ദുബായിലും ഷാർജയിലും ഡ്രോൺ ആക്രമണങ്ങൾ റിപ്പോർട്ട് ചെയ്തതായി അധികൃതർ അറിയിച്ചു. ദുബായിലെ അൽ ബദ പ്രദേശത്ത് ഡ്രോൺ അവശിഷ്ടം വീണ് ഒരു കെട്ടിടത്തിൽ തീപിടുത്തമുണ്ടായി, ഇതിൽ നാല് പേർക്ക് പരിക്കേറ്റു. ഷാർജയിലെ അൽ തുറായയിലെ ടെലികോം ഓഫിസിനും ആക്രമണം ഉണ്ടായെങ്കിലും അവിടെ ആർക്കും പരിക്കേറ്റിട്ടില്ലെന്ന് വിവരമുണ്ട്.
ദുബായ് തീരത്തുനിന്ന് ഏകദേശം 34 നോട്ടിക്കൽ മൈൽ അകലെയുള്ള എണ്ണ ടാങ്കറുകളെ ലക്ഷ്യമാക്കി ഡ്രോൺ ആക്രമണം നടന്നതായി റിപ്പോർട്ടുണ്ട്. കുവൈത്തിലെ വമ്പൻ എണ്ണക്കപ്പലായ അൽ സലമിയ്ക്ക് നേരെയും ആക്രമണം ഉണ്ടായതായി അറിയുന്നു. കപ്പലിലുണ്ടായിരുന്ന 24 ജീവനക്കാരും സുരക്ഷിതരാണെന്നും തീ അണയ്ക്കാനുള്ള ശ്രമങ്ങൾ തുടരുകയാണെന്നും അധികൃതർ വ്യക്തമാക്കി.
ഇതിനിടെ, അമേരിക്കയും ഇറാനും തമ്മിലുള്ള സംഘർഷം രൂക്ഷമാകുന്ന സാഹചര്യത്തിൽ സമാധാന കരാർ ഉടൻ ഉണ്ടാകാത്ത പക്ഷം ഇറാന്റെ പ്രധാന അടിസ്ഥാന സൗകര്യങ്ങളെ ലക്ഷ്യമാക്കുമെന്ന് അമേരിക്കൻ പ്രസിഡന്റ് ഡൊണാൾഡ് ട്രംപ് മുന്നറിയിപ്പ് നൽകി. സുരക്ഷാ ആശങ്കകളെ തുടർന്ന് യുഎഇയിലെ സ്കൂളുകൾ ഏപ്രിൽ 17 വരെ ഓൺലൈൻ ക്ലാസുകൾ തുടരാൻ തീരുമാനിച്ചിട്ടുണ്ട്.
Leave a Reply