Malayalam UK

ചിറങ്ങര: തൃശൂർ ജില്ലയിൽ ചിറങ്ങര ഗ്രാമത്തിൽ താമസിക്കുന്ന സ്മിത രാജു കൊറോണ എന്ന മാരക വ്യാധിയുടെ പിടിയിൽനിന്നും രക്ഷപ്പെടാതെ തളർന്നു കിടക്കുകയാണ്. രണ്ടു മാസത്തോളമായി തൃശൂർ ദയ ആശുപത്രിയിൽ തീവ്ര പരിചരണ വിഭാഗത്തിൽ ചികിത്സയിലായിരുന്നു സ്മിത. രണ്ടു കൊച്ചു കുട്ടികളുടെ അമ്മയായ സ്മിത മൂന്നാമത്തെ പ്രസവത്തിനോടനുബന്ധിച്ചാണ് ആശുപത്രിയിൽ പ്രവേശിക്കപ്പെട്ടത്. അവിടെ വച്ച് കൊറോണ പിടിപെടുകയും സ്മിതയുടെ ആരോഗ്യം വഷളാവുകയും ചെയ്തു. അതിനോടനുബന്ധിച്ചു ഹൃദയസ്തംഭനവും ശ്വാസകോശ സംബന്ധമായ അസുഖങ്ങളും പിടിപെട്ടു. തുടർന്ന് ട്രെക്കിയോസ്റ്റമി ചെയ്യേണ്ടിവന്നു. അതിനുശേഷം ഓർമയില്ലാതെ പൂർണമായി തളർന്നു കിടക്കുന്ന സ്മിതയെ വീട്ടിലേക്ക് മാറ്റി.

ഓട്ടോ ഓടിച്ചു ജീവിതം പുലർത്തിയിരുന്ന രാജുവിന് തൻ്റെ സഹധർമ്മിണിയുടെ അവസ്ഥ താങ്ങാവുന്നതിലും അധികമായിരുന്നു. പറക്കമുറ്റാത്ത മൂന്നു കുഞ്ഞുങ്ങളും തളർന്നു കിടക്കുന്ന ഭാര്യയുമായി എന്ത് ചെയ്യണമെന്നറിയാതെ വലയുകയാണ് രാജു. ഓട്ടോ തൊഴിലാളിയായ രാജുവിന് സ്മിതയുടെ ചികിത്സ ചിലവുകളും, അനുദിന ചിലവുകളും താങ്ങാവുന്നതിനുമപ്പുറമാണ്. സ്മിതയുടെ അവസ്ഥ മൂലം രാജുവിന് ജോലിക്കും പോകാൻ സാധിക്കുന്നില്ല. ഈ അവസരത്തിൽ കൊറോണ എന്ന മാരക രോഗത്താൽ തകർക്കപ്പെട്ട ഈ കുടുംബത്തിന് ഒരു കൈത്താങ്ങാകുവാൻ നിങ്ങളുടെയും സഹകരണം വോക്കിങ് കാരുണ്യ അഭ്യർത്ഥിക്കുന്നു. നിങ്ങളാൽ കഴിയുന്ന സഹായം വോക്കിങ് കാരുണ്യയുടെ അക്കൗണ്ടിലേക്ക് മെയ് പതിനഞ്ചിന് മുൻപായി നിക്ഷേപിക്കുവാൻ അഭ്യർഥിക്കുന്നു.

Registered Charity Number 1176202
https://www.facebook.com/…/Woking-Karunya-Charitable…/posts/
Charitties Bank Account Details
Bank Name: H.S.B.C.
Account Name: Woking Karunya Charitable Society.
Sort Code:404708
Account Number: 52287447