കേന്ദ്ര സര്‍ക്കാര്‍ അവതരിപ്പിച്ച സ്വഛ് ഭാരത് പദ്ധതിക്ക് നാണക്കേടുണ്ടാക്കി കേന്ദ്രമന്ത്രി പൊതു സ്ഥലത്ത് മൂത്രമൊഴിച്ചു. കേന്ദ്ര കൃഷിമന്ത്രി രാധാ മോഹന്‍ സിങ് ആണ് കേന്ദ്രത്തെയും ബിജെപിയെയും നാണക്കേടിലാക്കിയിരിക്കുന്നത്. മന്ത്രി മൂത്രമൊഴിക്കുന്ന ഫോട്ടോ സാമൂഹിക മാധ്യമങ്ങളില്‍ വ്യാപകമായി പ്രചരിക്കപ്പെടുകയും ചെയ്തു. സുരക്ഷ ജീവനക്കാര്‍ക്ക് സമീപം മതിലിനോട് ചേര്‍ന്ന് കേന്ദ്ര മന്ത്രി മൂത്രമൊഴിക്കുന്ന ദൃശ്യമാണ് പ്രചരിക്കപ്പെട്ടത്.
ബീഹാറിലെ കിഴക്കന്‍ ചമ്പാരണ്‍ മണ്ഡലത്തിലെ മോതിഹാരിയില്‍ മന്ത്രി അടുത്തിടെ സന്ദര്‍ശനം നടത്തിയപ്പോഴെടുത്ത ഫോട്ടോയാണിതെന്നാണ് റിപ്പോര്‍ട്ട്. ഈ മാസം ഇത് രണ്ടാം തവണയാണ് രാധാ മോഹന്‍ സിംഗ് വിവാദത്തില്‍ അകപ്പെടുന്നത്. മധ്യപ്രദേശില്‍ അഞ്ച് കര്‍ഷകരെ പൊലീസ് വെടിവെച്ചു കൊലപ്പെടുത്തിയതിന്റെ ഞെട്ടലില്‍ രാജ്യം നില്‍ക്കെ ഇദ്ദേഹം യോഗ ഗുരു ബാബാ രംദേവിനൊപ്പം യോഗ പരിശീലന പരിപാടിയില്‍ പങ്കെടുത്തതും വിവാദമായിരുന്നു.
Leave a Reply