ബേസില്‍ ജോസഫ്
ചേരുവകള്‍
ചിക്കന്‍ – 500 ഗ്രാം (bone less)
ഇഞ്ചി 1 പീസ് ചെറുതായി അരിഞ്ഞത്
വെളുത്തുള്ളി – 5 അല്ലി ചെറുതായി അരിഞ്ഞത്
പച്ചമുളക് -2 എണ്ണം
സബോള -2 എണ്ണം
ക്യാപ്‌സികം 1 -എണ്ണം
സോയാസോസ് -1 ടേബിള്‍ സ്പൂണ്‍
ടൊമാറ്റോ സോസ് 1 ടീസ്പൂണ്‍
റെഡ്ചില്ലി പേസ്റ്റ് -1 ടേബിള്‍ സ്പൂണ്‍
വിനാഗിരി -1 ടീസ്പൂണ്‍
പഞ്ചസാര -1 നുള്ള്
ഇഞ്ചി വെളുത്തുള്ളി പേസ്റ്റ് -1 ടീസ്പൂണ്‍
കോണ്‍ ഫ്‌ലോര്‍ -150 ഗ്രാം
മുട്ട -1 എണ്ണം
കുരുമുളക് പൊടി 1 ടീസ്പൂണ്‍
ഉപ്പ് ആവശ്യത്തിന്
റിഫൈന്‍ഡ് ഓയില്‍ -200 എംല്‍
സ്പ്രിങ് ഓണിയന്‍ -ഗാര്‍ണിഷിങ്ങിന്
പാചകം ചെയ്യുന്ന വിധം
ചിക്കന്‍ നല്ല വണ്ണം കഴുകി വൃത്തിയാക്കിയ ശേഷം ചെറിയ കഷണങ്ങളാക്കി മുറിക്കുക. ഒരു പാത്രത്തിലേക്ക് ഇഞ്ചി വെളുത്തുള്ളി പേസ്റ്റ്, കുരുമുളക് പൊടി അല്പം സോയാസോസ്, പകുതി കോണ്‍ ഫ്‌ലോര്‍, മുട്ട ആവശ്യത്തിന് ഉപ്പ് എന്നിവ അല്പം വെള്ളവും ചേര്‍ത്ത് ഒരുബാറ്റര്‍ ആക്കി മുറിച്ച ചിക്കന്‍ കഷങ്ങള്‍ മുക്കി നല്ല തിളച്ച ഓയിലില്‍ വറത്തു കോരുക. മറ്റൊരു പാനില്‍ ഓയില്‍ ചൂടാക്കി ഇഞ്ചി വെളുത്തുള്ളി പച്ചമുളക് എന്നിവ വഴറ്റുക. അതിലേയ്ക്ക് ക്യൂബ്‌സ് ആയിട്ടു മുറിച്ച സബോള, ക്യാപ്‌സികം എന്നിവ ചേര്‍ത്ത് നന്നായി വഴറ്റുക. ഓയില്‍ വലിഞ്ഞു തുടങ്ങുമ്പോള്‍ റെഡ്ചില്ലി പേസ്റ്റ് ചേര്‍ത്ത് നന്നായി മിക്‌സ് ചെയ്യുക. റെഡ്ചില്ലി പേസ്റ്റ് കുക്ക് ആയിക്കഴിയുമ്പോള്‍ സോയാസോസ്, ടൊമാറ്റോ സോസ് വിനാഗിരി, പഞ്ചസാര എന്നിവ ചേര്‍ത്ത് ചൂടാക്കുക. ഇതിലേയ്ക്ക് 1 കപ്പ് വെള്ളം ചേര്‍ത്ത് തിളപ്പിക്കുക. തിളച്ചു കഴിയുമ്പോള്‍ വറുത്ത ചിക്കന്‍ കൂടി ചേര്‍ത്ത് വീണ്ടും തിളപ്പിച്ച് കലക്കി വച്ചിരിക്കുന്ന കോണ്‍ ഫ്‌ലോര്‍ ചേര്‍ത്ത് സോസ് കുറുക്കി എടുത്തു സ്പ്രിങ് ഓണിയന്‍ കൊണ്ട് ഗാര്‍ണിഷ് ചെയ്ത് സെര്‍വിങ് ഡിഷിലേയ്ക്ക് മാറ്റി ചൂടോടെ ഫ്രൈഡ്റൈസ്, ചപ്പാത്തി എന്നിവക്കൊപ്പം വിളമ്പുക.
ഹോട്ടല്‍ മാനേജ്മെന്‍റ് ബിരുദധാരിയായ ബേസില്‍ ജോസഫ് ന്യൂ പോര്‍ട്ടിലാണ് താമസം. മലയാളം യുകെയില്‍ വീക്കെന്‍ഡ് കുക്കിംഗ് എന്ന പംക്തി തയ്യാറാക്കുന്നു. എല്ലാ ഞായറാഴ്ചകളിലും ആണ് വീക്കെന്‍ഡ് കുക്കിംഗ് പ്രസിദ്ധീകരിക്കുന്നത്.
ബേസില്‍ ജോസഫിന്‍റെ കൂടുതല്‍ പാചകക്കുറിപ്പുകള്‍ കാണാന്‍ ഇവിടെ ക്ലിക്ക് ചെയ്യുക
Leave a Reply