ചേർത്തല: വോക്കിങ് കാരുണ്യയുടെ എൺപത്തിയെട്ടാമത് സഹായമായ അറുപത്തിഒരായിരം രൂപ പുള്ളുവൻ പാട്ടുകലാകാരൻ ശിവദാസന് ചേർത്തല ഫെഡറൽ ബാങ്ക് മാനേജർ വിഷ്‌ണു ആലങ്ങാട്ട് കൈമാറി. തദവസരത്തിൽ ബാങ്ക് ജീവനക്കാരനും സാമൂഹിക പ്രവർത്തകനുമായ ഗോപകുമാറും സന്നിഹിതനായിരുന്നു. വർഷങ്ങളായി പുള്ളുവൻ പാട്ട് നടത്തിയായിരുന്നു ശിവദാസനും കുടുംബവും ജീവിച്ചിരുന്നത്. എട്ടു വർഷങ്ങൾക്കു മുൻപാണ് ശിവദാസൻ ഒരു പ്രേമേഹ രോഗിയായി മാറുന്നത്. ഭാര്യയും അമ്മയും രണ്ടുകുട്ടികളും അടങ്ങുന്ന കുടുംബമാണ് ശിവദാസന്റേത്. സാമ്പത്തിക പരാധീനതകൾ മൂലം കൃത്യമായ ചികിത്സകൾ ചെയ്യാൻ സാധിക്കാതെ വരികയും കാലക്രമേണ രോഗം മൂർജ്ജിച്ചു രണ്ടായിരത്തിപത്തൊൻപതോടു കൂടി രണ്ടു കിഡ്നികളും പ്രവർത്തരഹിതമാവുകയും ചെയ്തു.

കുടുംബത്തിന്റെ ഏക വരുമാനം ശിവദാസൻ പുള്ളുവൻ പാട്ടിനു പോയി കിട്ടുന്നതായിരുന്നു. കോവിഡ് വന്നതും ശിവദാസൻറെ ആരോഗ്യം ക്ഷയിച്ചതും കുടുംബത്തെ വലിയൊരു കടക്കെണിയിലേക്കാണ് തള്ളിവിട്ടത്. ഇപ്പോൾ ആഴ്ചയിൽ മൂന്നു ഡയാലിസും ആയിരക്കണക്കിന് രൂപയുടെ മരുന്നും ആവശ്യമാണ് ശിവദാസന്റെ ജീവൻ നിലനിർത്താൻ. മക്കളുടെ പഠനചിലവുകളും, ചികിത്സയുടെ ഭീമമായ ചിലവും അനുദിനവീട്ടുചിലവുകളും എങ്ങനെ കണ്ടെത്തുമെന്നറിയാതെ വലയുകയാണ് ശിവദാസനും കുടുംബവും. നാട്ടുകാരുടെയും ബന്ധുക്കളുടെയും സഹായം കൊണ്ടാണ് ഇതുവരെ ശിവദാസനും കുടുംബവും ജീവിതം തള്ളിനീക്കിയത്. തകർന്നിരിക്കുന്ന ഈ കുടുംബത്തിന് കൈത്താങ്ങായി വോക്കിങ് കാരുണ്യയോടൊപ്പം സഹകരിച്ച എല്ലാ നല്ലവരായ സുഹൃത്തുക്കൾക്കും വോക്കിങ് കാരുണ്യയുടെ അകമൊഴിഞ്ഞ നന്ദി.

Registered Charity Number 1176202
https://www.facebook.com/…/Woking-Karunya-Charitable…/posts/
Charitties Bank Account Details
Bank Name: H.S.B.C.
Account Name: Woking Karunya Charitable Society.
Sort Code:404708
Account Number: 52287447

കുടുതല്‍ വിവരങ്ങള്‍ക്ക്

Jain Joseph:07809702654
Boban Sebastian:07846165720
Saju joseph 07507361048