിഭാഗത്തിൽ പെട്ടവർക്കും സെപ്റ്റംബർ 6 -മുതൽ ബൂസ്റ്റർ ഡോസ് നൽകാനുള്ള പദ്ധതിയാണ് ഇപ്പോൾ പുരോഗമിക്കുന്നത്.
Leave a Reply