ബിജു കുളങ്ങര

സോമർസെറ്റ്• യുകെ സോമർസെറ്റ് ടോണ്ടൻ സെന്റ് തോമസ് ഇന്ത്യൻ ഓർത്തഡോക്സ് കോൺഗ്രിഗേഷനിൽ വിശുദ്ധനായ തോമാശ്ലീഹായുടെ ഓര്‍മ്മ പെരുന്നാള്‍ ഭക്തി നിര്‍ഭരമായ ചടങ്ങുകളോടെ ജൂലൈ 7, 8 തീയതികളിൽ ആചരിക്കും. പെരുന്നാൾ ശുശ്രൂഷകൾക്ക് മലങ്കര ഓർത്തഡോക്സ് സഭയുടെ മലബാർ ഭദ്രാസനാധിപൻ ഗീവർഗ്ഗീസ്‌ മാർ പക്കോമിയോസ്‌ മെത്രാപ്പോലീത്ത മുഖ്യ കാർമികത്വം വഹിക്കും.

ജൂലൈ 7 വെള്ളിയാഴ്ച വൈകിട്ട് 7.30 മുതൽ സന്ധ്യപ്രാർത്ഥനയും വചന ശുശ്രൂഷയും ഓൺലൈനായി സൂം പ്ലാറ്റ്ഫോം വഴി നടത്തപ്പെടും. ജൂലായ്‌ 8 ശനിയാഴ്ച രാവിലെ 10 ന് പ്രഭാത നമസ്കാരം, വിശുദ്ധ കുർബാന. തുടർന്നു പ്രദക്ഷിണം, ശ്ലൈഹിക വാഴ്‌വ്‌, നേർച്ച വിളമ്പ്, സ്നേഹ വിരുന്ന് എന്നിവ ഉണ്ടായിരിക്കും.

WhatsApp Image 2024-12-09 at 10.15.48 PM

പെരുന്നാൾ ശുശ്രൂഷകളിൽ സംബന്ധിച്ച്‌ അനുഗ്രഹം പ്രാപിക്കുവാൻ ഏവരെയും സ്വാഗതം ചെയ്യുന്നതായി ഇടവക വികാരി ഫാ. ഗീവർഗീസ് ജേക്കബ് തരകൻ, ട്രസ്റ്റി റോയി കോശി, സെക്രട്ടറി ബിജു കുളങ്ങര എന്നിവർ അറിയിച്ചു. ജൂലൈ മാസം മുതൽ ഇടവകയിൽ മാസത്തിലെ രണ്ടാം ശനിയാഴ്ചക്ക് ഒപ്പം നാലാം ശനിയാഴ്ചയും വിശുദ്ധ കുർബാന രാവിലെ 10 മുതൽ ഒരു മണി വരെ ഉണ്ടാകുമെന്ന് കോൺഗ്രിഗേഷൻ ഭാരവാഹികൾ അറിയിച്ചു.

Church Address:-

St Michael Church, Pitts Close, Taunton, Somerset, Post Code: TA1 4TP